غناوي وشتاوي ع النار

تذكير بمساهمة فاتح الموضوع :

ظروفي والياس وفرقاه *وطول رجاه* وموحه زادن نار غلاه
بعزومي فالنار انطفي***وريافي يبرم ويطفي
العقل والزها والنوم***قرعت عزيزوالنار قرعتي
الغافل ايقول عليش *** والقايس بكا مالامني

نارك يا الغني مسكها ياتقتلني يا نقتلها

درت غلاء مادرت حسبه مازل ايدخن منشبا

عنها النار نين وصلت غشاني عما ما ريتا

جابديني من النار ** لا وكلت لا عاد نوتكل

افيت في ضار عاقل النار موش ضروري كبرها

النار قايله للعقل ... ان صار ياس لولاف ناخذك

مالنار خفتيا طفاي ........ اشحال من وطى في وسطها

¤¤ النار ¤¤ النار ¤¤¤¤
& شيط فيا النار وعده _ وين كلتني قال موده _
& بدري ياغالي من عمرك _ بيدك خلك طافي جمرك _
& قويه يانار المرهون _ سكنتي جوا في المكنون _
& في نارين العقل ايعايني _ نار اعزاز ونار زماني _
& كنك يانار مع كبدي _ وين انريد انغفي تبدي _
& عزيز علي نيران الشوق _ ايقلب في كبدي ويدوق _
&يانار المرهون سريتي _ لا ماريتك نين كليتي _
& النار اللي كانت مجحوده _ حركها المرهون بعوده _

& مقيوله ويقولو فيها _ كيد النار علي واطيها _
& الله الله في نار غلاك _اكبرها دوبي نا وياك _
& انقول ابردي يانار _ بكيت ع الغلا ساعة الخطا _
& نار غلا ما حاجه خلت _ هي كبرت والريح تعلت _
& متجمهر كانون غنايا _ ياكل في ايدين الطفايا _
& الناس يحسابوك ربيع _ وانت عذاب يانار الغلا _
& عليك عمر ضاع ضياع _ تلديع في عقابه واولا _

الله يحفطكم منها أنشالله

عزيز لا اقسم لا دام  ** بلا لهيب يا نار ابردى

شتاوي عالفاهق0واماسك شين0محمدالعريبي0رمة يالنضار اقسامي طارت من الجازل قدامي0مجمد الفرجاني0قرنه يا مرهون ارمام امغير رخن بينا لقسام0محمد لعريبي ارمام غلانا لربعطاش تعبنا فيهن راح بلاش0محمد الفرجاني تعبنا في هاذاك البيت مشا في الفاضي عمرك ريت0العريبي0عارف بيت غلاي خرابه طار الجارل من الكرابه0الفرجاني0مرهون اخلاله ورواقه طاحن طيح نهار افراقه0احواس0للي وجعتني بيت غلاي كربته بالرمه جا جاي0عوص حامد0عالمرهون الخاطر صابر لو ماطاح عليه الجابر0احواس0طرطش يامولاي ملمه فكاك الجازل من الرمه0العريبي0واثق بيت غلاي امعنا ما كل ارياح ايواطنه0ارجو ان تنال اعجاب الحلوين

¤¤ النار ¤¤ النار ¤¤¤¤
& شيط فيا النار وعده _ وين كلتني قال موده _
& بدري ياغالي من عمرك _ بيدك خلك طافي جمرك _
& قويه يانار المرهون _ سكنتي جوا في المكنون _
& في نارين العقل ايعايني _ نار اعزاز ونار زماني _
& كنك يانار مع كبدي _ وين انريد انغفي تبدي _
& عزيز علي نيران الشوق _ ايقلب في كبدي ويدوق _
&يانار المرهون سريتي _ لا ماريتك نين كليتي _
& النار اللي كانت مجحوده _ حركها المرهون بعوده _
& المرهون بناره امحدينا _ كل نهار ايلدع فينا _
& كان اريافك كيف اريافي _ تجري حافي ع الجمر الولع والطافي _ كان اريافك كيف
& ابروحه مشي للنار _ يستاهل الخاطر لدعه _يستاهل
& نار الحطب تطفا بعد ولعتها_ ونار الغلا تولع بعد طفيتها _
& ايام شكينا من نيران _ هذاك وان وهذا وان _ ايام شكينا
& نار غلاك اخطيت صناها _ لكان نا قاعد يالاها_ نار غلاك
& مقيوله ويقولو فيها _ كيد النار علي واطيها _
& الله الله في نار غلاك _اكبرها دوبي نا وياك _
& انقول ابردي يانار _ بكيت ع الغلا ساعة الخطا _
& نار غلا ما حاجه خلت _ هي كبرت والريح تعلت _
& متجمهر كانون غنايا _ ياكل في ايدين الطفايا _
& الناس يحسابوك ربيع _ وانت عذاب يانار الغلا _
& عليك عمر ضاع ضياع _ تلديع في عقابه واولا _
& دمع العين ايزيد خزاره _ واين الغالي تقوي ناره _
& النار اللي تحكي بيها _ من صغري متعود بيها _
& مانحساب غلاك اجميره _ تشيط وتبقي نار كبيره _
&عقاب جميره كنت انقول _ كلتني بعرض والطول _
& الخاطر كان افضي للنار _ عليك اتعود ياكفار _
& وين انقول النار توطت _ نلقاها في الخاطر شاطت _

& من لذع ياعزيز النار _ تقبل جميل كي لو تاو علي _
& النار اللي جتنا ياعين _ كلتنا نا والفزعين _
& عزير ايحطب لك ع النار _ ازيد ازياده كل نهار _
& انشدني ع النار انوريك _ اموريها نين انبكيك _
& صابا ضفاي واحتار _ امنين ايجيني يلقا نار _
& سماحتها كي تكبر نار _اتوريها حتي ع الجار _
& العقل والزها والنوم _ قرعت عزيز ونا النار قرعتي _
& النار ان شقوها ع الحول _ اتجي منطرحه عرض وطول _
& علين يانار لهليبك _ ماعد اطفاي ايجيبك _
& الخطوه في دار مراهين _ اتقول الا فوق كوانين _
& في كبر النيران امجرب _ ماني كيف اللي يدرب _
& حشيشه عندي في نيران _ انولعه في كل مكان _
& اللي نشكيله من نيران _ ايقول كلتني لي زمان _
& خش عليه انكان اتخاطر _ ياطفي النار الشاطر _
& كلا من الراياتي السود _ انحرك في النار بلا عود _
& ايقول ساهله للردم _ اللي مانضر يوم كبرها _
& اللي رد النيران علي _ قديم غلا لزمته في _
& موتي ياعين بتقهيرك _ نار عزيز وطاها غيرك _
& دارت في النار فجاوي _ والطفاي ثقيل خطاوي _
& كان اتريد اتطفي نارك _ واطي يامرهون انضارك _

& حامل ياغالي نيرانك _ وكنت انقشوش من وطيانك _
& مازالت انقوش ونلمد _ خايف نار جديد اتهمد _
& هن هدين سبايب نارك _ قل النوم وبعد اديارك _
& متجمهر ياكانون اولافي _ شقيت نحسابك طافي _
& نارك عارفها من غادي _ مالياسات حطبها نادي _
& اجحود النار القيته راي _ اهولي من تشميت اعداي _
& نارك ياغالي حاملها _ يا تقتلني يانقتله _
& راي عطيب كبرتي ناره _ هلي جن تمويح اديره _

كابر نارونادم فيها ... ماقشوشت الا طرحيها

& نارك هلي تكبر فيها _ ماعندك بيش اطفيها _

& فالنار ماهفيت اوحدي _ كريتم اللي كابرنيها _

مازلنا ع النار انشقوا لين ربيع العين انطقوا

حق حق نجك نجك