نفظ لكمـــــــــامه (صدام)

زائر

نفظ لكمـــــــــامه

نفظ لكمـــــــــامه ....... صيادته بعد داروا عليه أكلامه
عليك صقر ماد نقر!!!.
في تبــــــــــويعه ........مابا ايدنقر ساعة التوديـــعه
جليد من اصقورحرارفيه طبيعة ......ماعمرهن رقن نهارعـــزامه
ولآبا ايريب لاارضي الصنيعه ......حتى لو اصتصنع قاصرات أيامه
من يوم يسروه وحللوا في بيعه .......عارفين هكي تبرم البـــرمه
واللي يقول وين يريد في تنويعه.......المعني علي صدام يوم اعـدامه
الفارس اللي جاته الموت سريعه.......يوم عيد لامه كاينه وغــرامه
علي مايزروا فيـه ع التقنيعه........مابا علي وجهه ايحــط الثامه
تــشهد إقبال العين زاد لميعه........هظاك الصباح اللي تقول ارخامه
عليه دوردو ملت أكراد وشيعه ........مللي يكرهـوا وافكارهم هدامه
والموساد يلعب في ادوار شنيعة .......عــدو دين وايكيل الا بالقامه
وبغداد فيها كــل يوم مريعه ....... وفي غيرنا م الظلم ساير يامـا
واخذينا الحرب لارهاب ذريعه .......وهم يقطفوا فاللي اصحاب شهامه
اللي للعرب كانت احصون منيعه.......وهي اللي تحامي بـدل ماتحامه
أيامن وكانت حــاكمه الشريعه.......والدين دينــه ولاسلام اسلامه
ماعمر تمت للاوغــاد مطيعه.......وان غاب الدلال تغيب الابتسامه
خطرها اللي مـاعد لها ترقيعه........بعد غيبتة صـــارتلها نقسامه
وما يفوت يوم وما اهناك قطيعه.......وخلايق اتميد بروسها اتـواما
صافت كما صفيت اصياف ربيعه......اللي مارسه كـذب نهايه عامه
وتمت عليهم ظــايقه الوسيعه........وإيجي وقت موهاظا وهي دوامه

نفظ سبحـــــــــانه..........مابا يندقر لا سبـــل جنحانه
ولا با يحط الخوف في حسبانه..........ولا نقصوا مـن قيمته ومقامه
حتي وين ماحطوه في زنزانه............فقد عز ماعنده وحـل حزامه
تما مرطزه للمالكي و أعوانه...........اللي بـوش مايمشوا الا بكلامه
خيانة بعدهــا ماهناك خيانة...........ومازال تنظر هذي غير علامه
العـراق بيت وسللوا عمدانه............وجن بالمثابت مايحات ارمامه
باعوا الشرف وانزلوا دارالهانه.........الله يبيعهم بيعة رخيص اسوامه
نين ينقطع تأثيرهم مـن الحانه.........ويبان ضيها وتزول ها الغمامة
بقو اعنــــــــــاده..........ماقبل حوته طـــاع للصياده
عليك صقر شخلاعي سبيل العاده........ياما بدع في صورته رسـامه
أيخلي الحوزة ضابطه الحماده..........اياما وهو مـازال في انسجامه
لـــكن أنباع وبيع للجلادة...........اللي قبل كـانو هايبين أصدامه
واللي بايعه من قبل باع اولاده..........وباع الضمير وعالن استسلامه
سلم اقباله في اتراب ابــلاده..........ماعاد ايشطنا ادمــوع ايتامه
خطرها اللي ماتقول شاف سعادة........ولاقصرمبني يبرمو خــدامه
مكاتيب ربي والمراد مــراده..........بايتين بلاه امسوتهات اوهامه
نهار ميتا كيف الغراب سواده...........أيشيب اللي ماطال حول أفطامه
نفضها بيـــــــــده ..........مــابا ادنقر والظروف شديده
فضل الموت ولاحياه زهيـده...........ونال الشهاده غصب ع الذمامه
في يوم عيده غير ماهو عيده ...........ولاعيد من عنده اقرام اكرامه
ف الذكره يقعد اسنين عديده...........اللي جميل في لونه وفي هندامه
وانا كل عام نشرفه بقصيده............ويــن مايفيض الزم عالزمامه
ولو شعر هاوي شعر ع التكسيده........نقول في كلام ايصيد فالفـهامه
وهذه الدنيا عندهـــا تبليده..........وحتي الجــواد اتعثره العدامه.
بعيني هو طايح وطايح سيده...........وين انقلب مطاوح جــا قدامه.
خطرها اللي ماكان شي ايكيده..........وهو بين كر وفر فبل صيـامه.
علي نهر دجله سال كان اتريده.....اللي قاطعه تحت الرصاص اعوامه.
خشوش المخاطرماعليه جديده.......ولاعمــــر لحقاته عليه ندامه.
علي سوابقه كفر وزاد رصيده......على اثر الشجاعه جا جميل اختامه.
نفظ من جــــــــده........مابا ايدنقر في اوقـــات الشده.
ولاسال في الرمزه اللي مرتده......اكلاب الزنـــاقي بيعها طولامه.
اللي هضا متشمت وكارب يده......وهم قبل مايرجو خبيـــط اقدمه.
امغيرقوصرت والعمرهضاحده......وين ماحكم مولاه طــاع احكامه.
ولكـــن اللي للصايبه ايتنده......نهار ميته نكس عليـــه اعلامه.
وقال احزنو عاللي رحيله عده......بات رغد يساهــل الواجب قامه.
زعيم عربي وشرف بوه وجده......وهموم العروبه فارعــات منامه.
اللي شرطها موعاد ساهل سده.....ولابالخــلال اتلايمه لايـــامه.
نفظ لكمامه **صايدته بعد داروا عليه اكلامه**عليك صقر مادنقر.

شاعر ليبيا الاول

(جمعه بوخبينة الزوي)

من اختيارات الطير الحر

زعيم عربي وشرف بوه وجده......وهموم العروبه فارعــات منامه

منور الطير الحر على الاختيار الرائع
وفعلاً صدام حسين من أشرف الزعماء

زائر

تشرفت بتواجدك في موضوعي
لك مني خالص الود

نفضها بيـــــــــده ..........مــابا ادنقر والظروف شديده
فضل الموت ولاحياه زهيـده...........ونال الشهاده غصب ع الذمامه صحيت يا خوي على اختيارك للموضوع
الحلووووو ابدعت

زائر

مشكور اخي رزق
الابـــــــــــداع في ردودك

لك مني كل الود

تحياتى يا استاذ يوسف طاهر يا شاعر لك والشاعر الكبير جمعه بوخبينه ومزيد من ابداع الزويه :ى9: :ى9: :ى9: :ى9: :ى9: :س4: :س4:

زائر

نعجز حتى عن الرد لما نشوف ردودك

طلة حلوة رد مذهل

لك مني كل الـــود

» كيف صدام
» صدام حسين
» صدام حسين يبكي
» قصرالرئيس العراقى الراحل صدام ... صور محزنه
» الكلمة التي كانت سبب في موت صدام حسين