بعض مصطلحت غناوي العلم

يواجه العديد من هوات <صوب خليل> الصعوبة في فهم بعض المصطلحات العامة التي تستخم في غناوي العلم والشتاوات
اسمحو لي احبائي ان اتسعرض لكم بعض من معنى هذة المصطلحات
العزيز هو كل شخص يعز عليك سواء كان حبيب او زوجاو زوجة او اخ او خت او صديق ....إلخ
عزيز هو دواي وداي ومشكاي وطبيبي وعلتي
عزيز الغايب هو مشكاي طبيبي و العلة ودواي
الجديد هوالذي ياتي بعد العلاقة القديمة
جديد يا جديد معاك نسيت الروح يابال القدم
عمرك ريت جديد اصغير في اذعات قديم ايطير
عمرك ريت جديد اسطاوي في لذعات قديم ايداوي
القديم هو الذي اتنتهت العلاقة العاطفية معه ولكنه قد يعود في اية لحضة
في عيونه قديم اقريت نادم ايريد عوده للغلا
مع القديم ريت ايام ... واجعتني اللي ماطولن
نصيب غيرهم ناداك .... اشقا بهم انسى نار القدم.
.انخاف كي اندير جديد ... يفضى قديم وننقهر
.قدم نمكر فيهم ونكيد .... حداهم داير صوب جديد....
ياريت من بكيت احذاه.... يشهد امعاي ويقول للقدم..
المرهون هو الشخص الاخر الذي حاز عليه الغير و حال بين الحبيبين و المهون قد يكون بي الزواج او بي الخطبة
يساول ايزيد ايغلب *** مسكون يامراهين صوبكم
ف المرهون رجاي اطاول **حاولت ومالقيت امحاول
يامرهون استاعر قربك **** سكر ياس مسالك دربك
ما زال المرهون انريده**امفيت اتجد عليه جديده
مرهون مخلفلي غصه **** كيف اللي مات وما وصه
مرهونين توارو بدري****غير انتي قيسك ما تدري
يا مرهون النوم خذيته **** و ايش اللي ليا خليته
كبدي مرهون إمقسمها **** ولي بين أيديه ظلمها
الفاضي هو الشخص الذي لا تلابطه علاقة حب او خطبة عكس المرهون
نارك يا فاضي حاملها يا تقتلني يا نقتلها
الغني هو الشخص المتزوج ولديه ابناء بانسبة للرجب ليسة مسالة صعبة اما للمرءة في تعتبر مسالة صعبة
جميع من ايجي ايساول ينشد امنيش قولو ماغني
غني نحسبله لاقدم ايشيلن و يودن لقسام
الجرح هو الجرح او الوجيعة التي تاتي من الحبيب او الصديق <و هناك جرح القديم و جرح الجديد وجرح الغني>
للوهام هو المكان الذي كان ياتي اليه او كتن فيه و انتقل من ثم عاد اليه بعد فترة فتذكر من كان فيه او مكان لقائه بي من يحب
خذيت طرفه او هلبت ... نقند الدار عيني انظرها
ملايه على الوهام ... اصداف جن وانا جيتهن
جلاء العقل من الاوهام ... تخاطا او جاء بيناتهن
مطاول شقاك يا نهي ... طرين اوهام جاته بكيته
القايد والمقيود وانا اعمينا والاوهام خلا
الدر هي المكان الذي تربى فيه او سكنه ولكن مع مرور الايام اصبح خرابا و في الاغلب يقصد بي الدر هي منزل الاحباب
يا دار قديم اهلب جالك لا تنهلبي لا ينجالك
عليك دار كنتي دار و عليك دار يا دار باقية
بكيت فيك ما قصرت انجو هالك يا دار اشهدى
حتى ان كان ما هم فيك ...نبرم عليك يا دار لجلهم
تذوح في عقاب الدار ... تلقي عزيز هيال بالها.
السية هي من السوايا التي لا تتوقع انياتيك بها فاعلها
يالقديم السية سيه حتى لو صفيت النية
مازالت اقبال العين ........رحيل الغوالي وحوستا
مي خاطيا عزيز عرفت......حوست رحيل جاني علمها
الخلا ه المكان الوقطو الخالي من الناس
من ضيقت علمي مرانا مرات نهلب الدوج ونبات فاخلا
الدوج هو المكان المزدحم بالناس عكس الخلا
نمشي فالدوج ونا حايس موفطلي غير القايس

اتمنى ان تكونوا قد استفدتم ولكم مني اطيب تحية

» أثر الطبيعة في غناوي العلم
» قوانين ولوائح قسم غناوي العلم والشتاوي
» شنو.........غناوة العلم ؟
» مساجلة في عناوي العلم
» الفائز في الاسبوع الرابع من مسابقة غناوي العلم