غناوى وشتاوى عالبكا

تذكير بمساهمة فاتح الموضوع :

لو كان ياعزيز ابكاى .. عليك دين ويش ايخلصه.

تريد ياعزيز ابكاى .. ونا انريد بكايا على.

بكيت كيف بيك اطمعت .. وبكيت فى اضياعك ياغلا.

ا الغايه مع تعديد .. سماحه البكا فيه نوطرا. :lol!:

... اللى فاقد ياناس غلاه *** ايجينى نبكى نا وياه ...

... مشكوريييين ومنوريين ( بنت الاجواد _ الولهان _ زيزو ) وتشرفت بمشاركتكم ( بنت الساحل _ ملوكى ) ومنكم المزيد ..

.. تحياتى ..
دمــــــــــــــ الوردـــــــــــــــوع

دمع العين امغير ايهطل *** لاجاب غوالي لا بطل

عندك الحق دموع الورد كان لقيتي من يبكي معاك قوليلي ,,,,,,,,,,,,

نلقانا ملايا غيض ........وحيل للبكا ماعندنا.

مليت م الخلاء والدوج ......تقدر اتقول حتى م البكا.

على عزيز نبى دمع ....ان فيك فيك وان مافيك دبرى.

امغير اطلبي يا عين .... جميع ماأيبكيك عندنا.

قدامكن خلاء ووهام.....بشويش يا معاجيل ع البكا

... مشكور الولهان وخوذ عندك ...

... لى زمان بلا الغوالى *** نبكى وابكاى على حالى ...

... منور ( a gely) الموضوع ومشكووووور على المشاركات ومنك المزيد ...

مووووووووورة دموع الورد وهذي ليك ::

اللي دلولك ايام عليهم *** ابكي يا عين نين تنعمي

تحياتي الحارة ليك ,, الولهان

ايريدن من النهار اشوي....أ بكا الليل ما عاد سادهن

بكوها عقاب الليل........ لاهناك دوج لا وين نلتجي

رديت عالبكا ملزوم .... مليان والمشاكي شاويه

... النوروالتألق بيك( الولهان) واكيد ( agely) منورنا بمشاركاته وطلته عالموضوع ...

... اللى بكيتا لعزيز *** على لو بكاها ينعمى ...

تباكن مافيدي لا شيء .. اللي نشكيلا غاب علي !!
سكبن نين راج الهدب .. خطر عزيز في وان نومهن ..
عزا العقل فيك دموع .. ذرفن وين ما ياسك حتم ..
بكاي ونا حمـــــــــال .. خطور، ياعلم ، صوبك علي ..
تحياتي ..

فواهق قدم يا عين ... عليك وين ما ناضن ابكي

العين نازحة في الدار ** اسكتت لا تقولو رايقة

أرق التحايا ليك دموع الورد ,,,

لو كان البكا جياب ****راه عزيز يا عين جايلك

... لو كان البكا جياب *** ايجيب ناس ذابوا فالوطا ...

... مشكورييييييين ( الولهان _ بنت الاجواد _ امير الغربه ) ودام ابداعكم وتألقكم ...
.. وانست ( benghazi ) الوضوع وتشرفت بمشاركاتك ...

... ولكم منى كل التحيه ...

دمــــــــــــــــــ الوردــــــــــــــــوع

تسلمي وهذي ليك دموع الورد :

وفي كل وان بكيت ** علي عزيز هيالي شوي

تنقيط ما ابكا مليــــــوع ... اقطع ابكاك يا عين اسكتى

تحياتي ... بنت الجبل الاخضر

انكانك اتريدي لجر *** قولي قديم وابكيلي شوي

تحياتي ,,,, الولهان

بكيت فيك نين بطلت............. ممسك عجاج يادر باقيه

تنويعك يا عين ايضرك ع المرهون ابكي في سرك

تحياتي/ العقــــيلي

يسلمو إختي دموع الورد

فيه علايل مايداون * لكن كي نبكي انتهان

مانك إمداد ابكاي * ارجي ايجف سيلي واقندي

علي إمهلي نبكي فيك * مطول اغياب يادااار غايبي

إن كان البكا منعوه ... انغدو وين من ضيق علمنا

امرضي بالبكا دوايت *** ابريت والبكا بات لي مرض

حولت ع البكاء وحملت *** ووحلت نين رديت ع البكا

نطريلك اللى غيـــــاب ... وانتى عليك يا عين البكــــا

تحياتي ... بنت الجبل الاخضر

اسباب ياعزيز ابكاي *** اريافي عليك وعازتي

بكيتي وما ساهاك ... علي عزيز يا عين هاينة

» غناوي علم وشتاوي متنوعه
» غناوى وشتاوى
» غناوى وشتاوى عالبيت
» غناوى وشتاوى عالفاضى
» جديد غناوى علم وشتاوى ع الوقت