كانو غاليين

كانوا غالين

للشاعر المبدع : بوبكر بوحويه المغربي

كانو غاليين =وهانو وين تمو مانيين =على أعزاز

كانو كيف روحى =وكنت أنقول ضمادت أجروحى
وكانو سيل يلعب فى أميوحى=وجف أتقول صاغت فيه عين

كانو غاليين =

كانو يحلفوبى =وكنت أنقول من دمى وثوبى
ايام زمان ياما قذوبى=وياما بى كانو شاقيين
عمر أعزاز ماعافو أدروبى=أنموش وراى ديما لوليين
وعالخرين كانو يفخروبى = فيه أحرمى ماهم عاطيين
موش اليوم تمو يلعبوبى=لعب أقمار بين أمخوجيين

كانو غاليين=

كانو لك أرياد = أمغير عليك هك الله راد
عطيب الدرج من دون العباد = فيه البخت أنشالله غير زين
حتى وين غيث الله جاد = على ممطور حارثتا دفين
وغنزر كيف منبوت السماد = الولده فيه تسوا ولتين
وين قريب جاء وان الحصاد = المنجل طب فيدين الخريين
عمرك راح خديمت أجواد = طلعتى لابدنيا لابدين

كانو غاليين =

كانو لى زمان=بلسم جرح شاظاه الزمان
أيداوى فى ويصون المكان = من تلويث دين الحاسدين
وكنت أنقول هم دار الحنان=وكنت أنقول ليا وافيين
ولكن وين دالنى أزمان =وتم الكوز فى يدى ظنين
عملهم في موش أمغير شان = شينت وطن مجدب له أسنين

كانو غاليين=

كانو لى صحيح =دوا للعين والقلب الجريح
حتى وين ماعدو أبميح =أوحود أخرين نشوهم أخرين
وتم السوق ياليا قبيح =أخترت احرمى والعيشه حزين
ولاقبيت ياراجل أنطيح=عند أولاف ماهم ناصحين

كانو غاليين=

كانو لى حباب=وكانو ود ماهم شى عذاب
وكانو لى مايطيقو أغياب=وكانو وين وينك ياجنين
وكانو ضئ ماهم شى ضباب=العين القلب فيه أمسيطرين
ولكن تو وتانهم أشعاب=وفى وديان غيرى نازلين
ألهم ماعاد داير شى أحساب = ولى أحساب ماهم دايرين

كانو غاليين=

كانو لى أولاف =فى مافات وانياهم انظاف
حتى وين مايسير الخلاف= ليا عذر ديما جايبين
كلى تو فى سوق التلاف=بين سوم فى أمربحين
ياسبحان بدال الاوصاف=سعته وين وانا تو وين

صح لسان الشاعر ،،،
احسنتي زيزوو2000

البدو

يسعدني مرورك

[ندعوك للتسجيل في المنتدى أو التعريف بنفسك لمعاينة هذه الصورة]

منورة يا زيزو على الاختيار الجميل

تسلم ايدك وصح لسان الشاعر

بانتظار جديدك المميز

زائر

رووووعه ....قصيده روووووعه

تحياتي :6467:

شعر في غايه الروعه زيزو 2000 وننتظر جديدك

انا من أكثر المعجبين بهذا الشاعر
شكرآ زيزو 2000 على النقل الاكثر من رائع

بنت الأجواد

النور نورك

[ندعوك للتسجيل في المنتدى أو التعريف بنفسك لمعاينة هذه الصورة]

فهد

الروعه هو مرورك

[ندعوك للتسجيل في المنتدى أو التعريف بنفسك لمعاينة هذه الصورة]

رزق

اسعدني مرورك

[ندعوك للتسجيل في المنتدى أو التعريف بنفسك لمعاينة هذه الصورة]

طير البحر

فعلا هو شاعر مميز

شكرا لمرورك

[ندعوك للتسجيل في المنتدى أو التعريف بنفسك لمعاينة هذه الصورة]

موضوع مميز ومشكورة علي الاختيار الرائع
اخوك فتي الصحراء

فتي الصحراء

المميز هو مرورك الجميل

كل الود

[ندعوك للتسجيل في المنتدى أو التعريف بنفسك لمعاينة هذه الصورة]

» يا غاليين علي
» يا غاليين علي
» كانوا غاليين رد الشاعر بوبكر بوحويه
» قصيدة الوادي ... تعبر عن المزاريع اللي كانو ف الوادي