غناوي علم وشتاوي علي السيه

تذكير بمساهمة فاتح الموضوع :

اعزاز سواياهم شينات *** انهلب و يجني لخرات .

سماحه الغلا محجور *** وسماحه السوايا مصادره .

عزيز غير حظه زين **** في الخاطر سواياه واجده

السيه وهي الموجعه التي تاتي للشخص من الحبيب او الاهل او الاصحاب

فلا يستطيع البوح بيها او كتمناها

وهذا الجانب لم يأخذ مجاله فى هذا القسم

والموضوع لايكتمل الا بمشاركاتكم وردودكم

لكم مني كل الود والاحترام

دونك يا مولاي انصفلي*** خان الصوب وهو حالفلي

وماهناك شي سيات ... توجع امفيت من غالي علي

تلفيق عذر جابولي .... قدامه خطا ما ينحمنل

مرة ومرتين انحمل ... ومرات يا سوايا توجعن

ان داجى يبات سفيه *** وان كافى السية توجعه

سوايا جنا عرض او طول...اندمنا في العيش الموكول

مِن سَيّات عَزيز انْحسُّوا *** غَيْر اصْدار النّاس انْدسُّوا.

سيات من انريد انحمل *** ان ماحملت سيات القدم

لو كان السوايا مال ... راني غني من ناس واجدا

سيات كل يوم ايدير ... عزيز نين للعيب جابنى

تقطيعه اقسام عزيز *** سيات ياعلم مالهن عدد

عقلى من سياته حايس *** حمال ايداوى ويسايس

ابذرو خاطرى سيات..........................واحرثو فيه مابور عقبو

في عزيز امحصل غايه *** يوم اقدار ويوم سوايا

سياتك ونا امغفول *** هدمن ساس الامان بينا

ناس عزاز عليا كانوا ... لولا سيتهم ما هانوا

من المرهون امجرح كلي وايش انداوي وايش انخلي

غلا عزيز من الياسات ***. فرحة العين به ماطولت

مليت من سوايا ناس *** نستاخر يجونى بغيرهن

سيات ما هواهن عذر ... عقاب وقت تمينا الهن

نسيونا بلا سيات *** قلال خير لولاف القدم

السية ان طالت فيك ... مالصاحب المن تشكيبها

مرة ومرتين إنحمل ... ومرات يا سوايا توجعن

انخاف يا عزيز عليك *** تنقيع السوايا يهونك

سيات يا عزيز خطاك ، كثر عدادهن نين الّفن

» غناوي علم قويه
» اي فاهق وسع علي خاطرك بس
» غناوي وشتاوي ع النار
» ردود (غناوي وشتاوي)
» غناوي وشتاوي ع الكبد