خليك معااي حنوون...

معاي حنون..
تكسب غلاي وتربح المليون! من غير اسئله
تكسب حبي...

والي تطلبه يبقي احداك ملبي
وانجيك بالتاكيد كي ماتبي

من غير قسوه ياعزيز اتمون
انت علتي وانت شفاي وطبي

واحلي زهور مفتحه في الكون
وانت الي موجود داخل قلبي
وماانبدلك لااندير دونك دون
عزيز وحبيب العمر يشهد ربي

ولك حب صادق مامعاه ضنون
هويتك هويتك ياعزيز ونبي

حمامات بيضه وغصن م الزيتون
تكسب راحه..!
و زهوة عيون القلب وانشراحه
ويبرن اوجاعه او علته واجراحه
و تبقي سعيد في دنيتك مضمون
قسوة لسانك قاطعه دباحه
وقسوة افعالك نسخ من شارون
ولك صوت هتلر يدقل بصياحه
زعيم المدابح كلها في الكون
ولك جائزة نوبل بكل صراحه

تخصص إعدام القلب بي العيون
ولك تم بن لادن او كل سلاحه
ببسمات طايع في الغلا مطعون
ولك بوش تمم مندعر في الساحه
وبلير طايع لامرتك مفتون
ربي خلقلك يا عزيز سماحه
و كل يوم زايدلك جمال او لون
تكسب ماسي..
وبالحب ماتبخل وخود انفاسي
ومااتسيبني ولا اتكون ليا ناسي

بهدلتني ركبت فيا العون
بعد مابنيته في حياتي ساسي
ورتبت وضعي في الحياه بسكون
شقيتني عدمت ليه انفاسي

سبحانه الخالق فيك زوز اعيون
ايخلن العاقل بالجنون امواسي
كما قيس ليلي بحبها مجنون
راسي تكسر أهه يابسباسي
دير خبرتك راني كما المسكون
للعطف والحنان والحب نبي انساسي
حروم يلزمني نهر وعيون
وياريتني من العشق نشرب كاسي
وكل شي في الدنيا معاك يهون
خلك معاي حنون.. تكسب غلاي وتربح المليون من غير اسئلة..

--------------------------------------------------------------------------------

منقووول للامانه...ولو عجبكم ردوو عليا هههه [ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم

ينقل للقسم المناسب