@@ مش نا اللي نضعف ان كان خطرتي @@

مش نا اللي نضعف ان كان خطرتي ___ ومش نا اللي نبكي على ماضيك

مانصيرلك ياللي لغيري صرتي ___ مش نا اللي نهدد هذي وهاذيك

مانقولك ليش وعليش غدرتي ___ حق علي لانعاتبك ولانشاكيك

ش يصير في الدنيا ان كان هجرتي ___ نا حي يافلانه بلاك وبيك

لو ف السماء 200 فجوة درتي ___ ماعاد نشبكن ايدي ف ديك (في يديك)

نار اخرى على ناري ابديك كبرتي ___ يانويرتي اسمله صحيح عليك

اخسارة بعد غلوه غلاي اخسرتي ___ اخسارة اسنين وقولتي هاويك

سقيتك حنان و ود شوك ثمرتي ___ ش انديرلك ، اقدراي ما اثمرنشي فيك

شور الهلاك عديتي وما شورتي ___ نا موش شوري ، تستاهلي مايجيك

كيفي ماتلاقي يافتاة لو طرتي ___ عليه تكذبي وبالصادقة يحاكيك

شور الوهم ياواهمة سافرتي ___ وسبتي الحقيقة من الجهل عاميك

ياطايحة السعد هضا عليش اقدرتي ___ بلا سوم بعتي بسوم من شاريك

من لاشيء درتك شيء بيه افتخرتي ___ كيف مارفعتك نقدر نواطيك

ان روحك احسبتي بالغلا سيطرتي ___ على. راك غلطانه العقل انسيك

كيفما كبرتي بالعيون صغرتي ___ كيفما صفحة فتحتها نطويك

لغيري مشيتي في مافكرتي ___ مربوحة وديري كل مايواليك

جميع مابنينا في الغلا دمرتي ___ وبالخير ياخاينة اخرى نطريك

امحيني ونا نمحاك من ذاكرتي ___ وماعاد شي نسهر على شاطيك

لو احذاي من العطش ياللي غلاي نكرتي ___ متيَ . وحق الله مانسقيك

عطيتك محبة فوق ما اصورتي ___ ومن النسمة عليك نغار وين اتجيك

حسيت بيك وبلونك بعد غيرتي ___ وحسيت بانه في غلاي شريك

ما اتقول عمرك قبل بي اكبرتي ___ ع الخونة نبارك وع الخطا نهنيك

صمتي العمر كله وعلي بصلة فطرتي ___ مالقيت مانقولك الا الله يهديك

قصيدة للشاعر الشاب حافظ الشيخي من شعراء مدينة اجدابيا

كلمات حلوة يا صديقي

شكرا لما نقلت من
شعر

اختيار موفق ساحر القلوب

تسلم ايدك

[ندعوك للتسجيل في المنتدى أو التعريف بنفسك لمعاينة هذه الصورة]

ساحر القلوب

[ندعوك للتسجيل في المنتدى أو التعريف بنفسك لمعاينة هذه الصورة]

ويسلم الشاعر حافظ

وهذا هو الكلام
صح لسانه
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]