يا طامع بالدهر الخوان ..... قليل امان ..... الدايم غير الله سبحان

الصراحه قصيدة رائعه اعجبتني قلت اكتبها لي اعضاء المنتدى
الشاعر ساسي عمر سعود النعامي

يا طامع بالدهر الخوان ..... قليل امان ..... الدايم غير الله سبحان
عجب في الدنيا ياما صار = وياما يطرا عا الحيين
مطاريه في الناس اكبار = امغير من اللي صبارين
اللي منهم ناجد الاقدار =اللي ما ماتو منحازين
بيوت العز الذاذ الجار = اصحاب الرافة عالمسكين
اهل الكوت يلعب بهجار = الفالق ضارب فيه سمين
وهل سابق لاصار اندار = اتجي قدام الميازين
وهل طفل يكبس عالنار =منين الحربي دار زنين
وهل بنت تقول عنز امهار = اليا لبست مالكاط اثنين
وهل رحل ان قفز مالدار= عقابه من الاول شبحين
جحف كيف ربيع النوار =احزازي وكسيه وبطاطين
على اكلوص مقادير اوفار = يقودو بيه الرطانين
اخساره منية جعد اوبار ... دمعي غدران ... اليوم منهم غير ذوانين
وخلوني نرجع في امرار = الناس طرابه ونا حزنان

قليل امان
ياطامع بالدهر الخوان = الدايم غير الله سبحان
ياطامع بالدهر الخالي = اعداد الجالي بالساعات
على كل تواصيف ايجي = يزهى وياعنده برمات
يبرم برياح القبلي = ويجن فيه ايام لذيذات
يطرّب في العين وتبكي = يفرّح ويرد اغشاشات
ولا عمره دام الوالي = الدايم غير رب العزات
ومال ماللى بيته مملى = امغير مجيدي وبوطيرات
بيوته في واو امباني = ضفايف جمله ملتمات

واو= هدي واحه في الجنوب كانت فيها معارك

اللي ناض الفجر البدري = غطنكم قال الطيارات
بعد ساعه الريغان ارقى = من المدافع والطقطاقات
تعلى في الجو الفوقي = وسيّر جنّه منهدات
طوابير عساكر رسمي = نصارى مان اسلاميات
وبديت العباد جوالي = ذوايح مابين ابلادات
نهارا ودرما مالغالي = الصقر الطايب عالحوزات
اللي فاهقهم زاري بي = انلاجي بين حيا وامّات
ولاقاعد غير خيالي = من الياس ومالغيريات
سريبي ماصار لوالي = معاي كواين متبعات
واللي طانيني فراق الحي= تقاصى وجن دونه جوبات

طقطاقات = رشاشات الحربيه

المنية فوق ازرق = مْربّع له ثلث خريفات
نقل طول ايديه من الني = خطف ززو اوطان عفيات
ومتكوسم فيه فنادى =تقول دلاليع اجنانات
وصدره غير كيف الكرسي =وزوره تقول مجيدات
ومنقاضة منهل صافي =معود غريبه اسواكات
ايهزن فيه ثمان ادلى = ولا يتواطن له جمات
الحاصل وتيت اللي لي =برك ثنّيته بعقالات
قشطت عليه وبوّج بي = من جراب على البرقاوات
دريته عاالركن الغربي = نبي نوادع ناسي ونبات

اركب في راسه عبراني = ملص بيّهْ عالقيس وفات

عبراني = عفانه الله الجن يقصد

اشرف بانن قور مكادي =مقاطيع اتقول سحابات
هلب عقب دور تبستي =اسمّح والنّه دفات
اطناشر يوم ضلام وضي=صلبهن لاقيل لابات
خلطنا في الوطن العشري = قرار ووديان عفيات
القينا تراس اجلاوي= نشدناه على الامورات
وقال غوش اولافك ياخي =إن مشيك زين اتجيه امبات
ضربت المغدود بسوطي= امفسد من غير اجناحات
متيل البيبور امتوى .. ونلعب طربان ... الله يجيره من عين شمات
كربت اقلاصه وحطزبى = وصلنا قبل الترقيدات
خذيناه الليل كمالى =وحنا نشّاكوا عاللي فات
وحيّد مالقب اغشاشي = زهت عيني بعد النوحان

مشكور على ذوقك الرائع

ودمت بصحة وعافية ..