غناوي وشتاوات علي النسيان

تذكير بمساهمة فاتح الموضوع :

غناوي وشتاوات علي النسيان نبوا مشاركاتكم

انسيهم اللي نسيوك ديري *** عزم واشقي بغيرهم
نسيونا بلا سيات *** اقلال خير لولاف لقدم
ننسوهم انعيشوا كيف *** اعزاز شاركونا في النفس

مشيــــت في طـــريق النســـو *** ماكملت نين لاقوني اقـــدم

وهذة شتاوي

ســـوك راح انسي الغوالي *** حتى نا ماعندي والــــي
بالك ياعيني تنسيهم *** طق الحول ابكاك عليهم

في انتظار ابداعاتكم

تحياتي

امير الغربة

بنت الأجواد كتب:: ننساهم اصحاب غلاي ... انداوي جروحي بنقصهم

انقولك

مربوحه طريق النسو *** ان واتت امشو فيها انتو

:ثقثقفث:

ننساه ما نموت عليه ... اللي ما عرف قيمة الغلا

بنت الأجواد كتب:: ننساه ما نموت عليه ... اللي ما عرف قيمة الغلا

يبوني ونبي كانت واليوم بتت ناسي ومانتسي
كيف انسيت كده وراني ننسا كيفك يا ناسني

نسيوني ما ننسى كني ... بيش غوالي أحسن مني

كيف اتقول انست غولي وامس وهوحلاك من حالي

كفا النسو راهو النسو ... يا الناسي نسيتني تنتسى

الجارح كتب:

بنت الأجواد كتب:: ننساهم اصحاب غلاي ... انداوي جروحي بنقصهم

انقولك

مربوحه طريق النسو *** ان واتت امشو فيها انتو

:ثقثقفث:

اتصدق ماصدقت انسيت خطهم لولاف افتكيت

احليت يا امرار النسو ... في ريقي وفي ريق القدم

عليكي لاحر ولاشر نكان اشربتي مر مار

منسى لكن مو ناسيهم ِِِِِشايط نار ارياف عليهم

ايعشم فيك لو تنساه ... العقل ماوراه ناس غيركم

خايف من قولت ناسيهم ِِِِِ مره مره نطرى فيهم

قديم قلتله واندمت ... انساني انسيني وما انتسى

ننساه ما نموت عليه اللي ما عرف قيمة الغلا

قديم ظا لمني من يالاه ونحن لا اله الا الله

تنساني وتلقى عذر ... انخاف يا قديم اديرها

كنك ياليل امجافينا ِِِِِكيفك كيف اللي ناسينا

نسيانه عبيني ما تبي ... غير نصيب و جابه ربي

عزيز وين ماننسوه تجي ِِِِالعين في العين نوحلو

عزيز لا قسم لا هان ... لا بت العين تنسى سيتا

لانسيت الغلا لا تبت ...ولا عطيت روحي حقها

تنساني وتلقي عذر ِِِِِِانخاف ياعزيز اديرهــــــــــــــــــــا

عازيت فيه نين ابطلت ... قديم ما انسيتا مالوسع

في مكان موش مكان رصيدت القديمين تنتسا

عزيز نسوتا لغلاى ... انقول ما يديرها ودارها

» غناوي علم وشتاوات عالسية
» غناوي وشتاوات بالاسئلة
» غناوي وشتاوى ع النسيان والزعل...... واللى عنده يزيد!!
» غناوى وشتاوات على العريس والعروسه
» غناوي علم