الا ما تغير شي...!

ماتغير شى ....؟

ماتغير شى ....
حتي وانت رافضني ومانك لي ....
مازلت وافــي..

اوراك مازلت
في خاطري كى الاول وكي ما كنت
مازلت ياغالي ماعلـــــــــــــيا هنت
ومازلت راني كيف عهــــــــدك بي..
خاطري هاللي جافيــــــــــــه بدلت
يغالي فيك تقول يمكــــــــــــــر فـي
مازال يشتاق لك فيه راني اوحلــت
عيبه انه في غــــــــــــــــلاك وفـيّ
ليش عالوفاء خاطري عــــــــــودت
وليش من اخلاصه ما خذيت اشـوي
بعد ما ايامي بالهناء دللـــــــــــــــت
وبعد ما خاطري من غــلاك اروي
قصّرت كنك يا صـــــاحبي وبخلـت
وعاودت تبيّ ماعطيتــــــــــــه لــي
ليش بجميلك معاي ما كملــــــــــــت
وليش فجأة فجأة اقسيت علـــــــــي
من منيّ خذاك خلك جفاي احملـــت
وخلاّك من ...كتاب الغلا تطـــــوي
وطويته غلاي وانت جفــاي اخترت
وخاطري لاهانك لا غلاك انســـــي
عارفك لو حتي جرحتني وهملـــــت
اتعاود وجرحك في خاطــري اداوي
في خاطري شلتك وفالعيون سكنــت
وشلت لك غلا ما يشيله حــــــــــــي
صحيح منك نا اشوي ازعلــــــــــت
وصحيح ما احسبتك خاطري تبكي
لكن بغيرك ها العين ما كحلـــــــت
وانت عارف اني معاك وفــــــــــي
شكيت امغير قابيت الجفا طولـــــت
وشكيت قابيته اثر اغيابك فـــــــــي

الا ما تغير شي...!
وجدي الدرسي...