غناوي وشتاوي ع المرهون

تذكير بمساهمة فاتح الموضوع :

الموضوع : غناوي وشتاوي ع المرهون :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

--------------------------------------------------------------------------------

وبالطبع الموضوع ليكم وبيكم يرتقي .... وان شاء الله ينال اعجابكم وفي انتظار مشاركاتكم واضافاتكم ...

لكم مني كل الود والاحترام

الولهان ...

جزيل الشكر لمن ترك توقيعه بمروره العطر لصفحات موضوعي

((شونا ** فافي)) منورات الموضوع بحضوركن

هون يامرهون عليهن *** مره مره بحت فيهن 8)

بالك يا مرهون ظليمه *** تبينى نبكيلك ديما

ما زال المرهون انريده *** امفيت اتجد عليه جديده

تحـــــــــــــــــــــ((الولهان))ــــــــــــــــــــــــــياتي

مشكوووووووووور الولهان ع الترحيب

ع المرهون بكا من جده .. عقلى نين افراشه ندا

جدت ع المرهون جديده .. ويت تلاقينا ضم ايده

و تقبل مروري في موضوعك

فــــــــــــافــــــي

منووورة فافي ع المرور الحلو والشعار الأحلى وكذلك الرابط مش طبيعي ..الذي وإن دل على شئ فإنما يدل على رقة احساسك

لو كان يقسم المرهون *** نرجوه ما علينا في البطا

أصدق تحياتي ولكي مني كل الود والاحترام .......

الولهان

:tnx:

تســــــــــــــــــ الولهان ـــــــــــلم

خلانى غلا مرهون ...انطيح نين بيدى نتكى

جاحد غلا مرهون ... من خوف ناس فينا يزهدوا

للمرهون ايش امشيكن لوما*******راى عطيب عليكن

فى جرت مرهون اتلطى *****.انظر وين تريدى تحطى

..

تحياتي

امير الغربة

منووورة فافي ع المتابعة ومنك الجديد ...

يامرهون العين غضيبه *** كي ننسا مدعاك اتجيبه

تحياتي ..

يسعدني ويشرفني تواجدك سويسا في صفحات موضوعي .. نورتي

مرهونين العين عموها *** تمشي بالقايد خلوها

:tx:

... مرهون هو سبب لنظار *** عماهن ومابا يقودهن ...

أجمل تحية ليك اخي امير الغربة ع مرورك الرائع..

.............. قسقال ناس مرهونين.... بكا العين في وان نومها ..............
............. العقل نار مرهونين .... تمشي معاه واتجي قادعة ...............
........................................................................
............ حقي على المرهون انريدة ....... كبد وجوف وعين جديدة.......

............. تحياتي ........... بنت الجبل الأخضر ....

... لهم زمان موش اليوم *** شايلينه مراهين ذنبنا ...

... ايجيك وقت يامرهون *** تعتازلى ونا ما انعوزلك ...

تحياتى( الولهان )
دمــــــــــــــــــــ الوردـــــــــــــــــوع

يا مرهون ابخير اطريني...ماني طامع فيك اتجيني.

منووورة بنت الجبل مرور رائع و اضافة جميلة منك

جاحد غلا مرهون ... من خوف ناس فينا يزهدو

:tx:

صحيتي دموع الورد ع المتابعة وهذي ليك ,,,,

نهيتك على مرهون **** اتقول قلت يا عين اذرفى

:tx:

مشكوور اخي ايهم ع التواصل ومنك الجديد ,,

مرهو ن لافضى لا هان...... من ساعة مغالته عوج

:tx:

... مشكور( الولهان )ونقولك :

... خلاص ابكى واشلى ياعين *** اولافك باتوا مرهونين ...

... انجامل فى الناهى ياعين *** بقول انسيت المرهونين ...

.. تحياتى ..
دمـــــــــــــــــــــ الوردـــــــــــــــوع

منووورة ع المتابعة .. قوية الردود منك دموع الورد .. مش عادية ..
انقولك :

طلب دواه فى مرهون *** العقل وين نلقوله دواء

:tx:

... مشكور( الولهان) هذا من ذوقك .. وخوذ عندك ..

... يا مرهون دوانا دزه *** كان اهناك عقاب معزه ...

... تحياتى ...

منووورة دمــــــــــــــــ(((الورد))ــــــــــــــــــــــــــــــــوع

وهذي رد ليك ..

انجالت وراء مرهون *** العين باشقاء ناهيينها

تحياتي ليك وسلمتي .........

... جروحة غلا مرهون ... تهليع ما دوا لاقي ألهن

... تحياتي ... بنت الجبل الاخضر

مرهونين اذهب شرتهم نشرب فى جره قوتهم

عندي على المرهوون دلالة .. نمشيلة قدام عيالة

* * بنت الجبل * *

% % شونا % %

& & شهد & &

منورات الموضوع بصراحة بالمتابعة الجميلة .. كما اتمنى التواصل ,, وهذي ليكن :

كبدي ع المرهون رقيقة ** ما نحمل فرقاه دقيقة

مرهون جاصداف العقل *** عليه تبت توباتي نقض

:tx:

... يامرهون اقرب ساولهن *** ياتبريهن ياتقتلهن ...

.. تحياتى ..
دمـــــــــــــــــ الوردــــــــــــــــــوع

هذي ليك دموع الورد وننتظر في الرد :

قديم ارتهن حازوه ... وهو زاد راضي بهم

الولهان

قديم ارتهن حازوه *** وهو زاد راضي بهم

[i]

» غناوي علم قويه
» اي فاهق وسع علي خاطرك بس
» غناوي وشتاوي ع الكبد
» غناوي علم وشتاوي علي العقل
» غناوي وشتاوي عالسر