غناوى وشتاوى ع الصبر والعزم

تذكير بمساهمة فاتح الموضوع :

... الصبر مو فدا لولاف *** امغير واخذه فيهم عوض ...

.. الصبر راه شين وزين *** عليه كان ياعين تقدرى ...

... هاك صبر داوى داك *** احسن عزاك فى صاحب الغلا ...

... صبار والكواين فيه *** شديد عزم ثاريت خاطرى ...

... موضوع جديد لم يأخذ مجاله فى هذا القسم والموضوع لايكتمل الا بمشاركاتكم وردودكم وأرجوا أن ينال أعجاب الجميع ...

العزم اللي خلاك خصيم..اقسملي منه يالقديم

فارح بالعزم اللي درته..جوني لولاف او ودرته

اتركهن وتنال الصبر ...... مالك سبب في دمعهن.

دثمار للكواين كنت.. واليوم كل شي باين علي

صابر وكامد داه ...........العقل داه في اللي مجاورة

اتروم كل شئ وتحمل ... حلا الوقت عينى بعزمها

ظلم االوقت عليه خذينا نقاء كان اليوم بكاينا

ياكاتب افراق عزيز***ارزق العين بعزوم نسوته

الصبر اسمح من ماريت ........ دوا للعله لكن هيت

عزيز عليكن دار اعزوم *** وديرن كى مادار اليوم

صبر ايام قلنا تاب ... هفن عوايده جال ع العلم

نجكم

يالعزيز معاك بصبري@نين بيدك تحفرقبري

صابر ايراجي فيك ..... عندي العقل ماغيرك عشـــــــــق

اللي غلاه في مرهون ... دواه صبر يا طول عازته

اتروم كل شئ وتحمل ... حلا الوقت عينى بعزمها

لا نوم لا هنا لا عزم ... بلا اعزاز غايبات كلهن

انعم نجك

العقل غير عند عزم.. الوقت فيه موداير اشوي

اتريد صبر لمراجاه ويريد الغلا ناس وافيا

ياما كابر وياما بلاهم قال رانى صابر كداب خاطرى

هاك صبر داوي داك ... احسن عزاك في صاحب الغلا

العـزم وين تلقو فيه ... تنسـو أعزاز يالي تقـدروا

متورخين فيه العزم ... اعزاز ما نسيناه صوبهم

اللي له ملاج ايحمل الا نا ملاجي ممتلي

عليك عزم عندى عزم *** وعليك ظلم لولاف عندهم

لا دموع لا دواء لا صبر *** لا لقيت عزم ولا جابهم رجا

» غناوى وشتاوى
» غناوي علم وشتاوي متنوعه
» غناوى وشتاوى عالفاضى
» غناوى وشتاوى عالبكا
» غناوى وشتاوى عالبيت