شتاوات و غناوي ع الجرح

تذكير بمساهمة فاتح الموضوع :

السلام عليكم
فكرة الموضوع انه اللي يدخل يكتب شتاوي او غناوات ع الجرح و الجرح بس

و نبدى امعاكم
-مجروح جرح تحته كسر .. يبيله امداواه ع المهل
-ع العام اجروحي قضوهن .. كي ما خلوهن لقيوهن
-فوق الجرح ابديكم جرو .. نبرى و انتم ما تنظروا
-اجريح يا عزيز غلاك .. جميع شكل لوجاع جابهن

و شاركونا انراجي في مشاركاتكم و ردودكم

اسطر بغيتك يا جرح دواي غيب علي

خليت خاطري مجروح ... ياعزيز ونا ايش درتلك

مجروح خاطري من قبل امشوا عليه بشويش يا جداد

مرات من أيجي عالجرح .. أتريده أيداويك يجرحك

ما هاون سطير الجرح طبيبه عزيز وسيبه

للي اجرح ما ايدويك الشفي المولا بقدرتا

ميمون حسين قال:
جميع مايداوي الجرح داويتبه ومازال ما بري

رد عبد الكافي :
بلا عزيز ماهو بريان الجرح لو اداويه بلذي

العقل ماينام الليل .........سطير جرح لولاف سمره

اجروح يا عزيز غلاك من يالا الضميده نشحن0طبيب للطبيب ايقول ايموت بينا لاتلمسه

غير اسمك ياجرح امضمد ............... لكن تسطيرك ما همد ............طازا وعندكم

آنست البزاري

الرايق مشى وخطيك ... واللي جريح والاه البكاء

جروحي كيف اجروح غلاك الله يشفيني نا وياك

نجك خونا رزق

¥ شكولي ونا مجروح _ يشفي الله جرحي وجرحكم _
¥ يامجروح اتشاكي فينا_ يشفيك الله ويشفينا _
¥ جريح قابله مجروح _ شكو بكو نين انعمو _

¥ تعال ونا جرحك نبريه _ ياغالي ماني ناسيه _
¥ الجرح اللي فيك انداويه _ مانبيش انموت عليه _
¥ مامن مطاول نوحه _ مجروح وبكاي ابروحه _

اجروحك ان مالايمت...ياعزيز وايش يلمهن

ايش ايلايمكم وايش ايلم...اجروح غلاكم يالقدم

في اجروح وفي قهاير .... ياما ساير في وساير

فينا مالمرهون وغيره...جرح اتقول اسلوك عقيره

الله كريم مو نساى... عالظلم يامجاريح اصبرن

ايجيه يوم يبرا فيه...الجرح موش ديما امساطره

خلانى مرهون بروحى ... هو بريان ونا بجروحى

فجاوي جرح المرهونين...هوا نين امظلم ياعين

الدنيا موش عليك أبروحك ,,,,, راه أجروحى كيف أجروحك

درتيها ياعين جريمه...حاييتي نيران قديمه

شقا واجد يا ما عانيت * * * * الا جرحك كيفه ما ريت

» غناوى او شتاوات !!!
» شتاوات على البيت
» بعض الشتاوات الجميل على الجرح
» الجرح القديم
» غناوى علم ع الجرح