ياصاحبى ودى معاك انخرف للشاعر ادريس الشيخي ..

السلام عليكم ورحمة الله وبركاته

يا صاحبي ودّي معاك انخرّف مليان خاطري مليت غدير امطرّف
غدير في مصلوبة
بعيد ع العرب كاتف عليه اشبوبه
فوق م الطــوراي عذوتـه مكبوبه
مليـــــان نيـــــن لجالتـــه يذرّف
لا روده رايـــــــد علـي مــركـوبــه
و لا جــــاه وارد بالقداحـــــه غرّف
من قــل الماســـك حومته مهلوبه
فـي وطــن خالـــي ما عليـه اتعرّف

--------------------------------------------------------------------------------

اعقيل اعطيّب
وما اتجيه غير اللي الرس اتشيّب
اللي توزنه ميزان موش اقريّب
ويطلع عطيب امعاه كي تصرّف
لا ترافقه لاعد ايجيك احبيّب
من حاشن عمل روحه خويل امترّف
يا ما فقدنا من رفيق ايخيّب
كريم وجه يندا موعطيب امجرّف

--------------------------------------------------------------------------------

نري احكاية
تحيد جضار العقل حال الغايه
وتجيب البعيد قريب في سهرايه
وتسمع جديد مع سهاري شرّف
ميط م العرب ما يعرفوه اغنايه
وجملة سهاريهم العقل اتقرّف
لانريدهم لا يفهموا أمعنايه
ديمه معاهم ع الخطا نشرّف
ولا ينهضوك ولا بهم عنايه
كيف النعاج الراكه الهكرّف

--------------------------------------------------------------------------------

نريد سهاري
في وطن منبوته رتم واجداري
وتلقى العزيب مع محاس حباري
في رق ساهل موش حيط حجرّف
ويبقى عليك الزول مو متواري
طول النظر فوق السراب امحرّف
هاناك يبقى منعدل مشواري
وتاخذ سهاري في جواب امزرّف

يا صاحبي ودي معاك نخّرف ميان خاطري مليت غدير مطرّف

للشاعر ادريس الشيخي

مشكور اخي بشار

شكراً لك وللشاعر القدير

ادريس الشيخي

قصيدة رائعة ..

ولك كل الاحترام والتقدير ..

مشكو ر بشار علي القصيدة ..

دمت ودام ابداعك

تقبل مروري وتحياتي

امير الغربة

مشكور ياغالي انت والشاعر

تحياتي.........السامر

قصيدة كبيرة كبيرة

» ياصاحبـى عنـدى اصـحـاب ايجـونـى ** للشاعر ادريس الشيخي
» شعر شعبي.. ..للشاعر رجب الشيخي
» مره مره .للشاعر ادريس الشيخى
» دارن عليه اطرنج ..للشاعر بالعيد الشيخي .
» ماتبيني صيورها ترايف علي وتجيني {للشاعر رجب الشيخي}