ياما رينا

ويـــــــــــــــــــــاما رينا = اللى شافها يبــــى اكمالة دينا

ايطيش اف غلاها طول

ريناهلبــــــــــــــــــــــــــــــــــــة = ورينا اللى للصوب تطلب طلبه

ورينا صبايا فى الغلا منغلبــــه = ورينا سوا خضرا وسودا عـــــــينا

ورينا اللى للثــــوب ما تـــنزلبه = ورينا اللى ما اتدير حتى الشينــــــا

ورينا اللى لكل الحيا منسلبه = ورينا اللى اتطبق شرايع ديــــــــنا

ورينا القوية عقل والمنكلبه = ورينا خفيفتهن امــــــــــــع الرزينه
***
قلنا طشـــــــــــــــــــــــــــــــــــا = منهن اللى تملك القلب اتخشا

ومنهن اللى تنفـــــــــــــخ وهى منفشا = ومنهن بنات الضاحيه ومدينا

ومنهن على التنور ترمى رشا = ومنهن اللى ما تعــــــرف الكوجينه

ومنهن اللى تجرى وما اتمشا = و واجد اللى مافـــــــــــارقت تركينا

ومنهن اسمان الرق تما غـــشا = ومنهن اموات وما لقنش دفينــــــــــــا
***
رينــــــــــــــــــــــــــــــــا ياسر = ورينا جميل الوصف طيفه جاسر

ورينا مثيل الصقر ديما كاسر = ورينا اللى فى الصوب تبهر فينا

ورينا اللى مايفوز ديما خاسر = ورينا اللى بالــــــــــربح يخلص دينا
***
الا ماكيـــــــــــــــــــــــــفك = لا ريت فى وصفك ولا فى طيفك

حره وبنت اجواد فى توصيفك =واللى ايقيم صوبك كيف ربى ايعينا

عبد السلام بوجلاوي


--------------------------------------------------------------------------------

شكراً لك على اختيارك الجميل

لك كمني كل الاحترام والتقدير ..