الســــــــــلام عليكم و رحمة الله و بركاته...
مساء الخير .. شباب ,صبايا منتدى بدو ليبيا ..كيف حالكم ان شاء الله بخير ..؟
اليوم جايبلكم موضوع عن الالعاب الالكترونيه و انا من مدمنين هذه الالعاب ( الفيديو جيمز) طبعاا و ان شاء الله يعجبكم ..
هذا تقرير عن مزايا و عيوب جهاز البلاى ستيشن 3 play station مقارنه ببعض عيوب و مزايا جهاز الاكس بوكس360
x box 360 .. :D ...........
نبدو مع بعض :
المزايا
- يتميز عن الxbox 360 بانه ما يحتاج محول كهرباء ضخم مثله. مجرد اشبك السلك من السوني الى الكهرب مباشره.
- محرك الاقراص روعه و عملي جدا عكس الxbox 360, و تحس انه شي فخم صراحه.
منقول
- الجهاز هااااااادي جدا عكس xbox 360 المشهور بازعاجه. طبعا اذا احتمى الجهاز تبدا تشتغل المراوح, بس يستمر اهدا من ال360.
- يتحمل الحراره و البروده بشكل رهيب. يعني جهاز جبار من هالناحيه. الxbox 360 جت عليه مشاكل كثير من ناحية الحراره.
- اداءه ثابت في الالعاب حتى لو فيها مخوش خفيفه. الxbox 360 مرات يتشكّى من اللعبه و يوقفها عليك حتى لو انها جديده مره.
- كأداء عام الجهاز ممتاز جدا, و نسبة خرابه قليله مره. يعني تشتريه و انت مرتاح.
- تصفح النظام (XMB) سواء بوسط اللعبه او خارج اللعبه خفيف و سريع جدا. عكس ال 360 اللي نظامه ثقيل و بطيء نوعا ما.
- الملفات اللي تنزلها عن طريق الجهاز تقدر توقفها و تتحكم فيها, بعكس الxbox 360 اللي يجبرك تنزل الملفات بالترتيب اللي اخترتها فيه!
- بامكانك تدخل على البلاستيشن عن طريق الPSP سواء عن طريق الاتصال المباشر او عن طريق الانترنت! و هالشي يسمح لك تستعرض الصور و الام المخزنه على جهاز الPS3 تبعك و تتحكم بتحميل الملفات مثلا, و حتى تلعب بعض العاب الPS1 !
- نظام الشراء يستخدم عملة الدولار غير xbox اللي يستعمل "نقاط". الدولار يخليك تعرف قيمة الشي اللي بتشتريه مباشره بدون لف و دوران.
- يده ما تحتاج بطاريه عكس الxbox360 اللي لازم تشتري لها بطاريات او تشتري بطاريه تنشحن. يد السوني جاهزه تجي مع سلك USB للشحن, بدون اي قلق.
- نظام تحسس الحركه الموجود باليد, يعطيك الامكانية انك تتفاعل مع بعض الالعاب اللي تستخدم هذي التنقيه عن طريق تحريك اليد.
- امكانية استبدال الHard Disk (القرص الصلب) بأي Hard Disk موجود بالسوق و باسعار رخيصه, عكس الxbox 360 اللي يستخدم اقراص صلبه خاصه فيه فقط و غاليه.
- الجهاز يجي معه Wireless و bluethooth جاهز, على اساس تشبكه على النت لاسلكيا و تشبك اي سماعة بلوتوث عليه عشان تستخدمها وسط اللعب. الxbox 360 يحتاج تشتري له قطعه عشان يدعم الWireless و الى الان مافيه طريقه تخليه يدعم سماعات البلوتوث.
- وجود متصفح انترنت يسمح لك تفتح 6 نوافذ في وقت واحد. الxbox الى الان ما عنده متصفح.
- امكانية و سهولة تثبيت و استخدام نظام Linux للمهتمين فيه.
- استخدام الانترنت سواء للعب او لتحميل الملفات من الStore مجاني, عكس الxbox 360 اللي يتطلب رسوم اشتراك (الرسم السنوي يكلف 190 ريال تقريبا).
- امكانية تشغيل اقراص الBluray (من افلام و العاب) اللي توصل مساحتها الى 50 قيقا بايت , و هالشي يسمح لشركات الالعاب انها تضيف محتويات اضافيه لالعاب البلاي ستيشن. الxbox 360 يعتمد على الDVD اللي -كحد اقصى - تشيل 8.5 قيقا بايت فقط من البيانات.
- وجود منفذ HDMI في جميع الاجهزه لصوت و صوره بجوده عاليه (1080p) على التلفزيونات اللي تدعم هالتقنيه , عكس الxbox 360 اللي يدعم كيابل Component كحد اقصى (الxbox360 elite فيه HDMI, لكن الجهاز اغلى). اذا تلفزيونك LCD تحت ال40 بوصه او عادي ما راح يكون فيه فرق بالنسبه لك.
العيوب
- سعره يقص الظهر. 2500 (حتى مع العرض الجديد) صراحه شي يقص الظهر. اوكي صحيح يجي معه لعبتين و يدين, بس مو كل الناس يبون هالاشياء معه دفعه وحده.
- نقص شدييييييييييييييد بالالعاب الممتازه عليه حاليا عكس نظيره الxbox 360. حتى ان بعض الالعاب اللي نازله على الجهازين تكون افضل على ال360 لانه المطوّرين الى الان يجدون صعوبه في البرمجه لجهاز PS3. هالشي يفترض يتعدل خلال 2008.
- اليد مافيها هزاز. ما تحس انك تدخل جو باللعبه زي اول. بس سوني الحين تطور تقنية هزاز افضل من الاجهزه الثانيه, و يتوقع انها تصدر خلال الثلاث شهور الجايه (مجرد توقعات, مافيه شي ثابت للحين).
- الازرار الخلفيه (R2 L2) غير مريحه و غير عمليه نوعا ما مقارنة بالازرار الخلفيه للxbox 360, لكن البعض يرتاح لها.
- عدم وجود كيابل Component او HDMI مع السوني. يعني زياده على سعره الغالي, بتحتاج تشتري كيابل (الاصلي منها غالي) اذا كنت تبي صوره عالية الجوده على التلفزيونات اللي تدعم احد المنفذين. الxbox 360 يجي معه كيبل فيه مخرجين Component و AV.
- نظام الاونلاين حقه بسيييييط و بدائي جداااا مقارنه بال360, و ما تقدر تشوف اخوياك و ترسل و تقرا مسجات و انت تلعب. هالشي ممكن يتغير مع تحديثات النظام الجايه.
- الStore (اللي هو محل سوني اللي تحمل و تشتري منه اشياء اونلاين), فاضي مقارنة بالxbox 360. العاب التجربه (demo) تنقّط تنقيط عليه, و الالعاب الصغيره (الarcade) عددها متواضع جدا و الالعاب اللي تستاهل منها ما تتعدى اصابع اليد الوحده, و تصميمه اقل من متوسط.
- ما تقدر تجرب كل الالعاب اللي تشتريها من الstore. فيه العاب ما تجربها الا "بعد" ما تشتريها, عكس الxbox 360 اللي تقدر تجرب اي لعبه قبل ما تشتريها.
الأحد ديسمبر 15, 2019 10:18 am من طرف عاطف0
