الجديد جديد والقديم قديم ومن الاخير

تذكير بمساهمة فاتح الموضوع :

عقدات طرش مبلولات ***** عقد العين فى صوب القدم

انموت يدفنوني فيك ****.وصيت هلي يا دار لقدم

انطول في القديم انطول ... ايجي يوم يا ياس ونقهرك

باذن الله قديم انرده *****حتي كان لغيري عده

غلا قديم وافي الكيل ... رادحات له موازين خاطري

حلفت يا قديم ابعدك .............. سريب الغلا ما نجبده............طازا

وامغير القديم وبس ... لنظار ما جديد يوالفن

يطروه القديم انروق ...........حتى انكان مو في حوزتي

قديم خذاهن هن الاثنين ...الصبر وحتى نوم العين

كيف قديمي كيف جديدي ..متفقين علي تشريدي.

هن الاثنين افداه في صوبي..كيف بصيص كيف اهدوبي

أقدام مازلوا هم اقدام....سوا قسمو ما قسمو هم

اللي وجعتني من الايام قديمي تمه شعبي عام

شعبي عام قديمي تمه مالقي الاولي ايلم

يا لقديم نسينا صوبك واجد رقعنا في عيوبك

قديم خذوه ونا نبيه ... نبارك ويعزوني فيه

زائر

لا قديم داير خير .... ولا جديد عارف قدرنا.........طازة

قديمي مازال أتقوليش **** جديد أنديره هي شور أيش

اللي اهناك دوب قديم .......... مكان للجدد ما عندنا
فيه مطارح فيت عربهن ................... ما يقدر والي يقربهن

[b]حقي يالقديم انريده ***** كبد وجوف وعين جديدة ..دعبولي الصقوعي
هف قديم ودارن ليله ***** مادارنها يوم رحيله ..دعبولي الصقوعي

الراحه ايجيب الله ......... هفو اليوم ع العين القدم

عقدات طرش مبلولات ***** عقد العين فى صوب القدم

الرد

مامن عقده طرشه بلت*****لكن بذن الله انحلت

قديمك ماعدتي تطريه......اللي بجديدك بدلتيه

مصيون يا قديم غلاك ... في القلب ماجديد ايزاحمه

ايديك ضمدن لوجاع * * مسحت ياجديد جرحي فالغلا

مالقيت ياجديد امنين ... نهلب عليك من نار القدم

ياريته ايقول اخطيت***يندم قديم وايقول جايك

اتقول ظالما القديم .......... جميع ما جرا فيها عشم