أخترت لكم منوعات غناوي وشتاوي علي كل شي

تذكير بمساهمة فاتح الموضوع :

السلام عليكم .. اخترت هذا الموضوع حتى يشمل اغلب محاور غناوي العلم والشتاوات ..
ويسرد الموضوع غناوة وشتاوة علي كل بند ومش بالضرورة يكونن رد علي بعضهن ..
وتقبلو تحياتي أخوكم الولهان .. وأكيد يرتقي الموضوع بردودكم وتعليقاتكم ..

لوهام :
اوهامك ديمة تلعب بيك **** تعلي مرة وتواطيك
تخطيمك على الاوهام **** جدد سريب مانا في وارده

القديم:
غلا قديم نطري فيه **** انريد ثلث م الليل ناخذة
حتى كان اقدم فضيولي **** ماني كيف زمان ابطولي

الصوب:
عزيز كان خان الصوب **** عزاي فيه توبات علي الغلا
دونك يامولاى انصفلى **** خان الصوب وهو حالفلى

النار:
الي ما قاس النار ايقول **** امغير اصبر شده وتزول
كل اللي فازع سيبني **** في نار المرهون هلبني

العزم
العقل لاتزيد عليه **** رقيق عزم بكاى ياعلم...
وخيذه خونتهم لو ريــــت ******* مغير بعزمــــى ما جضيــــت

الغلا
ارغبت فيه قبل ايصير **** واندمت وين ما صار الغلا
غلاكم يالولاف اشبوب **** ان لط يعوزنا فالصوب

الايام:
الايام قاصرات معايا **** خذن عزيز ويش يدورن
عزيز حلفنا ماننسوه **** إيدورن ليام ونلقوه

الخيانة:
ليش يا عزيز تخون **** تنسى عهد ما كان بينا
عالخونة ياما وصوني ****ناس اعزاز وبيها جوني

العقل:
العقل كان طال اعزاز **** يزهى بلا مال ساده
قاعد يا لولاف بلاكم **** درنا نا والعين عزاكم

النوم:
متخايله منام قديم **** لها ايام م النوم خايفه
تلاته فاقدهن فى يوم **** الغالى والراحه والنوم

العين
العين من غلا مرهون **** تذوح ما دباره لاقيه
عندي عين الموح قتلها **** تمشيلك واتسيب هلها

المرهون:

أنقولوا فيها لك ياعين **** يضرك صوب االمرهونين
خلاك المرهون ضريرة ** ** ياريتك دورتي غيــــــــره

الكبد
حنونه ودارت كبد **** على عزيز ويش ايفضها
عزيز قتلنى بنار الشوق **** يقطع فى كبدى ويذوق

لولاف
مقوى عزومهم لولاف **** نسيونا بعد واجد غلاء
ايريدونى لولاف انشيل *** احمول على حملي الثقيل

الجرح:
كذاب من ايريد ايقول **** الجرح بعد قديم دوايته برئ
هن الزوز عليك مصيبا **** مجروح وما هناك طبيبا

الغيِة
قسامي بلا غيات **** بالخاطر الله لا يجيبهن
ماني معتاز لغياتا **** الغالي كي روحه اعجباتا

سماحة البكاء في ليل...علي عزيز والعين جامه

نلقى عقل ونراجيك ... ضنك انريد لمتا ياغني ؟

امغير نا اللي صبار ......الا جرحهم ما ينحمل

على عزيز من التوجيع ... رميت قالى يا نويرتى

فيهم لو كان اللى فينا *** ماغابوا لولاف علينا

العين طالبه م لياس ............... تعويض في تعاطيل حالها

قليل وين في هالوقت ......... تبرم اطيح في صاحب وفاء

حتى لو كبر ما يـدوم ... قصير عمر تاريت الغلا

حتى انكان صاحب نقص.. ابجيرته اغلي واجد علي.

ناس اعزاز تبرو مني *** نجري في جرتم كني
امنور اخي الولهان

خذيت فى قديم ايام.... .يربح انكان لغيرى قسم

فى مافات غوالى كانوا *** غير بعد هانونى هانوا

بلا جميلتك ريناك ,,,,,, جابك منام ياغالي علي

العين جايبه للعقل ,,,,, صورة قديمين ما ينتسو

النوم ياعزيز بلاك ,,,,, نسمع عليه ماني طايله

مفيت وانت ضامن داه ... العقل يا علم لا تساوله

ينساهم يجوه منام ... عزاز خاطري والع بهم

حتي وانت فيك النار &&& مازلت خضر ياعود القدم ...!! م

ماعاد لها تفريز نا انقول غالي وهي اتقول عزيز العين
ودرت

فالعمر مرتين اجرحك && منا قديم ياعين ونكر ..! م

سويسا كتب:: ماعاد لها تفريز نا انقول غالي وهي اتقول عزيز العين
ودرت

ودرت ...

نلقانك انتي اللي ودرتي

اقري عنوان الموضوع

عزيز ماعليه اطعمه ... اللي مااقسم في وقتها

والا ايش رايك ياسويسا

ياالعزيز عليها نادم..... درتك بين الناس ابنادم
والا ايش .كان ياما كان.

هناك عرب ماتسوا شي ... امسيبهم وترد علي

صفو يالولاف النية && ماسية تبرة من سية ..! م

عزيز ايهندبلي عالعيب ... امنابات الطوقه للذيب

» منوعات غناوي علم
» غناوي علم قويه
» اي فاهق وسع علي خاطرك بس
» غناوي وشتاوي ع النار
» ردود (غناوي وشتاوي)