الجديد جديد والقديم قديم ومن الاخير

ماكيف القديم شي كيف *** ماللك ومال ياعين اجدد
غلا جديد توا بان **** نساني امهايات لولي

مازلت يا القديم وراك*** الوقت ما نهاني ع الغلا

وراي نلتفت ما زلت ***هيالي اقدم لاحقيني

جديد انديره *** ننسى لولي نشقى بغية غيره

ما عندي عليها

عزمي شديد وكل شي انديره ننسى القديم والجديد وغيره

القديم والجديد اكيد عندنا غير لست الوحيد بموضوعي هذا ولكن الافضل بمشاركاتكم :lol!:

الخاطر يكرب فيه الدم.. انقول جديد ايقول اقدم.
يحلف كان قديم براسى.. سبحان اللى توه ناسى

تحشم يا القديم اشوى.. خبر شين اللى درته فى.

تقبل مشاركتى الجارح فى موضوعك :lol!:

قـديم ما علينا فية *** هـذاء جديـد يا اقسام وينكن

العقل واخذه الجديد *** رهينة علي دين فالقدم

مع جديد راق العقل ***على قديم ماعاد يلتفت

مشاركتك طيبه دموع الورد

بس
حتئ والجديد اطعمه *** يحكي مازال عقلي ع القدم

اسهيت با القديم نطقت *** احذا جديد وجعاته بكاء

يا القديم أمخرب سوقي ****** نين يجيبولي صندوقي
زول جديد مرضي عيني ******ماعاد قديم أيزهيني
يا لوكان قديم يريدك ****ماخلاك تعضي فيدك
جد جديد ودرت أكبيدة ****وأنسيه قديم أكيدة
جديد أديري في شان أيش **** قديمك مازال أتقول أيش
ومن القديم للجديد دائما تقبل تحياتي أخي الجارح

url=http://www.0zz0.com][ندعوك للتسجيل في المنتدى أو التعريف بنفسك لمعاينة هذه الصورة][/url]

[الجارح كتب :
قـديم ما علينا فية *** هـذا جديـد يا اقسام وينكن

انقولك:
لو كان فى نصيب ..غصبن على ليام طرح وطيب ايسير قسمهم.
ماعلى الله صعيب.. خلق اعزاز يابال قسمهم

انريد نجحده ماقدرت .. غلا جديد قدام القدم
لاقنى القديم فرحت.. هلب على ماتقول حقنى
سميت ياالقديم عليك.. اول ضناى من خوفى تنتسى

مسع ياالقديم انسيتك .. غربت وشرقت وجيتك.

علينا اقسام افرضن.. نسواهم اقدم موبراينا.

ياالقديم لهيت بغيرك .. هيت العقل وكثر خيرك..
:scratch:

ماانريد غير قديم على مامدح مابت معاه اتهيم.. جديد الغلا

. العين رايده الجديد*** امغير مكر فى عيت القدم...

. كان كل يوم اندير جديد .***. كيف الأقدام ما اجو...

. العقل مالكه القديم .***. مكان لجدد ما عاد عندنا

. أن جاء الليل جوني فيه .***. نسمر اسمور في شأن القدم

أبها فرحت نين بكيت ***طرولي قديمين ينشدوا

الله الله لو ماكان حلم *** مسمح قديم للعين جيته

الساهلة أتدير جديد *** والواعرة هي ملاقات القدم

مصيون غلاك يالجديد ** ماقديم في القلب أيزاحمك

تقبلو مروري

معليش على مداخلتي مرتين
بس تدكرت انه من يومين جاني مسج خطييييييييييير عالقديم والجديد
شد عندك :

اتصدق كان قديم ايفوت****اندير جديد انحبه موت :D :twisted:

قلتيلى جديد ودرت && بعتينى بكيت عالقدم.
انوارى واندثمر وانلم && ابها بلكل بانو القدم.

السزيه كتبت
تصدق كان قديم ايفوت *** اندير جديد انحبه موت

نحساب الجديد قديم *** اوهمت فيه جيته منعمي

خاطي قديم من يريد *** يمسح ادموع عيني الباكيه

ومشكوره علي مرورك في موضوعي يا السزيه-البدويه

عفليك حلم جاب قديم *** تفسيره انموت اوما قسم

الجارح كتب:: عليك حلم جاب قديم *** تفسيره انموت اوما قسم

الي دموع الورد

ان كنك تريدي نوم *** بعد قديم تبقي شاقيه

قديم ما علي ايهون *** سقيني غلا نين منعمي

انبكوك يا شديد العزم && مطرا أقدم لو كان نجبدوا

للجارح:
كونه ايهون ايهون ** قديم غير تبيله اشوى.
قديم واسمه فيه ** على جديد عينى امرايفه.

قديم عزقته قتله طز** جديد امعيشنى فى عز.

العين رايده الجديد امغير مكر فى عيت القدم...

. كان كل يوم اندير جديد .. كيف الأقدام ما اجو...

. العقل مالكه القديم .. مكان لجدد ما عاد عندنا

. أن جاء الليل جوني فيه .. نسمر اسمور في شأن القدم....

. عليكم أندير جديد .. قليل خير نبقى ياأقدم....
تقبلوا مروري
مع تحياتي

. موش كيف نار جديد .. مقوي صهيد نار القدم....

اتعازى اتريد قديم تنفخ العين فى نار طافية ..
تقيلة وماتنشال نسوة قديم ماهى ساهلة ...
حتى والجديد احذاى مسروق ركن ديما للقدم ...

مسمح دبايرى للعين ** نسيت قديم ورونقت.
خلانى جديد انهيم** وانسيت القديمين كلهم.

الجارح كتب:
ان كان تريدى نوم ** بعد قديم تبقى شاقيه.

انقولك:
اتريد اتحصل نوم امنين ** اتغفى وتقول قديمين.
هوينا وجاها نوم ** وناضت اتشالى ياالقدم.

اجري غير اجري يا القديم ..... علي نيرانك حط رديـــــــــــم

انكمل في ليلي تخميـــم ..... احذا دار الغالي القديــــــــم

» موقع تجد فيه ترجمة اي فيلم او مسلسل أجنبي سواء جديد أو قديم
» الجديد جديد والقديم قديم ومن الاخير
» الدبور .. جديد أعمال البيئية الشامية للموسم القادم .. اسحاق لـ شام برس : العمل يتطرق لفترة جديد
» الزائر الاخير
» حلويات من الاخير