جديد غناوى علم وشتاوى ع الوقت

تذكير بمساهمة فاتح الموضوع :

... العقل غير عزمه زين *** الوقت فيه موداير اشوى ...
... مالن لوقات انضرينا *** نحنا والدار وغالينا ...
...الوقت اقزيزين ايخليك *** ابخوتك وانت احذا والديك ...
... نجارو لوقات وراهن *** لا طالنا لا طلناهن ...

.. موضوع جديد والموضوع لا يكتمل الا بمشاركاتكم اكيد فمنكم المزيد وارجوا ان تعطوا الموضوع حقه ..

.. تحياتى وننتظر مشاركاتكم .. :cheers:

عليه ما تلوم العقل ............... الوقت فيه موداير اشوي

شويت من اقدار العقل ان عشت يازماني انعاتبك

متماسكين نا و الوقت ... اما ايميل اما ينعدل

اجبر بخاطري يا وقت ... قرب اعزاز عيني تريدهم

انكابر بكيت بكيت.... الوقت دارني راس حاجته

تميت راس حاجة وقت ........... بكاني وما في نيتي ...............طازا وشكرا ع الفكرة يا صفاء

زعلان خاطري من الوقت ... عاكس عليه دايره راس حاجته

تغتاضي وما يرضيك .......... ما اتجيبه اللومه وقتنا

ادفر مواجعه وخلاص ... الوقت ما اتجيبه امعاتبة

ردك قوي قوي قوي يابنت الاجواد

عليش تدفري م الوقت ........... امواجع انتي مي قادره

.كثرن كواينك يا وقت وغاب عزمنا بيش نتقوا.

ما أيفوتني لاوقت *** ونا انقول لاولاف القدم

مالن لوقات انضرينا... نحنا والدار وغالينا

املصن عقولنا من الوقت ** حتى الحلم ما عاد نحلموا

يا عوينه اللي ما زال ** مالوقت وقت لاقي للغلا

hh
juj

مامن غريبة فيك ==ولاد للبدع ياوقتنا

يبكن اللي حمال ... ايجن اوقات ليام يظلمن

غلاء مالقيت ياعقل من وقت خونتك للقدام

من هول وارثه من الغير ... مليت يازماني قيلني

العين حاسبت لو قات *** لقت زمانها مايل بكت

الوقت شين كي ينويك ... ياخذ اعزاز وما ايشاورك

العقل حايسات عليه اهموم وقت ماصاد غايته

جيب كل شي يا وقت اشداد عزم رانا نحملو

زماني لاقيني صبار ==جميع اللي تقهرني دار

» غناوي علم وشتاوي متنوعه
» غناوى وشتاوى
» غناوى وشتاوى عالبكا
» غناوى وشتاوى عالبيت
» غناوى وشتاوى عالفاضى