فقدة عزيز فاجعه نلقاها ..تعزيه لى سويسا

السلام عليكم ورحمة الله وبركاته

ابيات تعزيه لاختنا في الله سويسا و في هذا البيت الشامخ بدو ليبيا و اعبر بها عن مشاعر كل خوتها في الساحات

بعد اذنهم طبعاً

و قد سبقتنا بالواجب اختنا سويسا مشكوره

تقول الابيات

فقـدة عزيز فاجعـه نلقاهــــــــــــا ..... مع الصبـر يلهمكـم اللـه سلواهـا

نلقنهــــــــا مــــــــــــــــــــــــــــرّه ..... و نلقانــه فاهــق خذاكـــم غـــرّه

يـا بـال مـن دايـر الجمـر اســـــرّه ..... و الكبـد منّـه فرشهـا و غطاهـــا

لوكـان الدمـوع تردهــم يـا حــــرّه ..... معاك لين ينزح مالمواقـي ماهـا

عارفه و مولى العـرف ما يتورى ..... الدنيــا فنــا رب العبــاد نشاهــــا

مصير كل حي تحت التراب مقـرّه ..... و مصيره يلاقي في لختام الاهـه

اعمـــار و تمّــــــــــــــــــــــــــــن ..... لا يفيـد حزن و لا دمـوع يجمّـــن

الموت حق ما تحتاج عقل يخمّـن ..... و لا قوت ليش و كيف تنفع راها

الا ايمان صادق في النفوس يطمّن ..... و عـزوم لعبـاده اللــــه عطاهـا

لقبـور يامـا مـن حبايـب ضمّــــن ..... و الناس كلها هيل التراب وراهـا

المــــوت لابـــد منّـــــــــــــــــــــه ..... و كيــف ما دفنّـا فيـه مـن يدفنّــا

الا الصبـر مفتـاح الفـرج لا ينّـــه ..... و نلقانّـه جــرح النفــوس دواهـا

يرحمهـم اللـه و يلمّهم فـي الجنّـه ..... هي و كل موتى المسلمين معاها

ودي و تقديري
الاسد الجريح
طبعنا انا غيرت فى القصيدة حاجات
والقصيدة كلمات الشاعر
الناجح

[/b][/center]

بارك الله فيك اخي الاسد الجريح

وفي كل من قام بتعزيتي

انتم اخوتي واخواتي

وهذا بيتي الثاني

يارب لما نشارككم في الافراح

وفيكى بارك الله اختى الفاضل
سويسا

هذا من واجبنا اختى الكريمة

وان شاء الله
يخلفة ببركة

اللهم اغفر له وارحمه

[ندعوك للتسجيل في المنتدى أو التعريف بنفسك لمعاينة هذه الصورة]

بنت الاجواد

[ندعوك للتسجيل في المنتدى أو التعريف بنفسك لمعاينة هذه الصورة]

ابيات جميلة
مشكور اخي
ياريت لو تكرمت اسم القصيدة والسم الشاعر

بناتى حياتى

بارك الله فيكى على مرورك العطر

اسم القصيدة
فقـدة عزيز

وانا طبعا غيرت فى القصيدة اشوى لانه مش هكى

وهذا القصيدة لشاعر

محمد الممهور

[ندعوك للتسجيل في المنتدى أو التعريف بنفسك لمعاينة هذه الصورة]

مشكور اخي بارك الله فيك لكن من كثر مااثرن فيا الكلمات حبيت نقرا القصيدة كلها
وياريت تقبل اضافتي [***********************************="7 50"]ياقبر أعز الناس غالي سكن فيك . . خفف عليه من التراب الثقيل
ياقبر ماني بخير بعد يلي رقد فيك . . الغالي قداك اهو نزيل
وغلاك ياقبر من غلات يلي رقد فيك . . مرحوم ياغالي علي بالحيل
ويلي سكنت القبر صوتي يناديك . . موتك جرح قلبي وهدني بالحيل
ماننساك ياغالي لين قبري يحاذيك . . ويحين من الدنيا العريضة الرحيل
يسيل دمعي وين مايجي عالبال طاريك . . كنت نحسب عمرك معايا طويل
يبكي عليك البيت وكل أهاليك . . ولكل ما تذكرتك تجي دمعتي سيل
[ندعوك للتسجيل في المنتدى أو التعريف بنفسك لمعاينة هذه الصورة][/***********************************]

بناتى حياتى

اختى الكريمة

بارك الله فيكى على هذه الاضافة الجميله
كلمات هذه القصيدة معبره وفى غاية الابداعة
والصفحة صفحتك اختى الفاضله

ولا يهمك
فى اى وقت
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

عاشقة البحر

[ندعوك للتسجيل في المنتدى أو التعريف بنفسك لمعاينة هذه الصورة]

» تعزيه للمبدعه سويسا
» تعزيه للاسد الجريح
» تعزيه الاخت عيون الليل
» سويسا من هنا
» حمد الله علي سلامتك سويسا