ألقيت الخلا يملا علي خلاي

لشاعر: الصالحين بو شليف

******

القيت الخلا يملا علي خلاي.. وبسكونه نحس امان في دنياي

له نرتاح... القيت الخلا يملا علي بياح

منين الماسي خاطري تجتاح... ويحوسن افكاري في غياب زهاي

ونحس بمتاعب في الحياه واشباح...ولا من انجيه ويفهمه معناي

ناخد خلاي ايسيرلي ارتياح...ويجلن اهموما ساكنات معاي

سعتا انسيل بدمعتي نواح...ويطاول علي غايب بجد بكاي

ابروحي انقض في خلاي جراح...ولا من ايصبرني ولا نهاي

وجميع ما حكيتا تاخدا الارياح...ونطرد افكار مشوشات اجواي

له نطمان...القيت الخلا مطرح هنا وامان

فيه انتغرب خاطري مليان...متضايق وتارك كل شي وراي

وننسي مشاكل واجده واحزان...معاهن انخمم قاطعات الواي

امفيت هو ما ليا ايليق مكان...القيت في سكونه سر ايبري داي

فيه مزايا...القيت الخلا يشفي غليل معاي

هذا بيش لو نلقي انصيد خلايا...وعايف الدوج وللخلا مشاي

كوني مواري في الكنين سوايا...طاعنتاتني ميس قدوم هناي

وانخاف ان حكيت تطول بي لحكايا...ونضعف ونا قولي قوي مصباي

صابر امخلي في الكريم رجايا...كبير العطا بامره ايزول شقاي

إبنة الصحراء والروابي

لك كل الشكر والامتنان على ذوقك

في انتقاء كل ماهو جميل ورائع

وياريت تتطلعي على شروط الشعر الشعبي ..

» قصة انشات الخلا فة
» الخلا والدوج
» خطر عزيز في فج الخلا ...... من كتاباتي