خلك من الكلام

خلك من الكلام

للشاعر : بوبكر بوحوية

خلك من الكلام ...... ان قتلك درت في غيابك عزام....مغير كلام خلك من الكلام

خلك ياحبيب...يابو قلب طيب ياطيب....يالبعيد مني ياقريب....ياجيياي ديمة في المنام

عمري فيك ماشوري نسيب....وعمري فيك مانايس اقسام
مهما حط منظاري وطيب....مهما دق دقاقي ارمام
ظنك في عمري مانخيب....لك مازلت ولغيرك حرام

خلك خود الراي....وكون امعاي ماتبقا احداي....اهناك ناس ياداي ودواي....دواهم داي دبلاجة افلام

ان قالو قول في ومن وراي....عطيتك علم دوس بلقدام
وقول عزيز مايصبر بلاي....وهدا الصحيح ليا يوم الاختام

خلك ملقطاف...مافكرت لحظة بلخلاف...بلاك العقل ياصايف صياف....وموش بعيد يلفالا عدام

يجري جري شور التلاف....وراك اسببه ياسمح الابسام
تنظر فيه مريوح ايتراف.....مغير عليش قلت هلرحام
حتي الكان في صوبي اتعاف....عند العقل راك صاحب مقام
وما للعيب يعرف شي سلاف.....طبك فيه ياغالي حرام
روف عليه فيه الله خاف.....وعد القبر ساعات الظلام

خلك من الدواوي....فيك العقل ماسكاته رساوي....مغير عليك ماعندا حكاوي....يابودر كي ريش النعام

يابوعين كي عين النداوي....ويابوهدب ظلل ع الميام
ويابو جوف تحته وسط خاوي....اتقول اظراب داير ع الطعام
نصيتك وين نلقالها فتاوي.....وين اندوح بدموع الايتام
صعيب النسو حتي لجلاوي....يابال انتي ماي عشرة ايام
من اول صوم وني فيك غاوي.....ولي بعدك سطاش لصيام

خلك من السهاري...موحك راح حوسلي مداري....مافرقت ليلي من نهاري...دونك توق توقت بدر تام

ان دار عقل فغيابك انظاري....ان قلت ريت مكحول لميام
عليك انعد ماسية انواري .....امعاك انكون قاسي في الملام
انقول انتقت عيبي ادراري.....وانقول ان تقت نسكت والسلام

خلك من الكلام ...... ان قتلك درت في غيابك عزام....مغير كلام خلك من الكلام

انكِ بالفعل ذواقة لكل ماهو جميل

قصيدة جميلة جداً

فلكِ وللشاعر بوبكر بوحوية

كل الود والاحترام ..

مشكورة زيزو على الاختيار الرائع

الجميل هو مرورك علي صفحاتي اخي الحبوني

:ءبفغقغ: :ءبفغقغ:

الرئع هو مرورك بيت الاجواد

تحياتي
:تشرفت بمرورك:

جميل ماخترتي وماقدمتي زيزو ،،،، سلمتي وسلم شاعرنا

دام تألقك وتميزك وربي مايحرمنا منك

الولهــــــــــــــــان

:يقغثغص:

الولهــــــــــــــــان

يسعدني مرورك علي صفحاتي

:سيلسل: :سيلسل:

فعلا الحب لايموت ولكن نحن الدين نقتله

زين الرجال
:tx: :tx: :tx: