حنان..........لشرصى

قلت ندير الصوب سلاوه.......لعب شقاوه.......كى طبيت الموج تقاوه


قلت ندللها يوميـــــــــن...... مع الحنين.......انريد نغير جو العين

دخلنا فى شاطى العشقين ......وبعد هزاوه..... تمت قصتنا غناوه


قلت ندير الصوب تسالى.........ونعيد الماضى اللــى كان

ايام ونا قـــاعد خـــالى .........ندهور فى كل اوطــــان

لكن هالريــــــم تهايالى .........صدفه ماهى فى الحسبان

حكيه فى حكيه صحـالى ..........شوق القلب بقى ولهــان

قلت نرد سنيــــن دلالى...........بهالخوده عين الشيهــان

قول تناشدنا يا خـــــالى .........ايش اسمك قــالت حنـان

واخرى يانادولى عقـالى ........ ياوردة يا بنت فــــــلان

ونا بنت بوادى واصغالى ........هاك الهـــاتف والعنـوان

تطلبنى لازم يا غـــــالى .........وتحدد للقـــــاك مكـــان

رينا فى الغيـــــات ليالى ........هى تحكى وانا طـــربان

كنت نهيـــم تهيــــم قبالى ........نقطف م ورد البستـــان

جيت اصداف الموج العالى.......غرقت وبالغرقه فرحـان

بعد كان المقصد فــى بالى .......نسله كيف الشبــــــــان

جرتنى ام هدوب طـــوالى .......بكل هداوه ... ..وجو غلاوه.... نين ادمنت وما نداوه


قلت اندير الصوب سلاوه..........لعب شقاوه............كى طبيت الموج تقاوه

مشكور اخي الشرصي

قصيدة رائعة صح السانك..

ولك اجمل التحية ..

شكرا لكم

على تواصلكم الجميل

تحياتى وتقديرى

الشرصى