الام الاهانة

زائر

كنت عالى الشان مرفوع الراس ولكن بدون اى سبب دستونى تحت الاقدام لمادا يامنتدى البدو قطعت رزقى من اجلكم اغلق محلى من اجل منتداكم اعطيكم كل شى فى داكرتى وكنت انتظر اليوم لانه فيه ولدت لكى افجر ابدعاتى لكن بفعل فاعل تحطمت معنوياتى ودرفت دموعى وانطفا حماسى ولم يعد عندى رغبة الا فى الحزن مكان لى اصبح لغير بدو ن اسباب ماهو دنبى هل لانى يتيم ام ليس عندى احباب ام لانى فقير لااملك المال لكى يكون النت دائما بين يدى ام لان من الغرب ليس من الشرق لمادا وصلت بكم الحال لكى الحر فى كنتداكم يهانم اقولها وبكل صراحة ان الرحيل وسادير ظهرى وساقطع عروق الاحساس فى جسدى لكى لايعود الحنين فضلا يادارة اشطبينى لكى لااصل الى طرق غير شرعية لا طرد فهدا مرجاى ومناى وساظل الح عليه لان مكانى ليس هنا فلقد مزقت كرامتى والسبب الادارة هدا جرمها فل تتحما عواقبه

السلام عليكم ورحمة الله وبركاتة
اولا والله والله حزنت حزن شديد خوي الزائر لما شفت الي صارللك في المنتدى
ولكن اكيد حيكون سبب غير متعمد
وانت حتكون ديما عالي الشان ومرفوع الراس بيناتنا
وان شاء الله ديما معنوياتك مرتفعة
انت عزيز وغالي علينا , والتميز الي تحكي عليه بين الشرق والغرب غير موجود في المنتدى
هنا كلنا ليبيا , عائلة واحدة , بيت واحد
وانا زيك غرباوية وماعمري شفت التمييز بيني وبين شرقاوي .

تحياتي ,,,,,,,, ياقوتة الساحل

يا خوي الزاير

كل اللي تقول فيه اوهام من عندك القضية كلها خطأ فني

وصححناه وانت بدل كل اللي درته وقلته كنت تبعث رسالة خاصة

او حتى في الشكاوي استفسار وكان كل شيء يتصلح

وانت بكلامك اللي تقول فيه تقصدني اني واني اللي اخترتك للأشراف

مش معقولة نبي نغير رأيي بدون سبب واني غرباوية زيك

وعمري ما حسيت ان فيه فرق بين الاعضاء من اول يوم سجلت فيه

وهدا اللي خلاني نستمر في المنتدى هدا بالذات

وانت وراحتك بعدين تبي تستمر معانا منتدى البدو عمره ما يستغنى

علي عضو نشيط زيك وانت قدمت للمنتدى الكثير

والمنتدى ينتظر ابداعاتك

فياريت تنسى اللي فات وتبدأ من جديد

اني طرحت المشكلة قدام الاعضاء وهما اللي يحكموا فيها ويقولوا الحق علي من

لكم مني كل الود والاحترام

السلام عليكم ورحمه الله ...

اولا : كيف حالك اخي الزائر ،،،، انا من طبرق ولو حبيت تكون فيه عنصريه لسميته بدو طبرق او بدو شرق انا من صغري وانا لا احب العنصريه ...

ثانيا انت شاب نشيط ومشالله عليك شنو الظلم اللي توقع عليك ،،، .

ثالثا اي عضو يقولو في عنصريه في بدو ليبيا ايقولي ويوجهني .

ينقل لقسم ملتقى الاعضاء

السلام عليكم

لاباس يا خونا العزيز والغالي الزائر بالنسبة ليا مافهمت شي , شن الضلم الذي حاط بك

اما عن التمييز فلم أجد ولم ألاحظ أي تمييز ,,,,, بالعكس تماماً الكل أخوة وأحبة في الله .. والادارة من أحلى مايكون

ننتظر فيك تفهمنا انت والا سويسا ,,,

زائر

هكى الامور تمام مدام طبرق تامة الامور بالنسبالى يعنى حقى حناخده طبرق بلادى ياعمو البدو زى ماهى بلادك ومزال سيرة عيلتى فيها لتوا يعنى عندى النص معاك ومشكورين الكل على وقفتكم معاى ولكم منى اجمل التحايا اخوكم الزائر

لكن توا مازال حقي اني زي ما خديت حقك اعطي حقوق الناس

السلام عليكم
انا مثلك يا الولهان مش فاهمة شئ
بس انحب انقولك يا خوي الزائر انه في المنتدي مفيش عنصرية
وان شاء الله ما فيش مشاكل
وياريت تستمر معنا
سلام

فهمونا دوختونا معاكم ياجماعة

السلام عليكم كل شيء الا حيرتكم اخوتي

كل الموضوع ان الاخ الزاير هو المشرف علي المكتبة لكني غلطت وبدون قصد

يعني سهو حطيت عضو اخر زعل مني من غير ما يوضحلي اول مرة حيرني

يلوم فيا واني مش فاهمة شيء بعدين لاحظت خطأي وعدلته

واني طرحت موضوعه قدامكم

هادي كل المشكلة

زائر

مايوجعك غالى

زائر

والله قووية فى حقى وجعنى انا صح يتيم فقير نعم مش عيب لكن وجعنى عمرى ماستنيت لطف من حد اللطيف رب العالمين وطز فى المنتدى الى خلينى نترجى فى حد انا حقى وصلنى من البدو نفسه يعنى معاش فارقة معاى توا بطردينى يالله مافيش مانع الا تجملى عليا وتلويح كلام وتلقيح وجعنى وجو هدا مش انى الى يمشى عليه انا خلقت وهحيد لكن لم اخلق ضعيف ولن اتمسكن لى احد تحياتى للكل

حسب مافهمت من ردك خوي الزائر انك فهمت سويسا خطأ
وسويسا كانت تقصد بحقها وحق الاعضاء , انك ترد على الاسئلة والردود الي طرحوهم في هدا الموضوع
وزي ما رد عليك البدو في قسم الشكاوي , ابدا صفحة جديدة

السلام عليكم :

اخي الزائر مادام انت من طبرق ولا من اي مدينه من مدن الجماهيريه مرحبا بيك ،،، بس نبي انوضحلك شئ الاخت سويسا وكما هوا المعروف للجميع مازالت جديده في الاداره وصار خطأ بسيط في وضع احد المشرفين في قسمه ووضعاته في قسمك والله الامر موش مستاهل هالكلام ،،، بس الباين عليك حشاش في رمضان بس .

تعوذ من الشيطان

» الام !!!!
» زواج الام...
» شعر جميل عن الام
» فقدان الام
» فاقـــــــــــد الام يسنـــــــــــــد البـــــــــــاب