قصيدة تجمع الشاعر محمد المهر والشاعر مفتاح عمار.

مفتاح عمار
منام الليـل ليـا جابهـا=وسيلّ ادموع العين فاض غزيرها

ونحسابها هانت علّى نحسابهـا=ونحساب هفت فى الكنين سطيرها

ولوكـان ماحـرم الله شرابـهـا=انّطفى لهايب نارهـا بعصيرهـا

ويامهر ريت الحب دابـه دابهـا=والقلب ماعمـرا نبـض لغيرهـا

ويامهر يحلى ع الضمير عذابهـا=وهى بينها ياخوى بين ضميرهـا

ويامهر كبدى ع الجحيم اطيابهـا=يا مهر حلمة جيبلـى تفسيرهـا

يامهر صالة حوشهـا وطيابهـ=الشاهى وتسيلمه وطول ظفيرهـا

يامهر كيف حالك؟انسيت جوابه=اطيب ومش طيب انسي تعبيرهـا

ويامهر نوم الليـل لنـا جابهـا=اللى ماهويت وحق ربي غيرهـا



---------------------------------------
ويقول محمد المهر



بعد ما قرآت القصيدة تأثرت بها جداً وكتبت له هذة الابيات

مازال يحرق فى الكنين اشهابهـا=ومازلت تتنشق فعطـر عبيرهـا

اللى وين مايطول عليك غيابهـا=اتجى للورق أتحـن لتصاويرهـا

يابورفيق اشعـار سكـر بابهـا=صارت مع غيرك اليوم عشيرهـا

وخود العزاء فى اللى غزير اهذابه=اارتال جاهزة علنت معاك نفيرها

نوت الخذيعه وكشرت بنيابهـا=استاقضت ولقيته سراب غديرها

خايف عليك أطيح فى زردابهـا=وتشمت الناس صغيرها وكبيرها

مكتـوب ومقـدر الله اسبابهـا=ربك القسمة كيف راد ايديرهـا




ارجوا أن تنال رضاكم تحياتى