بعض غناوي المرحوم عبد الكافي

بعض من غناوي المرحوم عبدالكافي البرعصي

أصحاب الغلا فالــدار رخونا قعدنا برضنا

اللي منيتي كانوا نسيتم من أيدي الخالية
جديد جرحنا مازال علي ما بكينا ما بري
مريض كل يوم انغلب خلاني خلا دار غايبي
امفيت ما سريب غلاك يا عزيز ننسوا كل شي
سطير جرحنا مازال ماجيت يا مداوي عالوجع
تستيه في خلا لوهام العمر ما مشا غير هكذي
العين ما لها شي راي أديره ألا غير البكا
يشالن علي لوهام يا بال نبرموا في قيسن
قضيتا بكا فالدار مشا بلاش يانا عمرنا
خليت يا عزيز أو هام أحذانا وفينا يشغلن
العقل واخذا القديم ملاج يا جديدين مالكم
وين أنقول جديد أنجرب تخطر يا القديم أتخرب
كانون المرهون الطافي شقيتا لهلب ف أطرافي
خليت ياعزيز العقل إيموج في خلا ما لا سند
غلاهم وقل القدر ندير فيه بلعاني لهم
لاني مال ولاني منظر شالو لولاف ونا ننظر
أن هانو عزيز أنهون جنين هلا غيرا ماضنو
ياواهب أرزاق العين سهل اقسام مقطوع الرجاء
من طولت رجا العزيز رايحا ذايبا يا كبيدتي
من يوماً مشو لولاف ونحنا الواسعة ضايقتبنا
عليك كي أنريد أنجول وأنتي خاليا يا دارهم
أيامن وفيك عزيز مسمح عليك يا دار برمتي
حتى وعزيز مو هاويك اونسك يا دار سادني
أيلومك اللي ماضاق لذعات الغني مايبردن
نقضية ياعزيز وراك عقاب عمر ويش أنديربا
اللي جرحك ما يداويك الشافي المولى بقدرتا
رما عليك يا مرهون أطلق ايديك دونا وتكي
رمية يا مرهون عليك أتّقى دوني مدّ أيديك
النقص والوفا فالصوب خير عزيز وختار لولا
بين غلاه وعيبا فينا خيرناه اختار الشينا
حتى لو تميت طبيب مانداوي اجروحي كلهن
لو تميت طبيب أبروحي ماعد تداون يا جروحي
العقل مالكا القديم مصاغ يا جديدين مالكم
مستاسع ملاج العقل ايشيل قديمين والجدد
كل جديد له شرهات عليك بالمهل يا لولي
مشكا العقل في مولاه الرزق مو علي دين العرب
أهزيتي عليه كلاك عقاب طشاش من نار لولي
الدنو يا عزيز اقسام بكاي عل غلا مو منخطي
حلامة تجيب عزيز أتريد نوم والنوم وينهو

عبدالكافي

علي عزيز شوق وغيظ .. ملايا انلاقوه بيهن

العقل ما امعاى امعاك .. حتى لومسافه بينا

مشكووور يالبدو

حتى والجديد امعاي..مرفوع ركن عينى للقدم

لك كل الشكر اخي البدو

ورحم الله المرحوم عبد الكافي ..

مشكور اخي

مشكور بارك الله فيك

عبد الكافي البرعصي

خلالكن عزيز اوهام....اوخلا ادموعكن دوب خلوهن

بعد عزيز في لوهام....نستاحش اطرافي ترتعد

عزيز ياالبكايات....اتريدن اوما داريبكن

عزيز قال في ايدي لامر....نفضى جديد لوكان يرشقن

عزيز باديار احذاي....اللي بعيد عالعين الدنا

عبدالكافي قال 00
هربادة الغلا القديم000دسيت لجل مى هاينه على
هربادت صوبه دسينه000ماهانت ياعين علينا
في صوب قديمين انرقع000نذارابه وين انصقع

غلا عزيز ناشك نوش **** امعاك لو تماضي عوقك

لك مني فائق الاحترام والتقدير علي مجهوداتك

الياس اللي توا تحكيبهه .. ني في بطن أمي شاكيبه

عبد الكافي

جميع ما من امغلي ناس
قسموله
وانا ويش دوتي

زائر

احمل بلاي نلقي غير...عزيز ماانزابيه عالخطأ
ياعزيز ناوياك...فرقا العمر وازا بينا
قوليلي انعدي وين...كثرن مطالبك ياالحايسة

بعَد قالَوا غالِيّك جا نزَل دَمْعِك مِن غَيْر ابْكا.

"عبدالكافي البرعصي"

ننشد في فسار منامي ... قال ابكي ما فيه قسامي

المرحوم عبد الكافي

حَتَّى نا قِتْ له مَربُوحَة كَيْ غِلْيَت عَ الغالي رُوْحَه.>*"عبدالكافي البرعصي

» تكملة لروائع المرحوم عبد الكافي
» بين مــــــراد وعبد الكافي, غناوي علم
» روائع عبد الكافي
» مالا تعرفه عن عبد الكافي .
» شتاوي بين عبد الكافي وعوض الفاخري