اجمل ما قيل فى الأبل

تستاهله عز ودلال سود المناسم سمحة المنقار

ماذا رفعتي من حمول ثقال وماذا قطعتي من قفات اقفار

اماليك ما تحمل تعيش بلاك يرموا عليك ويسكنوا لدوار

تجي مشوخه تكند معاها اهمال ليا اشّندلت ترفع غبار الدار

عليها الوصيه من أولاد هلال والجازيه تشعر على الخوار

خيار الكسوبه الشايمه أم خلال تحل النظر وتزيد في الاعمار

ولا حقهم تعطي مخازن مال وياما قزنتي من ظراري صغار

تجي الروس تتكركب على الاشفار تقول الجحاف مصقعات اضمار

الدنيا بدت ما عاد يعجب حال مشى جيل ظهرولك وراه اجيال

خشوا المدينة وتبعوا الاظلال ولا عاد جايبهم قداك العار

ويتقابلوا جملة على الميال اناهو اللي يفوز وغرسته تخضار

و تركوا كحيلة سايبه تجيال إلا الولف جايبها قدا لاوكار

ورخصت الخيل وغالية لبغال توا البغل بوزنته دينار

راسم عليها السوق والدلال والخيل رخصت ما لها دوار

وبنعاوده ياسر كثر أبسال شاعر ونحكيلك على ما صار

راحت أيام عزك وغلاك يا شايمه نارك على الفرسان

أولاداً يلكوا في الثقيل وراك وبيهم تلوجي واسعة لركان

وييه ييه ما داروا على سباك تركوا الحوالي ولبسة الكتان

يعزوك ويحسوا مواجع داك وبيهم كحيلة في الخلا تطمان

ووين ما تسيري يعزموا رفقاك وما يسيبوها الشايمه ليلان

قيمي الغريد وجددي في بكاك على أولاد غية بدرهم ما بان

وخشي الفيافي وأهملي بضناك وديري الرفيق الريم والودان

وساعات ندورس نبي ننساك وساعات عندي غايبه لذهان

وساعات نتفكر أيام غلاك وراحت أيام عزك مع لفتان

صحيت على اختيارك الرائع

وفعلاً قصيدة من اجمل ما قيل

في الابل وتحمل معاني قمة الجمال

فلك كل الود والاحترام على

اختيارك المميز ..