مسجـــــــــــــات صقع ..

السلام عليكم
ان شاءلله كل الاعضاء يكونو بخير

جيبتلكم مسجات ليبية
وان شاءلله تعجبكم.. ماتنسو تعطونى رايكم
وإضافتكم الرائعة ...



ما عبرته_كيف ما قهرني من زمان قهرته_ألقيت القديم اليوم
-ألقيته أصدافي_يحسابني كي قبل ماني جافي
ونا في غلاه أمسكرات أملافي
لا تقول عشت معاه لا عاشرته
ياما عطيته مالحنان الدافي
وياما أقبال الناس نا قدرته
.
.
.
لا جيتهم شحته ولا نجده
امغير حن قلبى ماقدرت انرده
وين جيتهم هملونى ..كيف الغريب بجنبهم خلونى
والقيت منهم كل الجفاء والصده
وانكان الغوالى من الوسع خلونى
من هو الى نلقاء وقت الشده
.
.
.
إريافي وشوقي والغلا وحنيني
خلوني بلاراده نتبع عيني
إريافي كابر..
ونحساب روحي علي الكواين صابر
وبادي علي ملقاك دوم مثابر
وين نلتفت نلقاك دومإ يميني
ونحساب زولك غيرطيف وعابر
ويعدي كيف ماعدن أيام سنيني
نفضت على عمري الهم الغابر
بقت شبحتك بعد الوجع تبرينى
.
.
.
وين الزمان يهدك . .
حتي اللي معاك يصبي ضدك..
والناس تنسى هيبتك وتردك . .
تحبس الدمعة تغلبك وتسيل. .
والغدر واعر يقهرك ويغدك . .
تلقي المحبة كلها تمثيل.
.
.
.
لطيفه قالت :دلالتني وزهيتني لاخر الطريق معاك وسط الطريق خليتني.
رد عليها الشاعر:دللتك صحيح وفي الغلا زهيتك إغلطتي نصحتك ما نفع خليتك


.
.
.
غايب عليك الحن...
اتخطم على رقمى وما عليه ترن...!
سبحان كيف تميت؟
.
.
.
يوقف دقه ... نبقى نسيتك ياعيونى حقه ...
لو كان نبض القلب يوقف دقه
.
.
.
البارح بكت عينى وهاج بحرها
عليها خطر ماضى عزيز قهرها
بكت مليوعة... وجابت سريب الى بعيد رجوعة
فارق وهى من غيبتة مفجوعة
تركها شريدة بال ماعبرها
بكت منهاره
عليها خطر هلى بعيدة داره
عليه رايفت والقلب زادت ناره
شوق عا الدمع السخى جابرها
بكت فى اليله
لا نجوم فيها لا قمر تشكيله.
.
.
.
جفا وانسينا ... رخا حبلنا وقتا عليه اعبينا ...دار الخطا قصر جفا وانسينا.

.
.
.
مافيهاش كيف
انخاف انجيك نسمى ضعيف
مافيهاش دبارة انخاف انجيك ياكحيل انظارة
بين الناس تبقالي اعزارة ونا محسوب بين الناس ضيف
مافيهاش كيف

.
.
.
مانى قده.... نسيان حبيب كيف روحى نعده...
نلقانى بالله مانى قده
.
.
.
فى خاطرى نمشيلك تكمل ايام العمر وانت معاي
وفى خاطرى فوق الرموش نشيلك
ياروح قلبى يا اسباب غلاي
ومن القلب ديما فى الصلاة ندعيلك
ياأمل عمرى يحفضك مولاي
فى الكون كله مالقيت متيلك
انت دواء للجرح وانت داي
.
.
.
ماهم كيفك ....فريد النوع في طبعك وفي توصيفك
القيتهم جميع الناس...... ماهم كيفك

.
.
.
مانى عديم ضمير
اندير دورتك وانخون فى الاخير...
وعلي تنحسب
.
.
.
مهما ايطول غيابك..اتجيني مع نسمة هواء نزهابك ويرتاح قلبي من عذاب اغيابك


.
.
.
الله والنبي بالك ادير بصيره
غلاك لاعني والجرح زاد سطيره
دير دباره!
غلاك كادني ووحلت في مشواره
ونا قبل عقلي حاضرات اشواره
واليوم حايس حرت في تدبيره
الله والنبي تحسب حساب اقداره
وجبرت الخاطر خير من تكسيره
.
.
.
الشاعر قال لنقاله:
لك زمان ماجبته خبر من الغالي..لايم عليك اليوم يا نقالي..
رد النقال :
انسا سريبه ولا عاد تشقا ولا تحكي به..
والف علي غيرك وبقي زاهي به..
ينسيك مولانا الكريم العالي..
ماعاد في الوارد تجيك كتيبه..رقمك محاه وتم مكانه خالي!
الشاعر:
مشتــــــــــــــــــــــــــاق له في الجيه ..
وياريت غر مره يرن عليا..
ننسا جفاه وخونته والسيه..
راهو صحيح معاه يزها حالي!
.
.
.
تنهدت ماهون عليا دايا
حاولت نرقد مالفانى نوم
ندارى على وجهى بطرف اغطايا
القيت طيفهم وسط الغطاء مرسوم
.
.
.
مالى عليك ملام ...........ود وسماحة وذوق وإحترام
فيك كلهن


.
.
.
عزيز أمخالف ..
ان والفت يجفا وان جفيت إيوالف ..
إمعاي في الغلا كنا
.
.
.
ما درتها من قبل ...وما هى ليا....
ولا انديرها خونت عزيز عليا...
ما درتها من قبل ولا نرخى امعا غالى فى يوم الحبل
واللى باعنى نخبط عليه الطبل
واللى حبنى ياخد الروح هدية
.
.
.

تغيب التريس ومايغب عملها.. وتخيب اعمال الموحشه عاملها..
اأتغيب علينا* ..تريس نفخروا بيهم وتفخر بينا ..
فيهم اللي غير شبحته بيعينه.. يفهم امور الوقت ويحللها..
وفيهم اللي ديما افعاله زينه.. تقعد علي طول المدي امسجلها
.
.
.
خاطري بكيته ........بعد البكاء لا جيت لاواسيته..
هاين عليك وخاطري بكيته
.
.
.
ايش جابرك ياقلب رد عليا ... ايش جابرك عالموجعه والسيه
ياقلب بلاش محنا بعد ما ينكرك مازال تبي منا
وين ينشدوك تقول كنت نحبه هو باعني والعيب ما هو فيا
ياقلب انسى غرامه وانسى صوته ومشيته وكلامه وخلي حياتك ماشيه عاديه
.
.
.
جيتك جيبك
جبت الدوا في مطرحك مالقيتك
للعلم راني في مكانك جيتك
.
.
.
أتقول مافيها والى
اليوم ســـــــــــــــرت فى غيبة أعزاز غوالى
خلاء فى خلاء
.
.
.
ماعاد إتشيل نضرها
إمفيت فى العزيز الى جبر خاطرها
العيــــــــــــــن حالـــــــــــفة
.
.
.
كرهت رنينك ياجهاز
بعد الأعزاز.......
نسونى بنديرك هزاز
.
.
.
ماقصرت كبير فى عينى وزدت كبرت
وفى رفقتى نقدر نقول اخترت
.
.
.



هيا هيا......العين وين ماتغفل عليك شوية ........ شور العزيز اتقول هيا هيا
.
.
.


بدرى بدرى ........إنكان فى عيون عزيز ينقص قدرى......
يجيبك الله ياموت بدر بدرى

.
.
.
منا ذايب.. قناص الغلا مشهور كيف التايب... رميه جابها فى القلب منا ذايب
__________
ان شاءلله تنال اعجاااابكم وشاااركووونا

مشكووورين البدو وغرور نورتو الصفحة
ربى مايحرمنا من طلتكم الحلوة

مشكووورين ياقوتة الساحل و غلا البدو
ربى ما يحرمنا من طلتكم الحلوة

برشة برشة ... غلاك فوسط القلب داير ورشة ... يخبط نهار وليل

مانك عادي **يهدرز عليك العقل جاي وغادي

يلي سكنت القلب
**********************

لكي فائق الشكر والتقدير

على طرحك الرائع ...

مشكووورين البدوية....الحبونى...mohnd72...ejaly
نورتو الصفحة





ارجع حبيبى الليل ينشد عنك .. انجوم السما فى غيبتك فقدنك
ورودك اللى تعشقها .. ضاع العبير عطرها فارقها
صاف ع الغصن الورق .. قابلين كل اعذارك
القلب فى انتظارك .. طاير على جناح الرياف سبق

يسلموووووووووووووو عشق ع المسجات الحلوة

نشيله غلاك ياعزيز ونرضى .... ولو كان عالجمل ينحط يبرك بأرضه

يا مكتوب ادعي امعاي ديما ** صبر ايوب يلهمنا الله
نا ويّاك وانديرو عزيمه ** عاللى فارق ةانهونو غلاه
ذكريات مالماضي قديمه ** اتجيني وين ما يطرو اسماه
مو برضاي فارقته ظليمه ** مالاقدار وايستا رجاه
ويا مكتوب نلقنها جريمه ** فراق الزين والعيشه بلاه

مشكورة اختى عشق على المسجات الرائعة

غاب زهاها...قهرها افراقك والبكاء شقاها...لاهناك صاحب لاعدو عزاها...بعد ماتضل العين من يحسبها...تندب تنوح وماونيس امعاها...وتمت غريبة وهي بين عربها..غاب طربها..قهرها افراقك والبكاء عذبها....

يا زمان اقهرنى ...زيد يا زمان اقهرنى.... وسع اجروحى زيد ماتعبرنى ... زيد اوجاعى اضغط علي قلبي وشل ذراعى... تذرف ادموعى اتسيل مانى واعى .... مكسور مالقيتش اللى يجبرني!!!

[ندعوك للتسجيل في المنتدى أو التعريف بنفسك لمعاينة هذه الصورة]

غبتوا علي غاب النفس .. يلى بعيدة داركم
خطرتوا علي ضاق النفس... بالله ويش اخباركم

مشكورة اختي عش علي المسجات الرائعة والرقيقة

مشكووووور يالغالى
وياريت تصحح الاسم عشق

بصدق و صراحه احسن موضوع قريتة لعن الأن و ارجو التثبيت
شكراً
مع فائق احترامي

مشكووووور sheepmanياذوق يسلموا

يسلمووووووو على مسجات الصقع