أخترت لكم منوعات غناوي وشتاوي علي كل شي

تذكير بمساهمة فاتح الموضوع :

السلام عليكم .. اخترت هذا الموضوع حتى يشمل اغلب محاور غناوي العلم والشتاوات ..
ويسرد الموضوع غناوة وشتاوة علي كل بند ومش بالضرورة يكونن رد علي بعضهن ..
وتقبلو تحياتي أخوكم الولهان .. وأكيد يرتقي الموضوع بردودكم وتعليقاتكم ..

لوهام :
اوهامك ديمة تلعب بيك **** تعلي مرة وتواطيك
تخطيمك على الاوهام **** جدد سريب مانا في وارده

القديم:
غلا قديم نطري فيه **** انريد ثلث م الليل ناخذة
حتى كان اقدم فضيولي **** ماني كيف زمان ابطولي

الصوب:
عزيز كان خان الصوب **** عزاي فيه توبات علي الغلا
دونك يامولاى انصفلى **** خان الصوب وهو حالفلى

النار:
الي ما قاس النار ايقول **** امغير اصبر شده وتزول
كل اللي فازع سيبني **** في نار المرهون هلبني

العزم
العقل لاتزيد عليه **** رقيق عزم بكاى ياعلم...
وخيذه خونتهم لو ريــــت ******* مغير بعزمــــى ما جضيــــت

الغلا
ارغبت فيه قبل ايصير **** واندمت وين ما صار الغلا
غلاكم يالولاف اشبوب **** ان لط يعوزنا فالصوب

الايام:
الايام قاصرات معايا **** خذن عزيز ويش يدورن
عزيز حلفنا ماننسوه **** إيدورن ليام ونلقوه

الخيانة:
ليش يا عزيز تخون **** تنسى عهد ما كان بينا
عالخونة ياما وصوني ****ناس اعزاز وبيها جوني

العقل:
العقل كان طال اعزاز **** يزهى بلا مال ساده
قاعد يا لولاف بلاكم **** درنا نا والعين عزاكم

النوم:
متخايله منام قديم **** لها ايام م النوم خايفه
تلاته فاقدهن فى يوم **** الغالى والراحه والنوم

العين
العين من غلا مرهون **** تذوح ما دباره لاقيه
عندي عين الموح قتلها **** تمشيلك واتسيب هلها

المرهون:

أنقولوا فيها لك ياعين **** يضرك صوب االمرهونين
خلاك المرهون ضريرة ** ** ياريتك دورتي غيــــــــره

الكبد
حنونه ودارت كبد **** على عزيز ويش ايفضها
عزيز قتلنى بنار الشوق **** يقطع فى كبدى ويذوق

لولاف
مقوى عزومهم لولاف **** نسيونا بعد واجد غلاء
ايريدونى لولاف انشيل *** احمول على حملي الثقيل

الجرح:
كذاب من ايريد ايقول **** الجرح بعد قديم دوايته برئ
هن الزوز عليك مصيبا **** مجروح وما هناك طبيبا

الغيِة
قسامي بلا غيات **** بالخاطر الله لا يجيبهن
ماني معتاز لغياتا **** الغالي كي روحه اعجباتا

العين تقول نتركه وتحنت *** غلا عزيز قل ايمانها

اتركهن تنال جميل مالك سبب في ذنبهن.

مازال يالعين ايجول *** العقل في جلاوي اديارهم

فيهم لو كان اللى فينا *** ماغابوا لولاف علينا

يقولن خطاهم جبر ... ما زالن حنونات عالغلا

حتمن ياعزيز القدر *** انظاري مع صوبك مشن

خلاني شكيت بداي .. عزيز وين ما باعد علي

ديما قبال العين سوا بعاد والا يقربوا

وازيتا ايام اوحلت *** خليطه المغالاه واعره

اللي نشكيلة من النيران .... يقول كلتنى ليا زمان

زائر

واخذين مافي العقل...سوي ابعاد والا يقربوا

اعزاز عرّموا عالعقل *** سيات لين فـ النوضة اوحل

الناس يا عزيز ابعدك *** وجع راس ما عاد يلزمو

مكتوبلى من يوم جيت *** اندير غلاه وفيه ننقهر
وينك يا طباب اجروحى *** رانى واكلها فى روحى
ماعاد عندى بيش انراجع *** ملتمات جفا ومواجع
يــــــاريت تتقبل مــرورى اخـــى الكـــــــــريم
واشــــــــــكرك عـــــــــلى المــــــــوضوع
تــــــــــــ ح ـــــــــــياتى

ليش يا عزيز ادير الصوب وأنت عابي ع الخطا

مستوحيات ياس طويل *** لنضار في عزيز ايوادعن

عيشى جوك؛ واللى جفاك وباعك ياخذ سوك؛الله والنبى ياعين عيشى جوك

انصبر فى عينى واتسيل اتقول بلاهم مالى حيل

زائر

جديد ياقديم ادفرك...كنس مطارحك نين عججن

بكيت وين فيك طمعت وبكيت في ضياعك يالغلا

عزاز اللى كانو فى البال ... تمو فى لوهام خيال

حتى انكان خيال اعزازي ... بيهم في لوهام انزازي

في الدوج و الخلا و النوم ... يخطر عزيز أنا وين نلتجي

يعوينه اللي قلبه فاضي ... لا عنده غالي لا ماضي

الخاطر لو كان أيشاكيك **** بعزمك هاذاك أيبكيك

الياس معسكر فى لقسام ***انريده يرحل دار خيام

زائر

اعزاز هم امراض العقل...مافاد لادواء لامساولة

من طولت رجا العزيز رايحا ذايبا يا كبيدتي

» منوعات غناوي علم
» غناوي علم قويه
» اي فاهق وسع علي خاطرك بس
» غناوي وشتاوي ع النار
» ردود (غناوي وشتاوي)