جزء بسيط من ربع المنهل للفحل دكام علي دكام المقرحي

احكى يامنهل على الحباب..دلال الناب..اخساره دالنك لجداب..احكى يامنهل

النجع اللى كان محرجف...اليا جاه الخايف يرتاح
عرب شيخ مرزرزعارف...مع الجو يلين ويكساح
ابعزما مايعرفش ايخف...اليا جاه الواجب جحجاح
ايمينا صادق كان حلف...المتل ايقول ازناد وطاح
ابخوت اصلال ماهم لف...ايطيحو عا السوق الكلاح
اليا جاهم غالط يلتف...امعاهم ماعندامطراح
دوارتهم فى عز وعف...ولاهم دوارين ارباح
الهم نصر من الله صدف...الهم ميخودا من صلاح
عرب مافيهم راح سلف...ايردو بالكيل الدحداح
عرب ليهم هماوشرف...عرب وين الشرقات اسناح
عرب ديما سلوم الصف...عرب ضمادا كل اجراح
عرب جيبا لطارف...عرب ماليهم واحد زاح
عرب كسابا لام شعف...عرب ركابا لرداح
عرب بالحكمه تصرف...عرب فى القصدا مام اشحاح
عرب وين اتجيها توقف...عرب للى خايف مرواح
عرب عيل ليا مد صدف...ايعوق طليبا عالشباح
عرب مال اليادار حجف...ايخلى فىالصارف نزاح
عرب قايدهم دوم ايهف...كدا وين البارق لالاح
اللى سيلا وديان جرف...ايجرف فى اللى كان سماح
ايجى غاشيهم دايرضف...ايفاجوه فى ليلةوصباح
منازلهم فى راس الدف...الهم عشبت راس المسطاح
ابرحل ايبانن فيه جحف...اتقول كان مراكب سواح
على شبك نيبان كرف...كراميد شبابات اسماح
اللبيهن غير انخترف...امعيا فاهقهن نقاح
ايعجز اللبي فيهن يوصف...اليا لبسن فى يوم افراح
اللى راهن يعرق ويجف...هوالعهن فوهات اسلاح
اللى بيهن وين انسولف...احداشايام محاكيهن تاتيراعصاب.. احكى يامنهل
على الحباب..دلل الناب..اخسار دالنك لجداب..احكى يامنهل




النجع اللى عز الافيه...اللى فيه اجوادغنازير

اليا جاه الخايف يحميه...امعاهم قاعد كل عشير
الياميعد ابراي نزيه...قليدة للمضلوم نصير
امنين تكلم يصغوفيه...حريص على راي التدبير
الشي اللى صاير ينهيه...خفي مايسمع به الغير
النجع اللى يعجب طاريه...ابقدرة ويقيم التقدير
اتبجد يادكام عليه...اتقدر يستاهل تقدير
اليوم ايشرفن ماضيه...امخطر على العين مخاطير
النجع اللى فوق جلاويه...بعيد على هال المجارير
الياحط الفارغ يمليه...اليامد ايدير سماعير
ابطون الوديان مشابيه...مرابيعا فى رق سرير
نزل وطن اسماح معاليه...خدو غايت ها الخواوير
ايجى وين القبلى يرميه...الهم فىالمصياف امواكير
الهم بير اسماح جوابيه...اللى طيبا للقود غدير
عرب عيل ماهوش سفيه...ابعز امربايوم صغير
اليا مد سقيمات ايديه...تروم اعيونا بلقزير
انجىعلي سافي ناسيه...خفيف الركزة كيف الطير
ايضل مالى الدور افوجيه...اليا هيزع به مشاوير
ايقبن زغرات عليه...اللى فى وسط الغيلوك شهير
النجع اللى قولى يعنيه...اللى صيتا فى الناس كبير
انغنيت انجيب محاكيه...القول اطياب الشاعر وين حديته جاب..احكى يامنهل
على الحباب..دلل الناب ..خساره دالنك لاجداب..احكى يامنهل



النجـع اللـي ديمـا نـزال..كذا ويـن اتكنـز لوحـوش
عـرب كسابـا لام بـهـال..ادير كلايـل ويـن اتحـوش
عرب بيهم تضرب الامتـال..لهـم صيلـه مايختلـفـوش
عرب في متل اولاد اهـلال..عرب في الميـري مايـدوش
عرب طـاري تـو ميـزال..عرب عا المـدة ماحـدوش
عرب ديما في الروز اتقـال..اللـي قاسوهـم ماقـدروش
عرب مافيهـم راح اسـوال..عوادي كيف اعضام الهـوش
عـرب لاجيهـم ماينـطـال..عـرب فيهـم مايدهـمـوش
عرب تدبح في روس ارجال..عرب عا النار اتخش اخشوش
عرب تنقـل ديمـا راحـال..عرب تكسب فم ضرابـوش
عـرب وكـالا للـي سـال..عفـي نـواره دايـر بـوش
عرب في القصده مام فـزال..عـرب همـا ماينـدمـوش
عرب فيهم صادق مـن قـال..عليهـم نحكـي بالمفـروش
عرب شيـخ يحـل فلشكـال..لتعليـمـات ميـخـطـوش
الشوخـا قايمـهـا بفـعـال..بـدوي وبالميجـود بشـوش
امقهقـه عنـد وسعـه بـال..لتعليـمـات مايـخـطـوش

عرب من صيغه عال العال ... اجنى اصواب... الهم مابين الناس احساب
احكي يامنهل على الحباب ..دلل الناب.. خساره ذالنك لَجْدابْ.... احكي يامنهل

الشهاده لله ابدعت ياولد سيدي وياريت تحاول تجعها كلها لاني مقيم بره وحاولت اني نجمعها بس ماقدرت


ولك كل التقدير

منور ياسيد كحيلة
الف تحية لك ولشاعرنا دكام