غناوي وشتاوي ع الاقسام

تذكير بمساهمة فاتح الموضوع :

...

يا لاقسام التفتن شوري**** نبوهم لولاف ضروري
ان شاء الله الموضوع يعجبكم
واكيد الموضوع ما يحلى إلا بمشاركتكم

عذرا عزيز قال اقسام """""ارجاهن اوهن ما روحن

فيه اوقات اللى ترجاها ..... ماتقسم واتعيش بلاها

ان جابك رجا نرجوك ::::::: عليك نصبرو يا قسمنا

اتجيب ماتجيب ياقسم خذيت ناس ماتجيب كيفهم

القسم شين كى ينويك ::: ياخذ غلاك وما يشورك

عزيز لاعطاه القسم *** ولا العين صوبه ناسيه

امتى لقسام اترضيه ::::: الخاطر ياما ساير فيه

نرجي في ناس أمصوقرهم _ _ياقسمي راك أتودرهم

لطيت اقسام ناس نويت ::::::: نلقان ما بعدها كاينه

بابالصوب قفلته رسمي .... فيد الله مسلم قسمي

شالن عزيز اقسام ::::: الغيرى ونا عونى رقد

خليتن علـــي مولاي *** اقسام من يداوي جرحنــــا

ان كان فى غلاهم قسم....اعزاز ما علينا يصعبوا

الله غالب مابيت اتجيب *** اللى فى الخاطر ياالنصيب

نا عارف ما فيه اقسام ::::::::: امغير انمشى فى ليام

عليك يا العين اقسام ..... غني عزيز وانتي تنظري

بشويش جيبهم يا قسم نين في ايدي حطهم

اللى لنا لقسام عطنها *** غليت لحقنها وخذنها

القسم ما علينا فيه == الشينة اعزاز يكافوك بالخطا

يا العين كل شي بالقسم ** عدي عزيز ما يوم صادفك

حظى عطيب فى لقسام اللى ما جرن فيك يا غنى

خان غلاي وقسمي لطه******خنجر بين ضلوعي حطه

اقهرت خاطري يا قسم ** باعدت ناس روحي اتريدهم

مايموت الحى ألا بيومه ..... واللى مقسومه مقسومه

خليتن علـــي مولاي *** اقسام من يداوي جرحنــــا