قصيدة قمة الروعة

انتي ياونسه

انتي ياونسة ناصح فيك**اللي ناشيك**علم عال العال امخليك
انتي ياونسة بك معجب***وبيك اعجابي موش فلاس
علي مافي الاوطان انلب***وريت بنات اجناس اجناس
احذاك ايبانن كي الخشب***انجيتي في فاخر الالباس
انتي كلك مصبوبة صب***انبوصملك مافيك نقاص
جمالك ع الواصف يصعب**جمال من الله من الاساس
غثيثك ضفا شي عجب***اتسفي فيه أكداس أكداس
علي جوجيك وين انكب***اركيب ساعه جفلة حاس
جبينك بارق في زاعب***شرابه يقلب في الانواس
خذا يوم وليلة يسكب***عمربه كم خال منهاس
وعينك تحته وين اتشب***اتخلي في العامر كسكاس
وهدبك ع الماقي ضبب***اطوال وفي روسه نعكاس
أنفاسك ريحة مسك اتهب***اداوي الكبود اليباس
أسلوبك في العاقل يسحب***اللي قام التوبه باخلاص
السبحه والواشون هلب***وراك جرا من غير امداس
ان قالو له بالك ذاهب***ايقوللهم هاذي وخلاص
شهاده بيها نطالب***نهار اتفارقني الانفاس
انه مافيك وما ينحب***علي غيرك فزتي بالكاس
انحسك درتيلي شاطب***وقطع الوا يابنت الناس
وخايف كي منك نقرب ***اتزيدي بعد وطولة ياس
ابكوني من قبل امجرب***وقايس والقايس حساس
انغالي غالي وايصاوب***ونقرن نا وياه الراس
وثاني مواله ايخرب***بعد تشبيك***غلانا نلقا فيه شريك
انتي ياونسة شي عجيب***علي توصيفك مانلتام
انهلل وانرجب ترجيب***انتي سمحه وانا كلام
وكيف اللي مافيك انجيب***انخاف ايقولو عقله هام
وانا قبلك ما هالسريب***ايجيبه ليا طيف منام
اكبرت وطوقح في الشيب***وظني بعد الشيب حرام
الخفه ومحايات لهيب***النار بعد كم عام وعام
علي الجامع ماعاد انغيب***انصلي في الاوقات تمام
قريب الا تميت خطيب***ولكن ياسمحة الابسام
أصدافك جيت وبان العيب***وجا ماقي الانظار أجمام
خطر ماضي مافيه نصيب***ربيعه لطنه لقسام
ارجوعه من المحال صعيب***وانا ماعندي بيه الزام
امشطب مواله تشطيب***وقاصر رجلي ع الاوهام
امغير انتي خذني تصويب***وخيذه فيك سواد اميام
عيون اريل في دير عزيب***ابهن شاهيك***رهينه روحي بين ايديك
انتي ياونسة مانحساب***اترديني لايام زمان
ايام ونابيدي الاصواب***انجيهن حتي ع النعتان
وكنت انسيب وراه اسياب***اللي كيفك وانا سخلان
وتوا يامجليت الناب***كبرت وشبت ولوني شان
وتميت امسكر هالباب***انسيته من بالي انسيان

امغير انتي شكلك جذاب***بدع فيك المولي سبحان
انحسك درتيلي شخشاب***خذاني من شورك طوفان
العقل اللي نحسابه تاب***ظهر خاين مافيه امان
وراك ابعيطه شال اتراب***علينا وقتاً زولك بان
امعايا حاييتي منشاب***قديم وقبل امغطا كان
وجا دمعي داير ميزاب***سيول ايصبن في وديان
ونا في البكية كنت انهاب***وخايف من باب النقدان
ولكن لاودا لاجاب***ابكاي عليك***ابها بلكل ماني ناسيك
انتي ياونسه لك توصيف*** ايعجب سبحان الصوار
ومني يستاهل توصيف ***بعد نستاذن من الحضار
الحقني في القول اتقرهيف***مع وصفك شاشن لفكار
ولا شعرامتاع التفتيف***ولاحلم ايكيد الفسار
اخذي مني موقف ع الكيف***اتزيدي به صفا واقدار
مع طيفك راودني طيف*** قديم وله مازال اثار
تمازا جرحا دار نزيف **وهاما صار وهاما صار اصداف اعيونك يالطيف***اركيب في راس المصدار
اصبح لافوق مشاريف ***علي عالي داير منقار

الشاعر /جمعة بوخبينة الزوي
نبي رايكم في القصيدة

لك كل الشكر على

اختيارك الرائع ..

الطير الحر

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]