بوجلاوى ودريس الشهيبى

أقصيدة للشاعر ابراهيم بوجلاوي ورد للشاعر ادريس الشهيبي
لاشاه ولاناقة واســــم سود منـــاسم هن زالن وشيان الكاســــم
ناشاعر تسمع بشعــــاري ولاغير عليك أيمــــرن
يمكن تسمعبي ع الطـــاري غير اليوم ايامي غــــرن
متواسي من غير انجــــاري قـولي في التصنيـف امقـرن
عدن في لوطان اشعــــاري حـامـن بيـه اطيور ايصرن
مانحكم بالقول اجبــــاري ع القوال امثال أيــــورن
ناقولي يقراه القــــــاري في القـرأن أحـروف انجـرن
من مده رافع لنصــــاري ليام ايكسن ويعـــــرن
نكما في سري عن جـــاري نزمط في سيات أيمــــرن
لاتشطح خلك متــــواري كان اكمام الثوب انــــقرن
لاتعزم ونتا دهـــــواري ماعندك فالغوش أمــــقرن
لاتعارك خليك أتــــذاري ماعندك فزعات أيــــهرن
زور سبيب معاه غـــداري ملي يلفالك ينـــــحرن
كان عندك خلك قشعــاري ماعندك خليك أمــــدرن
راد عليك الله البــــاري خلك تحت الغلب أمـــجرن
دارنا ليام ابحــــــاري حطنا تحت اللي أيــــورن
صاغر حتى عند كبـــاري والنسوان حشاك تبــــرن
كيف أنجي يشقن بــقداري في عرض انفالات أيـــورن
قدري في شبحي بنظــاري قبل انقول ابقدري قــــرن
كيف انجي في وان جــذاري ع الحصران القمح ايشـــرن
واليوم اكباري واصغـــاري وين اجي للبيت ايفـــــرن
دارني كيف البوغــــاري بوصوف اموسخ ومــــدرن
خطرها حالي وقهــــاري شي وقاسم في لوحة مولانا راسم
لاشاه ولاناقة واســــم سود منـــاسم هن زالن وشيان الكاســــم

فردالشاعر ادريس الشهيبي:
ناشاعر نسمع بشعـــــارك منظومات علي أيعـــــزن
منتشرات الله ايبــــــارك لك كيفنهن مال امخــــزن
فيه الفاظ وفيه مـــــدارك قولك مو تخليط امــــوزن
قولك فالتعليم ايشـــــارك ع التشريع احروف امـــتزن
لاتشوا في راي أصغــــارك خلك بالعالي متــــــرزن
حتى كان ســوايا جـــارك شينات وفالقلب ايحـــــزن
حتى كان فـــريق اصغــارك قدامك وشناته فــــــزن
فالماضي يشقن باقـــــدارك توا مــن لونــك يشمــزن
عند اللي عالم باســـــرارك ما فالمخلوقات امـــــقزن
هو فيده خيرك واضــــرارك هو فوق ايفرح وايــــحزن
هو يعرف قيسك وحكـــارك من خـوف الخـيرات ايبــزن
مرات ايذهـــــب دوارك يمشــي مـن يالاك يــوزن
تربحا من غير امعـــــارك بيديهن للخــير ايلــــزن
وان كان تلاطش مشـــوارك لاينســـاق لاينــــدزن
طرفة كان عمر فــــورارك بعد اجداب سماك ايمـــــزن
تشتاق الدنيا لخبـــــارك خيلك بأفعالك يعــــــتزن
يبقى متقاوي تيـــــارك جما فيض أعيون أيــــــنزن
وجه للخلاق انظــــارك بيش ايقاسـم بطشا شين وخيرة جـــــاسم
قولي درس ايحيد جـــظارك لذع امباسـم تصبير اوتحليل طلاســــــم
ناعقلي حاير ديدانـــــا متصوحـــب يمشي ويــروح
في جرت خايل ذرعانـــه بوممشـــوط اطوال أمســوح
خلا متورور فيرانـــــه ع النفاج عذاه ايطــــــوح
صدر مع فكت قفطانـــه بارق فوق أعكيم تمــــــوح
نبت مرغاد ومكنانــــه غبيت فيه إلى تســـــــوح
كانت بين أجداب اوهانــه في اوهام الموكر تــــــذوح
تمت تشاقص شعنانــــه من شوف الخيال اتشـــــوح
شيحه متغابط حوذانـــه عودة في لجران امطــــــوح
من الدوس ايديرن عثانــه مسك مع بخار ايفـــــــوح
ياشيب كلمه مليانــــه هي روعة والباقي لـــــــوح
متكيف سلطان زمانـــه هلي دار البنت أمـــــــروح
كنيب المولى سبحانـــه حتى كان أوهامــه مـــــوح
بكرة كان عمر دنانـــه صف مراسـم للمخلوق أحسابه جاســــــم
يبقى في جنه مولانـــا سمح اوباسـم بين الحور هبوبه نـــــــاسم

صح لسان الشاعرين ،،،،

وسلمت يداك

انها من اجمل القصائد

فهي تجمع فحلين من فحول

الشعر الشعبي ..

مشكور على نقلها ..

بارك الله فيك

وصح لسان الشعراء

كل الاحترام

أحسنت وصح ألسان الشاعرين الكبيرين
منوووووووووووورر
تقبل مرورى وتحياتى

بوصهيبة

» ما ريت شي زول خايل للمرحوم أدريس الشهيبى
» أروع قصائد صالح بوعياد الشهيبى