ما ينفعك والي امفيت اذراعك

قال الشاعر فرج محمود من مدينة طبرق

ما ينفعك والي امفيت اذراعك .. ان مال الزمان يسيّبوك اتباعك

ولا تظن الدنيا .. إن كان هي عطاتك عالزهاء مبنيه
صاحبة كواين واسمها مفنية .. كيف من شراك وبالعطيبة باعك
وللي قاسمة تاتيك عنية قنية .. ولا حذر ينفع من قضاء صناعك

واذكر ربك .. وقضي فروض الدين لا تلبك
راه الدهر خوان كان العبك .. وتناشي أوضاع مخالفات اوضاعك
تبقى في طريق مظلمة تهبك .. تهبيك عمى في دهشة عرب تداعك

كون قنوع .. ولا لغير مولاي الكريم ركوع
ولا العبد يقدر يقتلك من الجوع .. حتى لو نواء يصعب عليه خظاعك
والانسان خالقه ربي هلوع جزوع .. في الدنيا وخلي ف الكريم اطماعك
وحق من خلق هالكون قبل اسبوع .. ومن طينة نشاك وجاد فيه ابداعك
ان راد لك الشيء يجيك كره وطوع .. ويصابن على قرن الغريق افزاعك

ما ينفعك والي امفيت اذراعك .. ان مال الزمان يسيّبوك اتباعك

ورد على القصيدة الشاعر امراجع العوكلي فقال:

من شاقيبك .. لوكان يافتا من المال خالي جيبك
حتى من عليك ايعزمن صاحيبك .. يفوتك إن تمن ما يجات أوضاعك
وكان في البداري صادفن شابيبك .. وقبل مع كل عام رأس أرجاعك
حتى بعيد الدم في تنسيبك .. يروح مع نسمة عفا مرتاعك
من يشقابك .. إن مالت الدنيا يهلبوك أصحابك
اللي قبل ديمة عادين بقابك .. أيام والفواكهة نازلة بافراعك
وفاتوك كي بانن اليوم أتعابك .. وخلين بعد مليت طعام اقصاعك
هذلوك لا تفتح عليهم بابك .. ارمي حيطهم بقصاه مدا مقلاعك

ما ينفعك والي امفيت اذراعك .. ان مال الزمان يسيّبوك اتباعك

[ندعوك للتسجيل في المنتدى أو التعريف بنفسك لمعاينة هذه الصورة]

مشكور

شكرا على ما قدمت

امنور يا مديرنا

علي احتيارك الاكثر من رائـــــــــــــــــــع

تقبل مروري

تحـــــــــــــــــــــــــــــــــــــــاتي .. ! م

ا
سعدني تواجدكما

البدو فعلا انتقاء غاية في روعة كلمات واقعية ورائعة

تسلم ايديك خوي البدو وصح لسان الشاعر

ليس غريب عليك اختيار الروائع

ألف شكر

[ندعوك للتسجيل في المنتدى أو التعريف بنفسك لمعاينة هذه الصورة]

» ما هناك شىّ جديد ** امفيت للحب وحود داروا عيد
» عيد ميلاد سعيد
» حتى انكان مش ناشد عليا والي ... عايش ورزقي عالكريم العالي