ردود (غناوي وشتاوي)

تذكير بمساهمة فاتح الموضوع :

السلام عليكم ورحمة الله وبركاته ,,,,,,,

الموضوع ينص ع الردود ,, كل حد منا دائماً يكون عنده غنَاوة والا شتاوة ويتمنى يلقالها رد من شخص أخر ,,

عليه ياريت كل عضو ايرد ع الغنَاوة اللي قبله ويكتب الغنَاوة اللي في خاطره و يبي الرد عليها (الرد ممكن غنَاوة والا شتَاوة ),,,,,,,,,,

أكيد الموضوع يكتمل بردودكم وابداعكم المتواصل ,,

لكم مني كل الود والاحترام ودمتم بحفظ الله ,,

ونبدأ معاكم بأول مشاركة ::

ينساك من افعالك فيه *** ويجيك من امرارات الغلا

:gif:

الرد

القسم فيد صاحب الامر..... ايجيب العزيز او يبعده

وغناوتي

كيف نغفي يا غيابي **** وانتم دون النوم مصابي

الرد ::

قديم قال مانخطاك *** إن جاك النوم راني جايك

وغناوتي ::

خطر ودار لك مشغال *** عزيز قبل يا عين ناسية

الرد

ننساهم علي شان ايش *** اعزاز لا جفا لا موجعه

وغناوتي

انموت موت بين يديك..... ولانعيش يوم فاقدك

الرد ::

عطاتك العين اوعود *** غلا ابعدك ماي دايرة

وغناوتي ::

مكتوب في غلاهم صار *** زعم خواتمه كيف يا علم

.. الرد ..
... ان كان مو اختامك قسم *** لنقانك مرض شين ياغلا ...

.. غناوتى ..

... بينى وبين عزيز *** لطن اقسام والحاصل احصل ...

الرد ::

اتفارق امعاه الروح *** عزيز كان يا عين فارقك

وغناوتي ::

أتعبي يا عزيز وراك *** صدقه كان ما صوبك قسم

الرد

عديتا عليه زكاه *** عزيز ما بديني نطالبه

وغناوتي

انقول حلم ولا علم *** بعد سنين لا قيت جارحي

الرد ::

خطاه جبر مو بالطوع *** قديم سامحن لا تقرضن

وغناوتي اتقول ::

يضابح افطام غلاي *** عقاب ليل ساقوه للخلا

الرد

مَسيُوق مِن احْذا
نِيّام *** الله واعَلَم لَوْلاف رَحلْهم.[

وغناوتي

العين حالمه للعقل*** منام يا علم هو ياسهم

الغناوه
طروك ياالقديم ارهنت &&&مبروك غير ياشينك خبر
الشتاوه
اعلمنه ياالقديم خضوك &&&خبر واعر لكن مبروك [ندعوك للتسجيل في المنتدى أو التعريف بنفسك لمعاينة هذه الصورة]

رد جميل أخي رفيق ،، بس ياريت حضرتك كتبت غناوتك المراد الرد عليها ،،

غناوتي المطلوب الرد عليها اتقول ،،

حجر دواه ينظر فيه *** العقل صاف يا لايمينه

:4543:

تحيااااااااااااتي،،

الولهان

» غناوي علم قويه
» اي فاهق وسع علي خاطرك بس
» غناوي علم وشتاوي علي السيه
» غناوي وشتاوي علي العين
» غناوي وشتاوي ع الاقسام