غناوى وشتاوى عالبكا

تذكير بمساهمة فاتح الموضوع :

لو كان ياعزيز ابكاى .. عليك دين ويش ايخلصه.

تريد ياعزيز ابكاى .. ونا انريد بكايا على.

بكيت كيف بيك اطمعت .. وبكيت فى اضياعك ياغلا.

ا الغايه مع تعديد .. سماحه البكا فيه نوطرا. :lol!:

... من ناس غاليين عليك *** ايجن اوقات ياعين بكيتك ...

... مشكوريين( فتى الصحراء - الولهان - الجارح - ايهم - امير الغربه - فافى - زيزو ) ومنور
الموضوع بتواصلكم الدائم وتألقكم ودائما منكم التقدم والمزيد ..

.. تحياتى ..

دمــــــــــــــــــــ الوردــــــــــــــــوع

... بكيتى وهو يالاك *** وان غاب كيف ياعين تحملى ...

العقل جارحه البعيد *** عليه مو علي غيره بكى.
انكابر بكيت بكيت****** الوقت دارني راس حاجته.

تحياتي

امير الغربة

..كان بكاك يجيب فقيدك ... راكي ياعين مواعيدك
تحياتي زيزو :(

... تشارف وشى ما بان *** العين علمها ضاق وبكت ...

بكيت والبكا ماجاب *** ننساهم والله غالب علي

تحياتي ليك دموع الورد والتألق طبعاً بيك ومنك الجديد ..

... عينى مانقدر ننهاها *** فيه اوقات انعوز ابكاها ...

.. تحياتى ..
دمــــــــــــــــــــــــ الوردـــــــــــــــــــــوع

نين فارقو لولاف **** العقل ما عرف قيمه البكا

...........مبدَعة ... دموع الورد .......

:tnx:

... ابكاكن عالغياب ايضر *** اوكان سكتن شر وشر ...

... مشكووووووووور( الولهان) وربى يحفظك ودام تألقك وابداعك

.. تحياتى ..

دمـــــــــــــــــــ الوردـــــــــــــــوع

لوكان كل شى يا عين **** تبكى عليه ماعاد تسكتى

صحيتي وهذا من ذوقك دموع الورد ........

علي عزيز يالنظار *** من غير البكا ويش عندنا

ماعاد فيهن دمع **** اجروح او فقد يا اقسام دونكن

تحياتي ليك دموع الورد

امغير تنعمي يا عين .. الدمع ما قضالك قاضية
ننهاهن يديرن عزم .. يمساهن الليل ويذرفن
اللي ما بكوا لبكاك .. عليهم انتي ليش باكية

تريد ياعزيز ابكاي *** ونا انريد بكايا علي

بكوَها وجوه الفجر *** لا هناك دوج لا وين تلتجى

تحياتي ...... وينك دموع الورد ؟؟؟؟؟

مالى فزعة غير ادموعى ... كل عشية ناصب نوحي

... زهينا عدد ساعات *** بكينا على طول عمرنا ...

... مشكوريين ( الولهان - امير الغربه ) على التواصل ومنور الموضوع بمشاركتك( بنت الاجواد )ومنك التواصل

النور نورك دموع الورد والحمد لله على السلامة

تنقيط ما ابكا مليــــــوع ... اقطع ابكاك يا عين اسكتى

تنقيط ما ابكا مليــــــوع **** اقطع ابكاك يا عين اسكتى

,, دمتي ماسة متألقة يادموع الورد ,,,

:03: :03: :03:

بكاك مايجيب عزيز... كري غطاك يا عين ورقدي

نطريلك اللى غيـــــاب ... وانتى عليك يا عين البكــــا

... تضايق ان كان اسكتت *** وان كان هى بكت مى باده ...

... نورتى( دبدوبه ) الموضوع ومشكوريين ( الولهان - بنت الاجواد) على التواصل والتالق

ليك دموع الورد,,,,,

علي اعزاز سالت سيل ** تبكي عقاب ليلي واخره

بكاك مايجيب عزيز ..... أخذى درس من ناس جربت

انريدها ظلام ودمع **** الفجر حال غايتى مايجى

,,,,,,,,,تحياتي ,,,,,,,,,,

اللى افزعه غير ادموع ... من الفايض ايجينى انسلفه

» غناوي علم وشتاوي متنوعه
» غناوى وشتاوى
» غناوى وشتاوى عالبيت
» غناوى وشتاوى عالفاضى
» جديد غناوى علم وشتاوى ع الوقت