بعد غيابي راجع ليك(ملكيتي)

عجبتني هده الابيات


كيف نلقاك وكيف تلقاني** وكيف بعدها ايصير لقانا
وين نرجاك بعد ترجاني ** نحكو صوب قديم غلانا


فشاركتها وقلت:


كيف نلقاك...وكيف نجدد صوب غلاك...ونبدا كان اني وياك...وماوالي يقعد يالانا

نقضي باقي العمر....ونولو ليام زهانا

ومانترحا لكان معاك....وماترتاح لكان معانا

وديمة فقلبي نار غلاك....وانت اللي اتطفي نيرانا

وكبدي منقوشة بسماك....وعقلي يجدد في طرونا

وحق اللي بزين نشاك.....وحق اللي كتب ملقانا

مايوم فعمري ننساك....لين يلفوني الدفانا

ويامطيب مجلس يالاك....ويامسمح كلمات لسانا

وحابسهن فيا دكراك....وصاينهن ياسود عينا


نرجا فيك...تندهني بشوق انجيك...وقاعد هاويك وغاويك....وماغيرك بصوب خدانا

بعد غيابي نرجع ليك....من قوت نيران غلانا

عقلي يجبدلي طاريك....وع الغية ديمة مدعانا

تلقاني ديمة غاليك....ونعول ليام هنانا


طيب يومه...ونجيها وتجي ملزومة...مدرب تدريب حكومة...ع الموعد لا مايخطانا

مولات المشية مقيومة....والسالف طايح فركانا

وشفة بدري مرسومة....كيف الورد تبان الوانا

والعين كبيرة مسمومة....ورموش حرابي صوانا

وهدوب جميلة منضومه....والجسم معدل سبحانا

والضحكة ديمه ملزومه....بنوار اشكع فرحانا

ونا نموج مع ديمومه....من كاسات الشوق سقانا

ربي يجعلها متمومه....دكرانا ويام لقانا



من اشعاري.............اسامة المقرحي

شكراً اخي السامر

دائماً مبدع وتمتعنا بكل جميل

فلك اجمل التحية وكل عام وانت بخير ..