اجمل ماقال في حق اماااااااااااااااااااااال

اجمل ماقال في حق اماااااااااااااااااااااال
قال الشاعر رميميح:

انتى شوفك شوف الجفّال ** اجدىّ غزال ** مثيله غير اسمك آمال

انتى شوفك

شوف النقمار ** اللى مِضمار ** مثيله فيك عيون كبار

اولك سالف لا طاح غمار ** الخاطر شال ** بعد توبه صاده نهبال

العقل اللى واثق صبّار ** اللى حمّال ** وراكى خش ادروب ضلال

حقيقه حيّرتى لفكار ** انتى يابال** اقسامك معدومات إقلاِل

انتى عينك كى عين الحرّ ** انتى هدبك ريشات اخليش

اوخزره يا لطيف اتضرّ ** لها ضربه ف الحال لطيش

ان كان خزرتى يا ساترّ ** معاها نكمل غير رعيش

الخاطر فى سبّاك ايورّ ** افكارى راحن طراطيش

ونارك فى جوفى تسعرّ** اشعلتى فى مكنونى ميش

اومن غادى نا متقطمر** وزدتى ف النيران حميش

وذايق م الايّام المرّ ** او واجد طايلنى تخبيش

وياما ريت ايام خطرّ ** وياما م الدنيا تلطيش

اوقاتاً ع الخبزه قاصرّ ** الحاله يعنى را مافيش

او لازم يابنيه الحذرّ ** انوصى فيكى ما تنسيش

العيشه راها عيشة برّ ** اتعيشى غادى ماظنيش

انتى عودك بلحيل خضرّ ** اونا وجهى فيه اتخربيش

عليكى ما نجحدشى سرّ ** سريب الغيه ما نبّيش

امغير انخمم ونفكرّ ** الليل ابطوله فتوغويش

انضرّب ف احساب انحكرّ ** افكارى طايلهن تشويش

القيت طريقك فيه وعَرّ ** او مانقدرّ ** انخش وفى نصه ننزر

او لازم يعنى ها الخبرّ **او ها الموال ** ضرورى من راسك ينشال

انتى شوفك
شوف الجفّال ** اجدىّ غزال ** مثيله غير اسمك آمال

فحب يرد عليه الشاعرالرزيقي:
يارميميح نظرت أمال .. الها نعدال .. ولويت شال .. وعين غزال .. خذني غير أجلي مازال ..

ويارميميح

فرد رميميح:
وسالف طاح العاتق طال ** اسود وطوال** جيوش تلاقن يوم اقتال
فرد الرزيقي:

سالف طاح العاتق غطا .. تحتى وطا .. هو وأطراف الشال تلطا ..

شوف اللي بزارها حطا .. كمامه شال .. حباري خلاهن شنتال ..

وسالف طاح ..
فرد رميميح:
سالف طاح العاتق غطا .. تحتى وطا .. هو وأطراف الشال تلطا ..

شوف اللي بزارها حطا .. كمامه شال .. حباري خلاهن شنتال ..

الحاصل فى قسميته لطّه ** بختى مال ** نصيب امعاها م المحال

وما تنفع حيله لا خطه ** ياسى طال ** رهين وعندى جوز اعيال

وحب الشاعر (الزيدانى) اهداء هذا ا الشعر لنفس البنت وقال في حقه خمس اشعار ومنهم:

عيون امال**ماريتهن فى هند لا بسكال**سبحان خالقهن عيون امال

عيون ونطـــــــــــــــــــــــرات **رمنى بسهم اتقول غدارت

خدتنى بنظره بنيته عويدات**كيف البحر فى صاحبه قتال

يخطر عليه طيفها اسويعات**معايا ف فكرى شايله مزال

عيون امـــــــــــــــــــــــــــا ل**ماريتهن فى هند لا بسكال

نظــــــــــــــــــــــــــــ رات قوية**نطرات عجيبه امعبيه حنيه

امنايا جميله امحركه جوجيه**انغيب عليها ادزلى مرسال

تسكن ف سبها ولاصل مشاشيه*معايا ف قلبى وبعدها باميال

عيون امـــــــــــــــــــــــــــا ل****ماريتهن فى هند لا بسكال**سبحان خالقهن عيون امال

***********************

احسنتى الاختيار وصحيتى وصح السان الشاعر
مشكورة ايوتا وشرافتى
لك الود

احسنتي ايوتا في نقل هذه القصيدة الاكثر من الرائعه
وصح لسان الشاعر

مشكورة صديقتي على ما نقلت لنا

طير البحر نورت موضوعي

ولد لجواد منور ياغالي

شونا يشرفنى انى صديقتك منوره ياغاليه

كلمات فى امال عويدات الي حيرت الشعااااااران شالله تنال الاعجاب

اسلوبك يا امــــــــــال امان ..اتقول الحان انعزفن.. باوتار الكمان

اسلوب حنــــــــــــــــــــــــون ....ايداوى اللى قلـــبه مطــعون

كلامك يحرق فى المكنــون ....وناااار اتشيط بلادخـــــــــــــان

انتى زينه يافيك عـــــــــــيون.... كحيلـــــه من عنـــد الرحمان

اهدوب اطوال وسود اجفـون.... اخــدودك كى الورد الرويان

جمالك ماريته فى كـــــون ....ولافى الانس ولا فى الجااان

وعمرى بكلماتك مرهـــون ....ان عانتـــى انمـــــوت وندفان

ان وافقتى انجيبوا المـــاذون ....انديرو عــرس وعقد قــران

انديروا حفل كبير ايكــــون ....فى فندق فاخـــر فى اليونان

حفــــل كبيــــر وفــــيه افنــــون.... انجيـــبوا راغب مـ لبنـان

انجيبوا مايكل جاكســــــــون .....ومادونا مـــــ الامـــريكان

وفناننين من الجــــــاااابون ....ومـ الهند ومن الباكستــــان

ومصرين من الفــــرعون ....ومن المكسيك ومن اليــااابان

معازيم ايكونوامليون .من كل مكان ..يكون عرسى وعرسك عنون

اسلوبك يا امــــــــــال امان ..اتقول الحان انعزفن.. باوتار الكمان

للشاعر :عبد المولي..

وهذه اضافه من الشاعر القدير اسامه المقرحي(السامر)في حق نفس البنت امال:
ماريت في زولك لكان دلاال....يلي عطاك الله اسم آمال

ماريت في زولك لكان الطيبه...يلي فوصفك صعب كيف نجيبه...عندك مزايا في البنات عجيبة...وتوعندي كلام فخاطري مازال

وموال شرحك لازم يطول سريبه...ويقعد يحاكو بيه شوق أجيال

وماهوش قول لسان لاو كتيبه...قداش خفيتي من عقول اتقال

انتي دوا لخاطري وطبيبه...غصبن علي الحساد والعزال

وصفك نحير نعاوده ترتيبه...خايف يقولو في كلامه قال

زائر

[ندعوك للتسجيل في المنتدى أو التعريف بنفسك لمعاينة هذه الصورة]

منوره يا ايوتا على القصيده الرائعه

منورين على المرور

للوتا

تسلم الايادى

وصح لسان الشاعر

قصيدة جميلة

» اجمل اسم بنت ....
» ولا اجمل من هك؟؟؟؟؟؟؟؟؟؟؟؟؟؟؟؟؟
» اجمل ترحيب
» اجمل المعلومات
» ما اجمل اللحظات ....