ارشيف الشعر الليبى

زائر

اخواني اخواتي
خطرت عليا فكرة اتمني ان تعجبكم
احببت
ان اكتب بعض الاشعار الليبية و انقلها و اضعها في هذا المكان حتي يتسني
للاعضاء الاطلاع عليها و التعرف علي الكلام الليبي عبر ابياته الشعرية
واتمنى منكم ان تضيفوا ايضا ابيات لكى نكون ارشيف كاملا باذن الله عن الشعر الليبى
بسم الله الرحمن الرحيم

يـــا دارســـة الـقـانـون .. عقوبة العاشق بالله كيـف تكـون
انريد ننشدك ؟؟؟؟؟

يـــا دارســـة الـتـجـارة .. و متخصصة فالصوب علـم ادارة
الخاطر ايجيكم و افيـات .. اقـداره واضح ادروبة مـا نهـار يخـون
عليكم ايحارب كم جيش نصـارى .. مـن روسيـا لعنـد سيرالـيـون
ومن كل دولة و مملكـة و إمـارة .. على حب طاهر مالـك المكنـون
دستور الغلا و ضحن اليوم اسراره .. ما عاد شي غايـب و لا مدفـون
عاشق و ما عندي معـاه ادبـاره .. غلاك لو احكمت بحكم مو من دون

يــا دارســة فـالـطـب .. و يافاهمة ان العشق راس الحـب
غلاكم بعد وسط الجواجـي شـب .. انموت كان ما تبقي علـى حنـون
اليوم جايكم و القسم فيـد الـرب .. الباري انسخر في غـلاك ايكـون
ويفتح ابواب أفراج موش عجـب .. و ليـا تباتـي ياعلـم واشــون

يــادارســة اجـتـمــاع .. ويادارسـة التـاريـخ باقتـنـاع
و جغرافيـا شفتـي معـاه ابـداع .. الخالق الباري في ارجاء الكـون
و لغات في نطق اللسـان أنـواع .. و الفلسفـة مـن عهـد افلاطـون
و الأدب من كـل الـدول مشـاع .. من شكسبير أو ليلى مع المجنـون
ان كان عندكم للحب كيل او بـاع .. عاشـق غلاكـم مانظـن ايهـون

و بسلامتكم

و للموضوع بقية
انتظروني

زائر

بنقول اللى نبي انقول

واللي عندي في الخاطر يجول

بنقول فيه ونقول اعليه

لا نكذب لا نتسيد ليه

بنقول اللى ضميري يرضاء بيه

وما نخاف من عبده والشده فيه

بنقول اللى نبي انقول

واللي عندي في الخاطر يجول

بنقول ونحكي على سمح الزول

وعلى ريته منه يا هولي هول

يا على ريته

بيده يخرب في بيته

ضميان وحبي ما رويته

وماهو بعلى ويثمر من الحول لحول

والزرعه اللى ما ترويها تيبس وتزول

وبنقول اللى نبي انقول

واللي عندي في الخاطر يجول

بنقول ونحكي على سمح الزول

وعلى ريته منه يا هولي هول

و ريته منه

الليالي سود اطوال يجنا

يمرو اعليه اربيع وجنه

وكنك يا قلبي معاه مشغول

هضا عمل شمتان اعزول

وبنقول اللى نبي انقول

واللي عندي في الخاطر يجول

بنقول ونحكي على سمح الزول

وعلى ريته منه يا هولي هول

ومنه ريت

عجب كيف ما طرا للميه مع زيت

على ما خلطنا ما نفع معاهم تخليط

حكمه من رب البيت

وبقي خاطري بامر الله مشغول

راضي لكن النفس تطلب وما اطول

وبنقول اللى نبي انقول

واللي عندي في الخاطر يجول

بنقول ونحكي على سمح الزول

وعلى ريته منه يا هولي هول

واللى عندي

بنقوله بالعربي و حتى بالهندي

بنقول كلامي من جد جدي

يفهم كلامي اصحاب العقول

واللى ما عنده عقل ان شاء الله ينول

وهضا كلامى ونا عليه مسئول

وبنقول

وبنقول اللى نبي انقول

واللي عندي في الخاطر يجول

بنقول ونحكي على سمح الزول

وعلى ريته منه يا هولي هول

وبنقول ونحكى

وكان جينا لجد بنشكي

راهو اللى داره فيا يبكي

غير راني علي الصبر احمول

وحتى الصابر بيجيله يوم ينطق ويقول

وبنقول اللى نبي انقول

واللي عندي في الخاطر يجول

بنقول ونحكي على سمح الزول

وعلى ريته منه يا هولي هول

ويا هولى

الغايب كان غير يجيبوهولى

يا غير يجيني ويكذبلى قولى

نبقى باقى عمري له مذلول

نا الغالط وهوا صاحب لوصول

بنقول اللى نبي انقول

واللي عندي في الخاطر يجول

بنقول فيه ونقول اعليه

لا نكذب لا نتسيد ليه

بنقول اللى ضميري يرضاء بيه

وما نخاف من عبده والشده فيه

و بسلامتكم
وين مشاركتكم انا بانتظاركم

زائر

وين مشاركتكم معاى بارشيف الشعر الشعبى
[ندعوك للتسجيل في المنتدى أو التعريف بنفسك لمعاينة هذه الصورة]

مشكوووور اخى على هذا الموضوع الرائع والقيم

ويسعدنى ان اكون اول المشاركين

ويقول الشاعر في أغنية يسلم عليك العقل غناها محمد حسن

يسلم عليك العقل و يقولك نبيك
اما خطواي الرجل صاعب عليها تجيك
انت الغلا المقسوم و انت الوفاء وقداره
وانت رفيق صوب وانت اللي مشواره
يسلم عليك العقل و الرجل ما طالت تجي

عندي المحبة نهر و انت اللي تياره
عندى المحبة زهر وانت شدى نواره
انسلم عليك انسلم محلى سلام الحب مابين ريد ريد
انسلم عليك انسلم محلى سلام القلب قبل السلام بلايد
انت الغلا المقسوم و انت الوفاء وقداره
وانت رفيق صوب وانت اللي مشواره
يسلم عليك العقل و الرجل ما طالت تجي

ودي القسام تجيب وانت اللي تقسامي
ودي الغلا لا يغيب وانت ربيع ايامي
انسلم عليك انسلم محلى سلام الحب مابين ريد ريد
انسلم عليك انسلم محلى سلام القلب قبل السلام بلايد
انت الغلا المقسوم و انت الوفاء وقداره
وانت رفيق صوب وانت اللي مشواره
يسلم عليك العقل و الرجل ما طالت تجي

...

مشكور اخى

صــــــــــــــــقع نبو ازياده
تقبل مروري

زائر

ايش جيبك لنا بعد توبتنا......واعرين ما تقدرعلى غيتنا

ايـش جيبـك يـا غـالى.........ما نريد غيه لا غلا من والى

ليه ثمان اسنين فاضى بالى........طال الزمان او واعره نقرتنا

مـا نــريــد انـكــرر...........ولا نريد قلبى بالغلا يضرر

عايش سعيد وم الجفا متحرر...........وماعاد ينفع ياس فى شيبتنا

ايــش جيبـك للغيـه..........وهى.تصعب عليك ابنودها يا بنيه

الها معانى واعره وقويه...........والها اصول انكان هى مستنا

ما بالعيون وسود لمياميه..........ولا لجمال ابنود فى قصتنا

تبدا امعانا بالوفا والنيـه...........وتنهى بحنان انكان هى عطتنا

ونزاد الشوق تم ميه ميه...........طعم الحياه يحلا امعا فرحتنا

ونكره الدنيا والغلا جمليه...........ويشين منظرى وين ما جرحتنا

وما عاد يبقا للحياه اهميه...........وماعاد تطرب الها قعدتنا

خلك سعيد وعيش فى حريه..........ما بالرسايل اتسيلك دمعتنا

واعرين ما تقدر على غيتنا

ومــانــك الــلــي غـلـطـانـه *** حسك رقيق و شفرتك ليبيانا.. ليش طالبه?

رنــــه امــــع تـسـكـيــره ***عـاده قديمـه مــا اتفـيـد بصـيـره
خلـك رزينـه مـن البنـات الخـيـره***اللى خف عقلـه اصعـب فـى شفيانـه
الا العقـل عنـدك حالـتـه خطـيـره***وراء كـل راجـل عاشـقـه ولهـانـه
رنــــه امــــع تـمـسـيـجـه***اوقـات فـدوي وفـي اوقـات خديجـه
ابقـي خاطـري كاثـر عليـه وجيجـه***جيـت ندفنـه مـا القيتـشـى جبـانـه
الا الـرن عنـدي مـا ايجيـب نتيجـه***والقلـب ذايـب فـي غـرام افـلانـه
سكـبـتـى ادمــــوع غــزيــره***كسـرة الخاطـر مـا لـهـا تجبـيـره
و راهى المحبـه فـى نظيـف السيـره***اللـى سيرتـه سـادت علـى جرنانـه
الا الحـب عنـدك منهـزم مـا انديـره***نـأسـف علـيـه و تغطـيـه تعبـانـه
مـانــك الــلــى عـصـرانــه***الا العـيـب لا ايجيـنـا ولا يوطـانـا
اربايـة ضنـا الاجـواد قـل زمـانـه***وانـتـى ابنـيـه للـغـلا جـذرانــه
خطـاء شيـن دورتنـا لـهـن ليبيـانـا***بعشريـن شفرتـهـا تـحـط ضنـانـا
كــاثــر عـلــيــا رنـــــك***يـا معنسـه يـامـا صغـيـره سـنـك
ســوال النـبـى بالله قـولـى كـنـك***عـنـدك علـيـا غــل والا افتـانـه
شـوفـى اعمـالـك ويــن بيـودنـك***زعـم تعقـلـى والا اتـجـى ندمـان
هــذا جـيـل الـجـو الـفــايـح قـلـيـل ربـايــح ديـمـة نـص اللـيل ذوايـح [ندعوك للتسجيل في المنتدى أو التعريف بنفسك لمعاينة هذه الصورة]

جــيل البريـوش جيــل اللى دسـكه مـخـتــوش

طـاهق بـالمـوضـة مـغـشـوش و مـنـهــا يـأخــذ سـوك رايـح

جيــل الشـوكـات جيــل الجــل و الكـريمــات

لــو يـلقـى في الشـوكة يبات حذا المدارس ديمة طايـح

جيل الباهى جيل اللى في الكيكة لاهى

نسيوه بــريـريـد الشاهى و ع المكياطة تما طايح

جيل الراب لا يقرأ و لا يحل كتاب

ديما شاطح دون اسباب و من الدخان خياله سايح

جيل الموضات جيل آخرو احدث طرحات

يتبع ف الفيديو كليبات و ماشي في التيار و رايح

جيل فضيحة جيل نوادر آخر صيحة

في الجو مزنح تــزنيحـة مع هيفا و روبي يصايح

جيل ال ok جيل اللى يحكى بيديه

تتعب و انت تعدل فيه و لا ما تثمر فيه نصايح

جيل التوخيرة جيل يقلد في شاكيرا

و مسكر راسه تسكيرة مقفول و مفتاحه رايح

جيل الشيشه صارت في عقله تعشيشه

لا يعرف خدمة و لا معيشه يبى فلوس ايدير فضايح

جيل الغم لا يقدر بوه و لا عم

و هابا كان نداته الام نصايحها امغير نبايح

جيل الماكسيما يبى راحه ديما ديما

لا يعرف ذوق و تبسيما كلامه كله غير قبايح

يطلع في الحمرا بتبـريمه

يـزورق و دومـــانـه مـــايح

جيل النقال ايكمل عمره غير اهبال

لا يكلف و لا يجيب المال مكملها عركة و طرايح

جيل الجل لا يعرف خدمة و عمل

يرقد نين العصر ايهل يطنقش زينه و روايح

جيل الملفوف جيل احباله جيل سيوف

جيل وساطه جيل اكتوف ينابش في المسلم و السايح

جيل التنباله جيل صياعه جيل رزاله

يا خسارة اعزيز حماله راح تعبها ادموع نوايح

جيل الشم لا يتاجر لا يدير غلم

زايدنا هم على هم او كان نصحته يدير شطايح

جيل النوم في غياته امغير ايعوم

وكنه اوعى و دار عزوم انديرو له حضرة و ذبايح

تعـذرهم منه اللى ايلوم

زمان شين و مركبهم ذايــح

امـفـيت يفزع ربي القيوم

و من غيره للغمة زايح

مشكور أخي الكريم علي هذا الطرح
تحياتي

» اسرار جمال الشعر - حمايه الشعر - للنساء والرجال
» جمال الصحراء الليبى..
» ازياء من مجتمنا الليبى
» اول ممباراه للمنتخب الليبى وأول هدق
» حكمه شعبيه من التراث الليبى