شتاوي وغناوي عالغلا

تذكير بمساهمة فاتح الموضوع :

طفايت نيران غلاهم ....... غلطو جابو القاز امعاهم

يجارن وهو جراي ............ سبق الياس لقسام عالغلا

اتقول رابطلنا ياياس ............ ترجا أمغير في دورة الغلا

غلاك هو صبي العين .......... لوغاب عنها يوم تنعمي
[/i]

العين في ربيع غلاك .......... طالب الله مايوم نفقدك

عزاكن عليه دمـوع ... عـزيز يا ملاويع الغلا

ان غليو بعدكم ناس *** يبقى خفيف ميزان خاطري

العين دايره العزيز *** مكان فالغلا كيف روحها

ان قلتلها يا عين انسيه ... اتقول غلاه خذيت عليه

املكو خاطري وخلاص ....... اعزاز في غلاهم منعمي

غلا لولاف انوارى فيه .....خايف م الحساد عليه

مني عزيز ويش ايريد وهو غلا من روحي علي

ياريت الغلا ما صار******** تباعد وجا كيده علي

كلاته علي ما فيه *** العقل يا علم نار الغلا

غلاكم نحسابوه ايام ... طلع عام ايطارح فى عام

انموت اوهو فالعقل *** قديم الغلا ما ينتسا

حتى لو مشو لولاف ... غوالي علي يا اديارهم

أيام الغلا غاليت *** واليوم لا علينا ولا لنا

فى ايدين خالقى ساعات *** اجروح الغلا مايقتلن

غالي يا غالي ياغالي *** غيرك ماوالني والي

ما انريدك اضيع او ضعت ... عانيت واجد فيك
ياغلاء

زعم اللى معاى معاك .... والا وحدى فى نار
الغلا

لو كان جرح داويناه *** الا غلاه عاهه فى الجسد

مامن زول احملت افراقه ............... ماني عالولاف الصاقه

ان كان عرف نية لولاف ... العقل نسميه العراف

أيموت كيف موت الناس*** اللـــه اللـــه تاريته الغلا

يالولاف خسارة فيكم ... تعديد السيات عليكم

اعزاز افداهـــــــــــم يا لانظار ...اللي صاير واللي ما صار

عليهم رايفنا يا عين .....غوالى غابو قلنا وين

شيلتها تحرق في جوفي * * * غلاكم وريافي وضروفي

» شتاوي وغناوي علم
» شتاوي وغناوي علم عن النشدة
» مجموعة شتاوي وغناوي للشعراء
» شتاوي وغناوي علم عن الخيانه
» شتاوي وغناوي سنوات الضياع