كل من يضحك حبيب اتديره

يا العقل لا تنفع ولانك خيره من حاش كل من يضحك حبيب اتديره
ولي مضمونه صحبة اللي يبين نظاف اسنونه

مرات تبقى ضحكته مشنونه ,عطيب ناس من غادي عديم ضميره
خلي صحبته في زاويه مركونه, تباعد عليه وشوف واحد غيره
كريم ربنا يا ما خلق في كونه , م اللي اجواد وطيبين السيره
اهناك ناس غلابه و اهناك ناس ماهم للخبر طيابه *
واهناك ناس حرفتهم فتن ونصابة, بين الجماعة عندهم تخبيرة
يشيل العلل مقلوب يسهرابه, ويضيفلة نميمة واجدة وخطيرة
خله علي رب العباد حسابة , اليوم واسعة لكن وراه حشيرة
*لا عليك عبايا و لا نريدلك خلطة ولا سهرايا
من حاش للعرب ما درتشي صفايا ,نين كل حد تعرف مدى تعييرة
اهناك نوع فيهم خامته صدايه, حتى لو جليت تسيرله تغبيره
وان طال مصلحة ما يدير فيك دمايه,مفطوم ع الطمع عايش علي تقطيره
و اهناك نوع يسمو اجواد سمايا, كيف الذهب لا نقص لا تغييره
* اهناك ناس اجواد علثر طول المروه عزوم اشداد
علي غوشهم ضيف الخلا نشاد, يبات في هنا في بيت واجد خيره
وارثينها ع الاب والاجداد, قولة تفضل ما عليها شيره
واهناك ناس من غادي وجوه نكاد, علي كوب شاهي عندهم تكشيرة
سبحان من علم بامور هالعباد, وكل حي كاتب ف الحياه مصيرة
* ولا نريد سريبك ولا عد طريق تجيبني و تجيبك
ما تفرز العدوان من صاحيبك, طعمة الحنظل موش كيف القيره
غزاني اليوم الشيب من تحسيبك, وحلمك اللي عاجز علي تفسيرة
لي 40 خريف حامل عيبك, تباعد انعدك من ارقود السيره(المقبرة

[ندعوك للتسجيل في المنتدى أو التعريف بنفسك لمعاينة هذه الصورة]

تسلم يا رزق على اختياراتك الرائعة

شكراً وبارك الله فيك

لك كل الاحترام

رزق
احسنت الاختيار

منتهى الروعة

زائر

مشكور صديقي