شتاوي وغناوي عالغلا

تذكير بمساهمة فاتح الموضوع :

طفايت نيران غلاهم ....... غلطو جابو القاز امعاهم

يجارن وهو جراي ............ سبق الياس لقسام عالغلا

اتقول رابطلنا ياياس ............ ترجا أمغير في دورة الغلا

غلاك هو صبي العين .......... لوغاب عنها يوم تنعمي
[/i]

العين في ربيع غلاك .......... طالب الله مايوم نفقدك

تصليـب جابهــا عالكبد ........... خبير ياعلم نار الغــــلا

عزيز كان خان الصوب .... عزاي فيه توبه عالغلا

شكاع بارقة ما بات غلا جديد لا في خاطري

ما يطيحلك غلا من العين. .... قدرك كبير ياخيرة العرب

يا جياب نبا الغوالي *** ياريتك ما قلت الوالي

اعزاز كل يوم يزيد غلاهم مع طول ياسهم

حامل ضيم زمانى كله........ لكن فقد الغالى عله

الكم انكان عاش العقل *** وان مات بالغلا فيه تارثوا

لنا زمان ع لولاف *************زعما وايش داروا في الغلا

بشـهودي و حقي ضاع *** وحلت في غلا صاحبه نكر

غلا عزيز ما ننساه ... حتى كان لغيري قسم

القايل القي ما ايقول @ ابروحي تراخيت عالغلا

حطيت يا عزيز وخنت *** يمناك فوق يمناي على الغلا

حتي والمواوير يـاس ... غلا عزيز نا ما نتركه

لااللى اخظيت لين اتهون *** ولا اللى اقسمت ياصاحب الغلا

يالولاف ارمام غلاكم *** فيهن رخوا من يالاكم

غلاك راه ماننساه ... حتى وانت جافى يا علم

نلقانك عليه اغليت ... العقل نين ما عاد حاملك

العين من غلاك تريد ... تقسم معاك حتى عمرها

ميخوذ فالغلا واعزاز *** كبير فاهقى يفجعك

عزاكن عليه ادموع ... عزيز يا ملاويع الغلا

مايطيحلك غلا مالعين..... قدرك كبير ياخيرت العرب

شدي عزايمك يا عين *** يفنى العمر لا بال الغلا

غلاك في السما مكتوب .....يقراه جيل مازال مانخلق

ياريت كل مـن غاليت *** يدعيلــي ولا يدعي علي

ان غاليت غالى زين *** حتى ان خان يبقالك علم

افرقن بينا الايام *** الغالي اغلي واجد علي

» شتاوي وغناوي علم
» شتاوي وغناوي علم عن النشدة
» مجموعة شتاوي وغناوي للشعراء
» شتاوي وغناوي علم عن الخيانه
» شتاوي وغناوي سنوات الضياع