معرفة سطحية

موضوع: معرفة سطحية الأحد أبريل 26, 2009 3:26 pm

حيه عليا-- عزيز قالي نبيك كيف الخيه

ويش أندير

قال ما نبيك-- ولا في يوم ما لأيام نحلم بيك

خليني فحالي والنبي --وعدي تربحي يا بنية

أنت سمحة-- تستاهلي فارس عظيم برمحة

ونا ما نريد في صوبك نخط ونمحي-- ولانريد منك غلا لا غيه

يا بنت الناس --عندك الشكل والحب والأحساس

ومعاي السعادة مالها مقياس-- ولو تبحثي ما فيش ميزة فيا

كوني أختي-- ونساعد لوكان فأزمة طحتي

وتكون زينة لك كان فرحتي-- لكن غلاك صعيب ما هو ليا

قتله نبي -- فرصة أنطربك في حبي

نا معاك لو تنبت أشواك فدربي-- تنسا معاي الماضي وتشقا بيا

قالي خليها-- صحبة قويه هكذي نبيها

حياتي وظروفي حاكمات عليا-- لا عشت عمري ولا كتبت وصية

لاني خايف-- لا العقل غيرك فالمحبة شايف

لكن البخت أمعاي ديما أمخالف-- وحتي لو عطاني هابه عليك عطية

قتله نبقي-- أمك وأختك وعيلتك والرفقة

وبمعرفتك أقداريد أتزيد أخري ترقا --حتي أن كانت معرفة سطحية

موضوع: رد: معرفة سطحية الأحد أبريل 26, 2009 6:15 pm

شكراً لك على المجهود الرائع

وياريت لو تعرفي اذكري اسم قائل

القصيدة ..

بارك الله فيك خوي الكاتبة للقصيدة
طالبة طب أسمها بنت القطراني