( لا تجبروه يدير فيّ سوايا ) فيصل بوغالية.

( لا تجبروه يدير فيّ سوايا ) فيصل بوغالية.

السلام عليكم ..

قصيدة ضمّة القشة ...

والعائدة للشاعر الكبير والقدير والمُبدع

فيصل بوغاليه البرعصي ..

راجياً لكم وقتاً ممتعاً طيّباً ..

مع تحياتي وتقديري

عزيز أبرايه..لاتجبروه يدير فيّ سوايا

بطوع رايكم خلّو عزيز برَايه

***

عزيز بنوعه..ليش كل حاجه عندكم ممنوعه؟

ماأتقول جرّبتوا أمرار اللوعه..لا بنار قضّيتوا أليول بكايا

وسرّ أرمضان وحكمته فى جُوعه..بيش ع الفقَاره يعطفوا الغنايا

وأوقات غيبة الخرتيت ع الملسوعه..تبقى سبب فى جيّة العزّايه

ولا من جفاته دار شال أنجوعه..منها اوقات الدار مي بالغايه

وأللي تخدمه لازم أتجي فى طوعَه..وأللي ترهنه دنّيه للشرّايه

***

عزيز بماره..على غايته يختار مايختاره

كنكم أمعاه أمحوّسين مداره..نين مذهب الطرّاي م الغزّايه ؟!

وموش كلّ من دبّر سليم أدباره..مامن أللي غرّر براي أدمايا

صدّام دولته كانت أتقول مناره..برايهم أبناها ع الوطاه اثّايا

وصدّام بسلاسل طيّحوا تذكاره..الناس السفه داسوا عليه حفايا

وصدّام رغد خلاّها أتجيب أخباره..وهي أدموعها فوق م الخدود سخايا

وصدّام من دباير عزوته وأنصاره..يرحمهم ألله راحوا ضناه ضحايا

وصدّام منتهي ورّوه فى مغّاره..بعد عزّ واجد ماألقي طرّايا

وأنخاف العزيز يصير كيف مصاره..م أللي عند راسه بالخطاء قرّايه

***

عزيز أبروحه..كان راد ينزلهن أديار ركوحه

ألاّ أنتوا علَلكم دوم فيه أكلوحه..ماتعرفوا ع العيب قولت هايا

كمّين بير غيّرتوا مسار أميوحه..ماعد إيصدّر ظاميين روايا

وكمّين نجع منكم كلّ بيت أبروحه..تمّا بعد جيرة أجواد سمايا

وحزتوا البَـرّ اتّاجروا فى أسفوحه..لَجواد موّتوا وأنتوا خذيتوا غايه

وما عالخطاء فيكم أتفيد نصوحه..مكلوبه ولقيَت صابية شتّايه

***

عزيز إيجيبه..أن عنده عليّ اعداد نا راضيبه

حتى والعدَد بين الحبايب غيبه..هي خير من قعدت أقلوب ملاَيا

بغيضهن وتمّا كلّ حد يحكيبه..مدعاهن أبقى سهراية الحكّايا

وخير من تناقيل الكلام وجَيبه..تعال ياعزيز انّظّفوا النوايا

وبين شرع نحتكموا وبين دريبه..وأنجيبوا مسامي للعلَل وازايا

لَجواد اتّخالص فى فريق سبيبه..جمله أقطع يابَل أعداد خطايه

ولا من جفاته دار شال أنجوعه..منها اوقات الدار مي بالغايه

وأللي تخدمه لازم أتجي فى طوعَه..وأللي ترهنه دنّيه للشرّايه

نقله رائعه
ذوق راقى وابداع فى الاختيار
فلا تحرمينا من نزف قلمك
كل الود والاحترام لك

الشاقص

نورت الصفحه بمرورك

شكراا زيزو ياذوق

كمين بير غيروا مسار اميوحه @ ماعد ايصدر ظاميين روايا
وكمين نجع منكم كل بيت ابروحه @ تما بعد جيره اجواد سمايا
زيزو وين الكلام السمح والقوي في نفس الوقت
لكن موش غريبه عليك دائما اختيرك في منتهي الروعه
ولكي مني كل الود والاحترام
[ندعوك للتسجيل في المنتدى أو التعريف بنفسك لمعاينة هذه الصورة]

عاشقه البحر

الشكر لكي علي مرورك

ولد لجواد

يسعدني مرورك

وكلامك وسام اعتز بيه

حتى والعدَد بين الحبايب غيبه..هي خير من قعدت أقلوب ملاَيا

بغيضهن وتمّا كلّ حد يحكيبه..مدعاهن أبقى سهراية الحكّايا

رائع ماقدمتي نجمتنا الرائعة زيزو2000 ،،،،،،

:4543:

تحيااااااااااااااااااااتي،،،،،،،،،،،،،

الولهان

ملك الاحساس

يسعدني تواجدك علي صفحاتي

لك مني كل الود

منورة زيزو على الاختيار الحلو

مش غريب عليك

النور بيك بنت الاجواد

يسعدني ويشرفني مرورك

» عزيز برايـا... للشاعر::فيصل بوغالية
» ادا صمدت 18 تانيه فانته عبقرى؟, الى يدير فى روحه دكى!!!
» غيابك مر(فيصل الحرارى)
» شاب سعودي مغترب يحن لأمه وينخا اخوه ابو فيصل