شن وضعك العاطفي حالياً؟؟؟

تذكير بمساهمة فاتح الموضوع :

هذا الموضوع تقدر فيه اتعبر عن حالتك العاطفيةاو النفسية الحالية بغناوة علم او شتاوه

يعني اكتب اى شئ من تأليفك او اقتبس بكلمات اتكون قريبه من حالتك ........

وتوا انا بنبدا معاكم

وحالتى اليوم اتقول :::

نا وعزيز اليوم الباين ..... [ندعوك للتسجيل في المنتدى أو التعريف بنفسك لمعاينة هذه الصورة] .... كلتنا ع لخر هاين

اتمنا تواصلكم معى

ابعدك يا عزيز حرام ...... النوم والمغالاه والغلا

اغيابك ضر العين قتلها
دير خيام وعزي هلها [ندعوك للتسجيل في المنتدى أو التعريف بنفسك لمعاينة هذه الصورة]

بلاك ما لهن طعمة *** شينات ياعزيز ايامنا

اصبر يا قلبي كون شديد
كلام اكيد
فرج ربي ماهوش بعيد

وكان تلقى لسد مكانى يالعزيز مسامح رانى

ما من صوب انقولوا لنا ...كيف بلاش طلعنا منا ...
يا جارحنا .. انسيت الغلا ننسوك حتى نحنا .. زايد علينا بيش...

راحن ايام لملاقاه @@@@@@واليوم ياغالي عالخبر [i]

ماني شوره ايجي في منام العين صوت وصورة
حتي والعزيز بعيد

تقاون علي اوحلت***احمول وقت ماني امدادهن
متباعد عليك عزيز ** حطي الكيد ياعين عالبكاء

سريع جاعشمنا فيه**عزيز كيف مادار صارله
في تغفايا قبل اطمعنا*** لكن هف عزيز فجعنا
وضعى العاطفى محبط وكائيب جدا

عطشان صوب طول العمر ... العقل ما روا نين صادفك

العين قسمها في النوم ... دقيقه وفيها شاركو

حالي كيف مريض السكر
نوعى نص الليل انفكر

شقق دق قدم ندابى ... عالارض وماجو غيابى

غاب عزيز الدنيا شانت...........ياما تسوى عندى كانت.

لاتندم على حب عشته...حتى ولو صارت ذكرى تؤلمك
فإذا كانتالزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراًجميلاً أسعدك

نار غلاى اتلم وترقا .....والطفا ى لفتلا شرقه

كاره مداعي الصوب *** لا انريد قديمين لا اجدد

:ثقثقفث: :ثقثقفث:

عيش الدنيا صح بجوك واللي فاتك ياخد سوك

اعزاز دازين سلام.... خلانا انطيروا و ننزلوا.

فجاوي خلوهم لعزاز ... سفرتح لا روشن لا قزاز ..

عيني هاللي ما يعجبها
ترفعله فوق حواجبها

عندي في الصوب تغربيلة
ما كل مصبي نوميله

.عزيز دارها بالجو [ندعوك للتسجيل في المنتدى أو التعريف بنفسك لمعاينة هذه الصورة]
ينشد مرات ومرات ينسفط [ندعوك للتسجيل في المنتدى أو التعريف بنفسك لمعاينة هذه الصورة]

متقاوي لولاف سعدهم
قلبي قعدوا فيه وحدهم

السمور والبكا والصوب *** لهن خلوق ماعاد عندنا

» هل أنت راض عن وضعك في المنتدى؟؟
» لون الشفاه يدل على وضعك الصحي
» العاطفي بين الزوجين
» النقص العاطفي دعوه للنقاش
» دورة مهارات تقوية الذاكرة وتنمية الذات والذكاء العاطفي والوجداني ( بروتيك للتدريب )