غناوى وشتاوى عالبكا

تذكير بمساهمة فاتح الموضوع :

لو كان ياعزيز ابكاى .. عليك دين ويش ايخلصه.

تريد ياعزيز ابكاى .. ونا انريد بكايا على.

بكيت كيف بيك اطمعت .. وبكيت فى اضياعك ياغلا.

ا الغايه مع تعديد .. سماحه البكا فيه نوطرا. :lol!:

... بكايات ارقاق عزايم *** ع اللى لا فارق لا لايم ...

( زيزو _ الولهان _ بنت الاجواد ) من تميز لتميز مشكوريييين على التواصل الجميل

.. ( زاد الخير _ القلب المحيط ) نورتوا المنتدى ونورتوا صفحاتى بمشاركتكم ومنكم المزيد ...

.. ولكم منى كل الود ..
دمـــــــــــــــــ الوردـــــــــــــــــوع

فرقي عزيز باقيلي زعل ما انروقغير يالا الدوج

جريح قابله مجروح.......................... اشاكو بكو نين انعموا

... ارقدن حاملات بلاه *** خطر عزيز وعاهن بكن ...

ملذوعه بنار الفقد................................... تبكي اتقول يانا غايبي

... بكاى مابكاه يتيم *** اللى يوم لولاف فقدهم ...

وين ما انشيل انظري... نلقي اوهام تستاهل ابكاء

... فى الدوج مالقيت قديم *** رديت عالمواهيم بالبكا ...

... منور زاد الخير عالتواصل ...

بكيت فيك نين ابطلت وان جاء قديم يادار اشهدي

... اللى غلاه هاس العقل *** نبكوا عليه ديما نذرفوا ...

الخاطر لاتزيد عليه *** بكاي غير كامي دمعته

أحنان وفاقدات حنون *** أمغير ذنب تسكيتي ألهن

نبكي عليك في شان ايش ... ياعزيز ياخاين الغلا

وديما ايسير اخلاف ... ابكانا علي ماضي الغلا

مشهور خاطرى بالعزم ... وامبارح بكاء ما هى عادته

.ابكي عليه ليل نهار **** عزيز كان يا عين واجعك .

تباكن ولا ما اتباكن*** هك وهك عزيز رخاكن

تضايق ان كان اسكتت*** وان هي بكت مي باده

خلولك أعزاز أوهام *** أحذاهن تجمي وتنزحي

شختي عليه بو زعتيه**** الدمع قبل يا عين عاتقك

مرضى بالبكا داويت ... وبريت و البكا تمالي مرض

حرام ياالعين ابكاك *** عليهم وهم مايندروا

اسباب يا عزيز ابكاى ... اريافى عليك وعازتى

كديتي اللي يالاك *******عقاب ليل شور أيش بكيتك

العين راغبه فى الوقت ... اسكبت مارجت نين يخطرو

الغناوة : ان كان البكا امنعوه.... انغدو وين من ضيق علمنا
[ندعوك للتسجيل في المنتدى أو التعريف بنفسك لمعاينة هذه الصورة]

الشتاوة: كان البكيا فيها قوله......ضيق العلم ايش انديروله

على كل شى نلتام *** الا بكيتى فى دارهم

» غناوي علم وشتاوي متنوعه
» غناوى وشتاوى
» غناوى وشتاوى عالبيت
» غناوى وشتاوى عالفاضى
» جديد غناوى علم وشتاوى ع الوقت