يا لابسة جلباب

راس البيت للشاعر الكبير عابد بوخمادة
والتكملة للشاعر الكبير احميده الشولحي

يا لابسة جلباب** بيني وبينك غالقين الباب** وأنتي تخايلي

يا لابسه الخمار ** يا منقطة يام العيون كبار
بيني وبينك دايرين حصار ** صعيب مقعدك والعقل فيك يهاب
عيني عليك وحايزك نقار ** نريد نلحظك غير الظروف صعاب

يا خايله بالشال ** ويا زياده فوق الجمال جمال
غثيثك اداعا غالب الجدال ** اداعا وين مانقض لحق لكعاب
عيونك ايظرن خزرهن قتال ** مغير وين ماشبن تقول احراب

يا محنيه لقدام ** ويا طاويه فوق الرقيق احزام
غلاك جار رداني اطناشر عام ** مريض والدوا غالي وما ينجاب
ونارك معانا مالها لزام ** ايجي دخنها سايل اتقول سحاب

يامنقطه القطاطي ** وياداقه فوق الجبين نقاطي
نا بعازتي وانتي وراك عياطي ** وناسك طروهم واعرين اصعاب
ونا عمر ما صارن معاي طواطي ** ولانحمل عيب ولو اللي عياب
ولولا الملامه ناخذك بحلاطي ** انسوقك بقوة عين طعن احراب

ياعاقله ورزينه ** منك امراض العقل وترهدينه
ياواخذه كبدي معاك رهينه ** واخرى القلب مو ناجي بروحه ذاب
غلاك دالني خلف معاي دفينه ** منشاب نار في قيس الروايا ثاب

ياسافيه الروميه ** مانك قدا العفنين والدونيه
تريدي عرب كيفك لهم هميه ** ايقيموا عناك ويعرفوا الوجاب
سلالة عرب زينين وهلاليه ** ماعمرك درتي للعطيب مناب

يا داقه النفايل ** يا موشمه مالك اليوم بدايل
خزرة عيونك والشناف المايل ** عليه خطرن تاريخ ماضي جاب
وين ما تهايله اصبح شايل ** رحيل خاطري قشع ادياره ساب

يالابسه العقود ** ياصغيره يلي عيونك سود
تمنيت روحي من جديد انعود ** وناخذ امعاك ايام عز شباب
انتي في غناديقك سماحة عود ** ونا الوقت عداني وراسي شاب

يالاويه الطراحي ** لونك جميل ومشيتك سرواحي
يا تلايمي بالدار يا تنزاحي ** بلا نصيب غياتك مغير عذاب
الناس يرقدوا ف الليل ونا صاحي ** سامر وعيني دمعها سكاب
داروا عزاي ودوروا مطراحي ** وهايم وراء زولك وحال ساب
مغير تاخذي ذنبي وما ترتاحي ** ويوم لاخره يبقى معاك احساب

ياعاقله ميزونه ** يا محجبة بحجاب يا مصيونه
هني بال من حطك اقبال عيونه ** وحازك على سنة الله وكتاب
جميع من تهنابك بقي يا عونه ** كيف من مشى زاير وحج وتاب

يا لابسة جلباب ** بيني وبين غالقين الباب **وأنت تخايلي

منقوووووووووووووووووول

يا خايله بالشال ** ويا زياده فوق الجمال جمال
غثيثك اداعا غالب الجدال ** اداعا وين مانقض لحق لكعاب
عيونك ايظرن خزرهن قتال ** مغير وين ماشبن تقول احراب

منوورة ع النقل أكثر من رائع .. بس ممكن توضحي من صاحب القصيدة لو بالامكان

اصدق تحياتي

... احسنتي النقل عزيزتي ..my love اتحفينا بثلها بالتوفيق

:doob:

... تحياتي .... بنت الجبل الاخضر

مشكورة علي مروركم العطر
اخي ولهان اساسا إذا كنت بعرف الكاتب او الشاعر اكيد ما راح اتردد في كتابة اسمه
وشكرا ليك

تحياتي لكم

[ندعوك للتسجيل في المنتدى أو التعريف بنفسك لمعاينة هذه الصورة]

كلمات روعة ..

مشكورة على النقل صديقتي

شكرا علي المرور العطر مع تحياتي للجميع

اتمنى لك التوفيق فعلا ابدعتى ورقة وجمال فى الاختيار

شكرا لكي اخي الراقي اسمر علي مرورك العطر

اختيار رائع بمعنى الكلمة

انكِ تؤكدين دائماً انكِ صاحبة

ذوق رفيع واحساس مرهف

يتذوق كل ما هو عذب ..

مشكورة اختيار رائع

تحياتي........السامر

» لابسة جلباب** بيني وبينك غالقين الباب** وأنتي تخايلي