غناوي وشتاوي علي العين

تذكير بمساهمة فاتح الموضوع :

حسادك ياعين انماحو *** كيف لأبراج أمريكا طاحو

ياعيني رومي فرقاهم *** خانوك وما وفو راهم

خوانين عزا مافيهم *** خسارة يا عيني تبيهم

بين النوم وبين وسادة *** ديما ياعيني شرادة

عندي عين قليلة والي *** بايعها الأول والتالي

عندي عين كسيرة خاطر *** شالت من الأوهام قناطر

كان مايجي ياعين طز *** عزيز الي يكرب في العز

عندي عين الله لا يروعك *** تبكي كان طرا موضوعك

ابكي ياعيني بأعلا صوت *** عزيز ميت في غيرك موت

نحسابك ياعين فطمتي *** لين على المرهون خطمتي

نرمشت العين انريد انشوف *** كبدي على الغالي ملهوف

ياعيني في عز ربيعك *** مانحساب عزيز يبيعك

يوم فراقه شانت عيني *** حتى ع الضيف لي يجيني

عيني راضية في المنام********اتشوف العزيز وتنعمى

لي داير للعين سريب *** انعنه يبقا فيه نصيب

مرهونين العين عموها *** بالكاد تمشي يخلوها

العين وفراغ العقل ملاهن عزيز كلهن

لانِك عَيْني لانِك مِنِّي@& كان مسَكْتي دَمْعِك عَنِّي

لانِك عَيْني لانِك مِنِّي@& كان مسَكْتي دَمْعِك عَنِّي

زائر

اتموح ماعليها لوم...العين شايلة فوق حملها

العين من غلا مرهون ... تذوح ما دباره لاقيه

العين قسمها في النوم ... دقيقة وفيها شاركوا

العين في ربيع غلاك ... تطلب الله ما يوم تفقدك

كاينتك ياعين كبيرة *** مادرتي راي او جا خيره

العين راضية ابمنـــام ... تنضر عزيز فيه اوتنعمى

لاقيلك ياعين ادباره @ماعد نوطالك في داره

لوعات اجدد واريتيهن@من خوفك ياعين عليهن

يبقى الوقت موكي قبل......انتي انكان ياعين تنزحي

خلاك مدمنا عالدمع && خطا عزيز ياعين هولي

خليت يا العزيز العين غريبه مع واشونها

انضاقن اعلوم العين *** نعمد الدار ونقول نالي

ننهى العين يمشى العقل ،،، بلا عزيز ما عاد يصبرن

بلاك ما تعيش العين ... غلاك يا عزيز هو روحها

ياغالي وش يرضيك ... منعميات عيوني علبك

شالت فيك العين نضرها ... يامرهون اجبر خاطرها

عليهم رايفنا ياعين ... غوالي غابو قلنا وين

عيني حد احدود مناها ... كي ترمش تبقى يالاها

عندي عين عماها ربي ...غير غلاك انته ماتبي

العين قابلت ووزنت ==والعقل قال ما كيفك علم.

عينى قالتلى فى وذنى ... شور اديار غوالي خذنى

العين هي عـذاب العقل دلاته علي راي ذيبله

» اي فاهق وسع علي خاطرك بس
» غناوي علم قويه
» غناوي وشتاوي عالسر
» غناوي وشتاوي على الدين
» غناوي وشتاوي ع النار